လှိုင်သာယာ အလုပ်သမားဝန်ကြီးဌာနရုံးတွင် အလုပ်သမားကတ် လျှောက်ထားသူ များပြား
DVB
·
April 25, 2017
ရန်ကုန်မြို့ လှိုင်သာယာမြို့နယ် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနရုံးမှာ အလုပ်သမားကတ် လာရောက်လျှောက်ထားသူတွေနဲ့ များပြားနေပါတယ်။
သင်္ကြန်ကာလအပြီး လှိုင်သာယာက စက်ရုံ အလုပ်ရုံတွေမှာ ဝင်ရောက်လုပ်ကိုင်ဖို့အတွက် အလုပ်သမားကတ် လာရောက်လျှောက်ကြတာဖြစ်ပြီး အများစုက အမျိုးသမီးတွေ ဖြစ်ကြပါတယ်။
စက်ရုံ၊ အလုပ်ရုံတွေအနေနဲ့ အလုပ်သမားကတ်ရှိမှသာ အလုပ်ခန့်တာကြောင့်ဖြစ်ပြီး အလုပ်သမားတွေအနေနဲ့လည်း အလုပ်သမားကတ်ရှိမှသာ အခွင့်အရေးတွေ ရရှိမှာဖြစ်တဲ့ အတွက် အခုလို လာလျှောက်ကြတာပါ။
အလုပ်သမားကတ် လာလျှောက်တဲ့သူတွေထဲမှာ အရင်က အလုပ်သမားကတ် မလျှောက်ရသေးတဲ့ လူလတ်ပိုင်းနဲ့ လူကြီးပိုင်းတွေ ပါဝင်ပေမယ့် အများစုက အသက် ၂၀ ဝန်းကျင်တွေ ဖြစ်ကြပါတယ်။
အလုပ်သမားကတ် လျှောက်တဲ့နေရာမှာ လူတွေ တိုးဝှေ့နေကြသလိုဘဲ ထောက်ခံစာ ထုတ်ပေးတဲ့ လှိုင်သာယာရဲစခန်းမှာလည်း ထောက်ခံစာလာထုတ်သူတွေဟာ မနက် ၆ နာရီ ကတည်းက လာရောက်စောင့်စားနေကြပါတယ်။
ဧပြီလ ၂၄ ရက်နေ့ တနေ့တည်းမှာတင် လာရောက်ထုတ်ယူသူ အရေအတွက်ဟာ ၁၃၀၀၀ ကျော်ရှိပြီး မနက် ၆ နာရီကနေ ညနေ ၆ နာရီအထိ ထုတ်ပေးနေရတယ်လို့ ရဲစခန်းက တာဝန်ရှိသူတွေက ပြောပါတယ်။