A d v e r t i s e m e n t With Us

ဒေါ့မွန်ကို ဂိုးပြတ်အနိုင်ယူပြီး မိုနာကို ချန်ပီယံလိဂ် ဆီမီးဖိုင်နယ်တက် (ရုပ်သံဟိုက်လိုက်)

ချန်ပီယံလိဂ် ကွာတားဖိုင်နယ် ဒုတိယအကျော့ပွဲစဉ်အဖြစ် ပြင်သစ်ကလပ် မိုနာကိုနဲ့ ဂျာမန်ကလပ် ဒေါ့မွန်တို့ မနေ့ညက ယှဉ်ပြိုင်ရာ အိမ်ရှင် မိုနာကိုက ၃ ဂိုး ၁ ဂိုးနဲ့ အနိုင်ရသွားပါတယ်။ ဒီနှစ်သင်း ပထမအကျော့ ဒေါ့မွန်ကွင်းမှာ ယှဉ်ပြိုင်စဉ်ကလည်း မိုနာကိုကပဲ ၃ ဂိုး ၂ ဂိုးနဲ့ အနိုင်ရခဲ့လို့ နှစ်ကျော့ပေါင်း ၆ ဂိုး ၃ ဂိုးနဲ့ နိုင်ပြီး မိုနာကို ချန်ပီယံလိဂ် ဆီမီးဖိုင်နယ်ကို တက်ရောက်သွားခဲ့တာပါ။ ဒီပွဲမှာ ဒေါ့မွန်က ဘောလုံးပိုင်ဆိုင်မှု အသာစီးယူနိုင်ခဲ့ပေမယ့် ထိုးဖောက်ကန်သွင်းခွင့်မှာတော့ မိုနာကိုက အနည်းငယ် အသာစီးယူနိုင်ခဲ့ပါတယ်။ မိုနာကိုအတွက် အနိုင်ဂိုးတွေကို ပွဲအစ ၃ မိနစ်မှာ Mbappe၊ ၁၇ မိနစ်မှာ ဖယ်လ်ကာအိုနဲ့ ၈၁ မိနစ်မှာ ဂျာမိန်းတို့က သွင်းယူပေးခဲ့ပါတယ်။ ဒေါ့မွန်အတွက် တလုံးတည်းသော ချေပဂိုးကိုတော့ ပွဲချိန် ၄၈ မိနစ်မှာ မာကိုရူးစ်က သွင်းယူပေးခဲ့ပါတယ်။ ဒီပွဲအနိုင်ရတဲ့အတွက် မိုနာကိုအသင်းဟာ ၂၀၀၄ ခုနှစ်နောက်ပိုင်း ပထမဆုံးအကြိမ်အဖြစ် ချန်ပီယံလိဂ် ဆီမီးဖိုင်နယ်ကို တက်ရောက်နိုင်တာလည်း ဖြစ်ပါတယ်။

A d v e r t i s e m e n t With Us

More News
Up