A d v e r t i s e m e n t With Us

အီဂျစ်တွင် နှစ်ပေါင်း ၃၅၀၀ ခန့်က မံမီရုပ်အလောင်းများနှင့် ရှေးဟောင်းရုပ်တုငယ် ထောင်ချီတွေ့ရှိ

ဓာတ်ပုံ - ရိုက်တာ
အီဂျစ်နိုင်ငံတောင်ပိုင်းမှာ လွန်ခဲ့တဲ့ နှစ်ပေါင်း ၃၅၀၀ လောက်က မံမီရုပ်အလောင်း ၈ ခုနဲ့ ရှေးဟောင်းရုပ်တုငယ် ထောင်နဲ့ချီ ရှာဖွေတွေ့ရှိခဲ့တယ်လို့ အီဂျစ်ရှေးဟောင်းသုတေသန ပညာရှင်တွေက ပြောပါတယ်။ လူဇာ (Luxor) မြို့နားက ရှေးဟောင်းသင်္ချိုင်းတခုကို ရှာဖွေတူးဖော်ကြရင်း တွေ့ရှိခဲ့တာလို့ အီဂျစ်အာဏာပိုင်တွေက ပြောပါတယ်။ အနုပညာမြောက် တန်ဆာဆင်ထားတဲ့ ခေါင်းတလား ၁၀ ခုနဲ့ မံမီရုပ်အလောင်း အနည်းဆုံး ၈ ခုတွေ့ရှိခဲ့ပြီး မံမီရုပ်အလောင်းတခုဆိုရင် သစ်သားမျက်နှာဖုံးနဲ့ တရိုတသေ ဌာပနာထားတာပါ။ မံမီရုပ်တွေနဲ့အတူ တွေ့ရှိခဲ့တဲ့ မြေအိုးတလုံးပေါ်မှာ ရေးသားထားတဲ့ နာမည်အရ အဲဒီ မံမီရုပ်အလောင်းဟာ လွန်ခဲ့တဲ့ နှစ်ပေါင်း ၃၅၀၀ အီဂျစ်အင်ပါယာခေတ်က တရားသူကြီးတဦးရဲ့ ရုပ်အလောင်းလို့ ယုံကြည်ရကြောင်း ပြောဆိုပါတယ်။ တူးဖော်ရှာဖွေမှုအတွင်း ရုပ်တုငယ် တထောင်ကျော်လည်း တွေ့ရှိခဲ့ပြီး ဘုရင်တပါးမဟုတ်ဘဲ အခုလောက် ရုပ်တုငယ် အများအပြား ရှာဖွေတွေ့ရှိတာ ရှားရှားပါးပါးပဲလို့လည်း အီဂျစ်အာဏာပိုင်တွေက ပြောပါတယ်။ ဒီမံမီရုပ်တွေနဲ့ ရှေးဟောင်းပစ္စည်းတွေကနေ အဲဒီအချိန်ကာလက လူတွေကို ဘယ်လိုသင်္ဂြိုဟ် မြှုပ်နှံကြတယ်ဆိုတာ ပိုပြီး လေ့လာသိရှိခွင့်ရမယ်လို့လည်း အီဂျစ်ရှေးဟောင်းသုတေသန ပညာရှင်တွေက ပြောပါတယ်။

A d v e r t i s e m e n t With Us

More News
Up