A d v e r t i s e m e n t With Us

အသင်းမှထွက်ခွာမည်မဟုတ်ဟု မန်စီးတီးတိုက်စစ်မှူး အဂွဲရိုး ပြော

ဓာတ်ပုံ - ရိုက်တာ
ပုံမှန်ပွဲထွက်ခွင့်ရဖို့ အာမခံချက်မရှိပေမယ့် အသင်းကနေ ထွက်ခွာမှာမဟုတ်ဘူးလို့ မန်စီးတီးတိုက်စစ်မှူး အဂွဲရိုးက ပြောကြားလိုက်ပါတယ်။ အဂွဲရိုးဟာ ဘရာဇီးတိုက်စစ်မှူး ဂါဘရီရယ်ဂျီးဆပ် ရောက်ရှိလာပြီးနောက်ပိုင်း ပုံမှန်ပွဲထွက်ခွင့်ရဖို့ ရုန်းကန်ခဲ့ရတာပါ။ ဒီအခြေအနေကို မန်ယူအသင်း အပါအဝင် ပီအက်စ်ဂျီ၊ ရီးယဲလ်မက်ဒရစ်အသင်းတို့က စောင့်ကြည့်နေပြီး အဂွဲရိုးကို ခေါ်ယူဖို့ စိတ်ဝင်စားနေတာ ဖြစ်ပါတယ်။ အဂွဲရိုးအနေနဲ့ လူငယ်တိုက်စစ်မှူး ဂျီးဆပ်ရဲ့ ခြေစွမ်းကိုလည်း ချီးကျူးခဲ့ပြီး ဒဏ်ရာကနေ ပြန်လည်ကောင်းမွန်လာတဲ့ ဂျီးဆပ်အတွက် ပျော်ရွှင်မိတယ်လို့ ဆိုပါတယ်။ ဒါ့အပြင် တိုက်စစ်မှူးတဦးအနေနဲ့ အသက်အရွယ်ရလာတဲ့အခါမှာ ငယ်ရွယ်တဲ့ တိုက်စစ်မှူးတွေက ပွဲထွက်ခွင့်နေရာအတွက် ဖိအားပေးမှာဖြစ်ပြီး ပိုကောင်းတဲ့ခြေစွမ်းရနေဖို့ လိုတယ်လို့လည်း အဂွဲရိုးက ပြောပါတယ်။ အဂွဲရိုးအနေနဲ့ မန်စီးတီးအသင်းမှာ ထပ်ပြီး အရန်ခုံထိုင်ရမယ်ဆိုရင်လည်း လက်ခံသွားရမှာဖြစ်ပြီး နည်းပြ ဂွာဒီယိုလာဟာလည်း သူအမြဲတမ်းလေးစားရတဲ့ နည်းပြတဦးဖြစ်တယ်လို့ ဆိုပါတယ်။

A d v e r t i s e m e n t With Us

More News
Up