မိုင်းဖြတ်မြို့တွင် စိတ်မမှန်သည့် အမျိုးသားတဦး ကိုယ့်ကိုယ်ကိုယ် သတ်သေ
DVB
·
April 7, 2017
ရှမ်းပြည်နယ် အရှေ့ပိုင်း မိုင်းဖြတ်မြို့ ဆိုက်ခေါင်ကျေးရွာတွင် စိတ်မမှန်တဲ့ အမျိုးသားတစ်ဦး ကိုယ့်ကိုယ်ကိုယ် သက်သေမှု ဧပြီလ ၆ ရက် နံနက် ၇ နာရီခွဲ လောက်က ဖြစ်ပွားခဲ့ပါတယ်။
မိုင်းဖြတ်မြိုမရဲစခန်းက ခေတ္တစခန်းမှူး ဒုရဲအုပ် ဟန်မိုးလွင်နဲ့ တပ်ဖွဲ့ဝင်တွေက သက်သေတွေနဲ့အတူ အခင်းဖြစ်ပွားရာ နေအိမ်ကို သွားရောက်စစ်ဆေးကာ သေဆုံးသူမှာ မောင်ကျရှော အသက် ၂၉ နှစ်ဖြစ်ပြီး နေအိမ်အပေါ်ထပ် အိပ်ခန်းအတွင်း ပက်လက်အနေအထားနဲ့ သေဆုံးနေတာကို တွေ့ရှိရပြီး လည်ပင်းမှာ ၁လက်မခွဲလောက်ရှိတဲ့ ထိုးသွင်းဒဏ်ရာနဲ့ သေဆုံးနေပြီး ကတ်ကြေး ၁ လက် စစ်ဆေးတွေ့ရှိရတယ်လို့ သိရပါတယ်။
မိခင်ဖြစ်သူရဲ့ပြောပြချက်အရ မောင်ကျရှောဟာ မွေးရာပါ စိတ်မမှန်သူဖြစ်ပြီး အခင်းမဖြစ်ခင် နံနက် ၆ နာရီခွဲလောက်က မနက်စာစားဖို့ သွားနှိုးရာ အခန်းတံခါးကို အတွင်းက ဂျက်ထိုးထားလို့ နံရံကိုခွာကြည့်မှ သားဖြစ်သူ သေဆုံးနေကြောင်း တွေ့ရတယ်လို့ သိရပါတယ်။
ဖြစ်စဉ်နဲ့ပတ်သက်ပြီး မိုင်းဖြတ်မြို့မရဲစခန်းက ရဲဆေးစာဖြင့် မိုင်းဖြတ်မြို့ ပြည်သူ့ဆေးရုံကို ပိုဆောင်ခဲ့ပြီး ဓမ္မတာအတိုင်း သေဆုံးခြင်း ဟုတ်/မဟုတ် သေမှုသေခင်း (ပ ၂၀၁၇) နဲ့ အမှုဖွင့် စစ်ဆေးနေပါတယ်။
အောင်လေး ( မိုင်းဖြတ်)