Home
မြန်မာသတင်း
မိုးညှင်းမြို့နယ်တွင် ယာဉ်တစီး တိမ်းမှောက်၊ ၈ ဦး ဒဏ်ရာရ
DVB
·
April 23, 2017
ကချင်ပြည်နယ်၊ မိုးညှင်းမြို့နယ် နန့်မွန်းကျေးရွာနဲ့ အုံးစံဆိုင် ကျေးရွာကြားမှာ ဧပြီ ၂၂ ရက် နေ့လယ် ၁ နာရီ ၁၅ မိနစ်က ယာဉ်တစီး တိမ်းမှောက်ခဲ့ပြီး လူ ၈ ဦး ဒဏ်ရာရခဲ့တယ်လို့ မိုးညှင်းရဲစခန်းက ပြောပါတယ်။ အင်းတော်ကြီးရွှေမဉ္ဇူ ရေလယ်ဘုရားက ဘုရားဖူးပြန်လာတဲ့ ယာဉ်မောင်း ကျော်ဇေယျ မောင်းနှင်လာတဲ့ လိုက်ထရပ်ယာဉ်မှာ ခရီးသည် ၁၅ ဦးကိုတင်ဆောင်ပြီး နန့်မွန်းကျေးရွာမှ ၃ မိုင်လောက်အကွာ တောင်အတက်မှာ အရှိန်မထိမ်းနိုင်ဘဲ လမ်းဝဲဘက်ကို တိမ်းမှောက်သွားတာ လို့သိရပါ တယ်။ ခရီးသည် ၈ ဦး ဒဏ်ရာရရှိခဲ့လို့ မိုးညှင်းခရိုင်ပြည်သူ့ ဆေးရုံကြီးကို လုံးတုံရဲစခန်းမှ ဒုရဲအုပ်ဝေမင်းဖြိုးက ရဲဆေးစာနဲ့ ပို့ဆောင်ပေးခဲ့တယ်လို့ ဆိုပါတယ်။ လုံးတုံ ရဲစခန်းက ယာဉ်မောင်းကျော်ဇေယျ ကို ပုဒ်မ-၃၃၇/၃၃၈ နဲ့ အမှုဖွင့်အရေးယူထားတယ်လို့ သိရပါတယ်။ ပြီးခဲ့တဲ့ ဧပြီ ၁၉ ရက်နေ့ကလည်း ယာဉ်တစီးတိမ်းမှောက်ခဲ့လို့ ဘုန်းတော်ကြီးတပါး ပျံလွန်ခဲ့ပြီး လူအချို့ ဒဏ်ရာရရှိခဲ့လို့ မိုးညှင်းခရိုင် ဆေးရုံကြီးမှာ တက်ရောက်နေဆဲဖြစ်ကြောင်း သိရပါတယ်။ သတင်းဓာတ်ပုံ - မုန်းမုန်းမင်း
Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024