A d v e r t i s e m e n t With Us

အန်စီအေလမ်းကြောင်းအတိုင်းဆက်ဆွေးနွေးမည်ဟု ငြိမ်းချမ်းရေးကော်မရှင်ကြေညာ

တနိုင်ငံလုံး ပစ်ခတ်တိုက်ခိုက်မှု ရပ်စဲရေးစာချုပ် (အန်စီအေ)လက်မှတ်မထိုးရသေးတဲ့ တိုင်းရင်းသားလက်နက်ကိုင် အဖွဲ့အားလုံးနဲ့  ဆွေးနွေးညှိနှိုင်းဖို့ ဆက်လက်ကြိုးပမ်းသွားမှာဖြစ်ပြီး ဆွေးနွေးရာမှာ အန်စီအေလမ်းကြောင်းအတိုင်းဆွေးနွေးမယ်လို့ ငြိမ်းချမ်းရေးကော်မရှင်က ကြေညာပါတယ်။ ငြိမ်းချမ်းရေးကော်မရှင်အနေနဲ့  နိုင်ငံရေးပြဿနာတွေကို စစ်ရေးနည်းနဲ့ ဖြေရှင်း ဆောင်ရွက်ခြင်းမပြုဘဲ နိုင်ငံရေးတွေ့ဆုံဆွေးနွေးပွဲဖြင့် အဖြေရှာနိုင်ရေးအတွက် ပြည်ထောင်စု ငြိမ်းချမ်းရေးညီလာခံ-(၂၁) ရာစုပင်လုံမှာ တိုင်းရင်းသားလက်နက်ကိုင် အဖွဲ့အစည်းအားလုံး ပါဝင်ရေး ဆောင်ရွက်သွားမယ်လို့လည်း ဆိုပါတယ်။ အန်စီအေ လက်မှတ်ရေးထိုးနိုင်ရေးအတွက် တိုင်းရင်းသားလက်နက်ကိုင်တွေ အဆိုပြုထားတဲ့  အချက်(၉)ချက်နဲ့ ပတ်သက်ပြီး  ဆက်လက်ဆွေးနွေးနေစဉ်ကာလအတွင်း နှစ်ဖက်အကြား အပြန်အလှန်ကတိကဝတ်ပြုချက် (Deed of Commit- ment-DoC) ရေးထိုးနိုင်ရေးကိုလည်း ဆွေးနွေးညှိနှိုင်းခဲ့တယ်လို့ ငြိမ်းချမ်းရေးကော်မရှင်ရဲ့ မေလ ၆ ရက်နေ့စွဲနဲ့ ထုတ်ပြန်ချက်မှာဖော်ပြပါတယ်။ ငြိမ်းချမ်းရေးကော်မရှင်ဥက္ကဋ္ဌ ဒေါက်တာတင်မျိုးဝင်းခေါင်းဆောင်တဲ့ ကိုယ်စားလှယ်အဖွဲ့ဟာ ပြီးခဲ့တဲ့ ဧပြီ ၂၈ ရက်က  ထိုင်းနိုင်ငံ ချင်းမိုင်မြို့မှာ KIO, SSPP, KNPP, NMSP, ANC, LDU, WNO တိုင်းရင်းသားလက်နက်ကိုင်တွေနဲ့ဖွဲ့စည်းထားတဲ့ နိုင်ငံရေးဆွေးနွေးမှု ကိုယ်စားလှယ်အဖွဲ့ (DPN)နဲ့ တွေ့ဆုံကာ အန်စီအေ လက်မှတ်ရေးထိုးရေးနဲ့ မေ၂၄ရက် ကျင်းပမယ့် ပြည်ထောင်စုငြိမ်းချမ်းရေးညီလာခံ (၂၁) ရာစုပင်လုံ ဒုတိယအစည်းအဝေးသို့ တက်ရောက်နိုင်ရေးကိစ္စတွေ ဆွေးနွေးခဲ့ကြပါတယ်။

A d v e r t i s e m e n t With Us

More News
Up