A d v e r t i s e m e n t With Us

တင့်ကား ဆီတိုင်ကီထဲမြှုပ်ထားသည့် ပေါင် ၂ သန်းတန် ရွှေချောင်းများ တွေ့ရှိ

တင့်ကားစုဆောင်း ဝါသနာရှင်တဦဟာ ပေါင် ၃ သောင်းတန် တင့်ကားတစီးရဲ့ ဆီတိုင်ကီထဲမှာ မြှုပ်နှံထားတဲ့ ပေါင် ၂ သန်းတန် ရွှေချောင်းတွေ တွေ့ရှိခဲ့ပါတယ်။ အသက် ၅၅ နှစ်အရွယ် တင့်ကားစုဆောင်းသူ နစ်က်မဲဒ်ဟာ သူစုဆောင်းထားတဲ့ စစ်ယာဉ် ၁၅၀ ထဲက ရုရှားလုပ် တီ ၅၄/၆၉ တင့်ကားထဲကနေ ရွှေချောင်း ၅ ချောင်း ရှာတွေ့ခဲ့တာပါ။ နစ်က်နဲ့ ကားပြင်ဆရာတော့ဒ်ချိန်ဘာလိန်တို့ ဗုံးရှင်းလင်းရေးအဖွဲ့ကို ဒီဇယ်ဆီတိုင်ကီထဲ ဘာလက်နက်မှ မရှိကြောင်းပြဖို့ ဆီတိုင်ကီအဖုံးကို ဖွင့်ပြီး ဓာတ်ပုံ ရိုက်ကူးခဲ့ကြတာပါ။ ဆီတိုင်ကီကိုဖွင့်တဲ့အချိန်မှာ ၁၂ ပေါင် (၅ ကီလိုဂရမ်) စီလေးတဲ့ ရွှေချောင်းတွေကို ဆွဲထုတ်မိသွားတာလို့ ဆိုပါတယ်။ ဒီရွှေအလေးချိန်ကို အကြမ်းဖျင်းတွက်ချက်ရင် ပေါင် ၂ သန်းလောက်တန်တယ်လို့ တော့ဒ်က ပြောပါတယ်။ “ဒီရွှေတွေကိုမြင်တော့ ကျနော်တို့ ဘာလုပ်ရမှန်းမသိဘူး၊ ရွှေသွားရောင်းမယ်နေရာဆီလည်း ဘာမှ မမေးခံရပဲ ရွှေ ၅ ချောင်းစလုံး ယူသွားဖို့ဆိုတာ မဖြစ်နိုင်ဘူး၊ ဒါကြောင့် ကျနော်တို့ ရဲပဲခေါ်လိုက်တယ်” လို့ တော့က ထပ်ပြောပါတယ်။ နစ်က စစ်လော်ရီကား ရောင်းဝယ်ရေး လုပ်နေသူ တဦးဖြစ်ပြီး တင့်ကား တီ၅၄/၆၉ ကို အီးဘေအရောင်းအင်တာနက်စာမျက်နှာမှာ ကြော်ငြာပြီးနောက် ပေါင် ၃ သောင်းနဲ့ ဈေးတည့်ခဲ့တာလို့ ဆိုပါတယ်။ ဒီရွှေတွေဟာ ဂါ့ဖ်စစ်ပွဲအတွင်း ကူဝိတ်မှာရှိတဲ့ အီရက်စစ်သားတွေက လုယက်ထားတာဖြစ်မယ် အဲဒီနောက် ဒီတင့်ကားကို ဗြိတိန်လူမျိုးတွေလက်ထဲ လွဲပြောင်းပေးလိုက်တာလို့ နစ်က်တို့က ယူဆနေကြပါတယ်။ ရဲကိုခေါ်ပြီးနောက် ရွှေချောင်းတွေကို ရဲအရာရှိ နှစ်ဦးက သယ်ဆောင်သွားပြီး သူတို့ကို လက်ခံရရှိတဲ့ သက်သေခံစာရွက်တစ်ခု ပေးခဲ့တယ်လို့ ဆိုပါတယ်။ ရွှေတွေကို လန်ဒန်ရဲ့ မီးခံသေတ္တာထဲမှာ သိမ်းထားတယ်လို့ သိရပြီး “ရွှေတွေပြန်မရလည်း ကျနော့်ရဲ့လှပတဲ့ တင့်ကားရှိနေသေးတယ်” လို့ နစ်က်ကပြောပါတယ်။ ရဲပြောရေးဆိုခွင့်ရှိသူကတော့ စုံစမ်းစစ်ဆေးရေးကာလဖြစ်လို့ ဘာမှတ်ချက်မှ မပေးဘူးလို့ ဆိုပါတယ်။

A d v e r t i s e m e n t With Us

More News
Up