အန်အယ်လ်ဒီအစိုးရသက်တမ်း ၁ နှစ်ပြည့် အထူးသုံးသပ်ချက်
ရွှေအောင်
·
March 30, 2017
အန်အယ်လ်ဒီအစိုးရသက်တမ်း တနှစ်ပြည့်တဲ့ ဒီနေ့မှာ အစိုးရသစ် တနှစ်ပြည့်အထိမ်းအမှတ် သတင်းနဲ့ သတင်းဆောင်းပါးတွေကို အစိုးရပိုင်သတင်းစာကြေးမုံနဲ့ မြန်မာ့အလင်းတို့မှာ ဝေဝေဆာဆာ ဖော်ပြထားပါတယ်။
အစိုးရသစ်အနေနဲ့ လမ်းကြမ်းကြမ်းမှာ လမ်းလည်းပြင်၊ ခရီးလည်းထွင်ရလို့ ထင်သလောက် ခရီး မပေါက်ဘူးလို့ ဆိုချင်ဆိုကြပေမယ့် တနှစ်အတွင်း အတိုင်းအတာတခုအထိတော့ ခရီးပေါက်ပါတယ် လို့ ကြေးမုံသတင်းစာအယ်ဒီတာ့အာဘော်က ရေးပါတယ်။
အမျိုးသားဒီမိုကရေစီအင်အားစုပါတီဥက္ကဋ္ဌ ဦးခင်မောင်ဆွေကတော့ မြန်မာနိုင်ငံရဲ့ အထွေထွေ နိုင်ငံရေး အနေအထားတွေက အားရစရာ မရှိဘူးလို့ ဝေဖန် သုံးသပ်ပါတယ်။
“နိုင်ငံရေး ပြောမယ်ဆိုရင်တော့ ငြိမ်းချမ်းရေးပါ ထည့်ပြောရမှာပေါ့ဗျာ။ ငြိမ်းချမ်းရေးအပိုင်း ကတော့ ပြီးခဲ့တဲ့ လက်မှတ်ထိုးမယ့် ၁၆ ဖွဲ့မှာ ၈ ဖွဲ့ထိုးပြီးတဲ့နောက်ပိုင်း နောက်ထပ် မွန်ပြည်သစ် အပါအဝင် မွန်ပြည်သစ်နဲ့တွဲတဲ့ တဖွဲ့ရှိတော့ တဖွဲ့အရင် ထိုးလိမ့်မယ်လို့ သတင်းတွေထွက်နေတယ်။ အဲဒီလို ဖြစ်လာရင်တော့ နိုင်ငံရေးပိုင်းမှာ ငြိမ်းချမ်းရေးဘက်က အရွေ့တော့ ရှိသွားနိုင်တယ်လို့ ပြောလို့ ရတာပေါ့။ သို့သော်လည်းပဲ ငြိမ်းချမ်းရေးအပြီးတိုင် သွားနိုင်အောင်တော့ ဒီအစိုးရလက်ထက်မှာ ဖြစ်နိုင်ခြေ တော်တော်နည်းတယ်လို့ ကျနော် ထင်ပါတယ်။ ဘာကြောင့်လဲဆိုတော့ မြောက်ပိုင်းဖြစ်နေ တဲ့ ကိစ္စတွေက ဒေါ်စုတို့အစိုးရက ကျော်လွှားနိုင်လောက်အောင် သွားပြီးတော့လည်း ဟိုဘက်က ပြန်တုံ့ပြန်နိုင်တဲ့ အနေအထား တော်တော်ခက်ခဲလိမ့်မယ်လို့ ကျနော် ယူဆတယ်လေ။ အရပ်ရပ် အခြေအနေပေါ့ဗျာ။ ငြိမ်းချမ်းရေးကတော့ သူတို့ တပိုင်းတစလောက် ညှိနှိုင်းကောင်း ညှိနှိုင်းနိုင်ပါ လိမ့်မယ်။ အပြီးတိုင်လုပ်ဖို့ဆိုတာတော့ မလွယ်ပါဘူ။ နောက်ပြီးတော့ မြန်မာနိုင်ငံရဲ့ အထွေထွေ နိုင်ငံရေး အနေအထားတွေက သိပ်အားရစရာ မရှိဘူးဗျ။ နိုင်ငံရေး စည်းလုံးညီညွတ်မှု၊ နိုင်ငံရေး ရေရှည်အနာဂတ်မှာ ငြိမ်းချမ်းရေး ခက်ခဲနိုင်တဲ့ အနေအထားပေါ့။ မြောက်ဖျားမှာရော၊ အရှေ့မြောက် မှာရော၊ ပြည်တွင်းမှာရောပေါ့။ နိုင်ငံရေးအားဖြင့် စိတ်ဝမ်းကွဲမှုတွေ၊ အမျိုးသားရင်ကြားစေ့ရေးဆိုတာ ကိုယ်ချင်း ကိုယ်ချင်းတင်မကဘူးလေ။ တခြား အသိုင်းအဝိုင်းအားလုံးနဲ့ပါ ရင်းနှီးနိုင်တဲ့ အနေအထား ကို ရောက်အောင်သွားနိုင်တယ်ဆိုတာ ကျနော်တို့ သိရတယ်။ အဲဒီတော့ နိုင်ငံရေးမှာလည်းပဲ တစု တစည်းတည်း အမြင်နဲ့ တိုင်းပြည်ထူထောင်ရေးမှာ မလိုက်ပါနိုင်တဲ့ အနေအထားတွေ မရှိသလို လက်ရှိအာဏာရအစိုးရကလည်းပဲ ပါတီကလည်းပဲ နိုင်ငံရေးပါတီတွေကို ရှိတယ်လို့တောင်မထင်တဲ့ အနေအထားမျိုး။ ပြီးတော့ နိုင်ငံရေးပါတီတွေဟာ သူ့ဟာသူ ရပ်တည်၊ အစိုးရက သူ့ဟာသူ ရပ်တည်။ ဆိုတော့ နိုင်ငံရေးမှာလည်း သဟဇာတဖြစ်တဲ့အနေအထားရောက်အောင် ဆွဲခေါ်တာလည်း မတွေ့ရဘူးပေါ့။ စီးပွားရေးကတော့ မြင်တဲ့အတိုင်း အားရဖွယ်ရာ မရှိပါဘူး။ ဒါပေမယ့် ဘယ်လို ဖောက်ထွက်မလဲ၊ ဘယ်လိုလုပ်မလဲ ဆိုတာကတော့ သေချာရေရာတဲ့ အကွက်အကွင်းတွေ ကျနော်တို့ မမြင်ရပါဘူး။ ဥပဒေနဲ့ ပညာရပ်တော့ ရှိတယ်။ ဒါပေမယ့် ထိုးဖောက်ပြီး သွားနိုင် လောက် အောင် အနေအထားတခုကို ကျနော်တို့ မမြင်ပါဘူး။ စီးပွားရေးမှာလည်း ပြည်သူတွေ ဒုက္ခ ရောက်နေတဲ့ ကိစ္စကိုလည်းပဲ သူတို့ တိတိကျကျ ကိုင်တွယ်တာ မတွေ့ရသလို ဆန္ဒပြနေတဲ့ ကိစ္စတွေ မှာလည်း အစိုးရဘက်က ဘာမှ တာဝန်ယူပြီး ဒီပေါ်မှာ ဘယ်လိုလုပ်မယ်ဆိုတာမျိုး မမြင်ရဘူးဗျ။ နိုင်ငံရေး၊ စီးပွားရေးမှာ ကျနော်တို့ အားရစရာ မမြင်ပါဘူး။ ဖောက်ထွက်နိုင်လောက်အောင် ဖြစ်လာရင်တော့ မပြောတတ်ဘူးပေါ့ဗျာ။ စီးပွားရေး ဆိုတာကလည်းပဲ နေ့ချင်းညချင်း ဖြစ်လာနိုင်စရာ အကြောင်းမရှိပါဘူး။ ပြည်သူတွေက အားကိုးတာပဲရှိတယ်။ မျှော်လင့်အားကိုးပြီးတော့ ဒီအစိုးရတော့ ဖြစ်ကောင်းဖြစ်လာနိုင်အောင် လုပ်ပေးနိုင်လိမ့်မယ်ဆိုတာမျိုး ဖြစ်နေတာ။ လူမှုရေးမှာလည်း ဖောက်ပြန်မှုတွေ၊ အဆင်မပြေမှုတွေ၊ တရားဥပဒေက အကာကွယ်ပေးတာ လုံခြုံမှုနည်းတာတွေ ဖြစ်နေတော့ တိုင်းပြည်က တော်တော်အခြေအနေဆိုးနေတဲ့ အနေအထားတခုကို ရောက်နေတာ ဖြစ်ပါတယ်ဗျ။ ဘယ်လိုသွားကြမလဲဆိုတာတော့ ကျနော်တို့လည်း မှန်းဆလို့ မရသေးပါဘူး။ အစိုးရကလည်း ဘယ်လိုသွားမယ်ဆိုတာ မသိသေးပါဘူး။ လတ်တလော ကျနော်တို့ ထင်တာက ကုလသမဂ္ဂလူ့အခွင့်အရေးကော်မတီက ထုတ်ပြန်တဲ့ ကြေညာချက်ကို တုံ့ပြန်တဲ့ အစိုးရရဲ့ လုပ်ရပ်ကို တော့ ကျနော်တို့က ထောက်ခံကြိုဆိုပါတယ်ခင်ဗျ။”
ငြိမ်းချမ်းရေးဆောင်းပါးတွေရေးနေတဲ့ စာရေးဆရာ သန်းစိုးနိုင်ကလည်း အစိုးရသစ်လက်ထက် ဦးစားပေးလုပ်ဆောင်နေတဲ့ ပြည်တွင်းငြိမ်းချမ်းရေးလုပ်ငန်းစဉ်က လတ်တလောမှာ နောက်ဆုတ် သွားနေတယ်လို့ သုံးသပ် ပြောပါတယ်။
အခုနောက်ဆုံးအခြေအနေအရ ပြောရမယ်ဆိုရင်တော့ နည်းနည်းတောင် နောက်ဆုတ်သွား တယ်လို့ ကျနော်တို့ ပြောရမှာပေါ့။ နောက်ဆုတ်သွားတယ်ဆိုတာက တခုက ငြိမ်းချမ်းရေး လုပ်ငန်းစဉ်က ဒေါ်အောင်ဆန်းစုကြည်တို့ အစိုးရသစ်က ၂၁ ရာစု ပင်လုံ ဆိုပေမယ့် အခြေခံအားဖြင့် ဦးသိန်းစိန်ရဲ့ ပထမလုပ်ခဲ့တဲ့ အန်စီအေပေါ်မှာ အခြေခံပြီးလျှောက်တဲ့ လမ်းကြောင်းဆိုတော့ တခုကတော့ အခြေခံအားဖြင့် အတူတူပဲလို့ ပြောလို့ရတာပေါ့။ ဒါပေမယ့် အခုနောက်ပိုင်း ဖြစ်ပေါ် တိုးပွားမှုတွေအရ ပြောရရင်တော့ အခု မြောက်ပိုင်းက ပြဿနာတွေကြောင့် အခြေအနေကတော့ ဦးသိန်းစိန် လက်ထက်က အနေအထားမျိုးလောက်တောင် မရောက်တော့ဘဲနဲ့ အဲဒီထက် နောက်ပြန် လျှောကျသွားတယ်လို့ ကျနော်တို့စိတ်ထဲမှာ အကဲခတ်မိပါတယ်။
ဒီလိုဖြစ်သွားရတဲ့အကြောင်းကတော့ အန်စီအေနဲ့ပတ်သက်ပြီးတော့ အန်စီအေကို ဆက်ပြီး တိုးချဲ့ဖို့ ကျယ်ပြန့်တဲ့ ဆွေးနွေးညှိနှိုင်းမှုတွေလုပ်ဖို့ လိုအပ်ပေမယ့် ပြီးခဲ့တဲ့ ပထမအဆင့် ပင်လုံ ညီလာခံပြီးတဲ့ တပတ်ကျော်လောက်ကစပြီးတော့ တပ်မတော်က စစ်ဆင်ရေးတွေ လုပ်ခဲ့တယ်။ အဲဒီတော့ မြောက်ပိုင်းက တိုင်းရင်းသား လက်နက်ကိုင် အဖွဲ့အစည်းတွေကလည်း ပြန်တိုက်တယ်။ အဲဒီမှာ မူဆယ်မှာဖြစ်တဲ့ စစ်ရေးလှုပ်ရှားမှုတွေ ဖြစ်လာတယ်။ အဲဒီနောက်ပိုင်းမှာလည်း အခုကတော့ ကိုးကန့်ဒေသမှာရှိတဲ့ စစ်ရေးလှုပ်ရှားမှုတွေ၊ တိုက်ပွဲတွေ ဆက်ပြီးဖြစ်နေတဲ့ အနေအထားတွေ ရှိပါတယ်။ အဲဒီလိုရှိနေတဲ့ အနေအထားတွေအတွင်းမှာ အန်စီအေနဲ့ ပတ်သက်ပြီးတော့ ပြုပြင် ပြောင်းလဲပေးဖို့ ယူအန်အက်ဖ်စီက လက်မှတ်မထိုးရသေးတဲ့ အဖွဲ့တွေက တောင်းဆိုတယ်။ အဲဒီ တောင်းဆိုးမှုကို လိုက်လျောမှုမပြုခဲ့တဲ့အတွက် ပန်ဆန်းညီလာခံဆိုတာ ဖြစ်လာတယ်။ မြောက်ပိုင်း အဖွဲ့တွေရယ်။ မိုင်းလားအဖွဲ့တွေရယ် ပေါင်းပြီးတော့ ပန်ဆန်းညီလာခံဆိုတာ ဖြစ်လာတယ်။ အဲဒီတော့ ပန်ဆန်းညီလာခံက တုံ့ပြန်လိုက်တဲ့ ထုတ်ပြန်ကြေညာချက်ကလည်း အန်စီအေနဲ့မတူတဲ့ လမ်းကြောင်းတခု သွားတော့မယ်ဆိုတော့ အန်စီအေအပေါ်မှာ မူတည်ပြီး အခြေခံပြီး ကြိုးစားခဲ့တဲ့ ဖြစ်စဉ်တွေအားလုံးက လျှောကျသွားတဲ့ အနေအထား ဖြစ်နေတယ်။ နောက်ပြီးတော့ စစ်ရေး လှုပ်ရှားမှုတွေကလည်း အရင်ထက် ပိုပြီးပြင်းထန်လာတဲ့ အနေအထားတွေ ရှိတယ်။ အဲဒီလို အနေအထားတွေ ဖြစ်ပြီးတော့မှ ဒေါ်အောင်ဆန်းစုကြည်က ပန်ဆန်းညီလာခံအပြီး ၃ ရက်လောက် အကြာမှာ သူက ယူအန်အက်ဖ်စီက တင်ပြထားတဲ့ အချက် ၉ ချက်ကို ဆွေးနွေးဖို့ သဘောတူတယ်။ ဆိုလိုတာက အခြေအနေ ဖြစ်ပေါ်တိုးပွားမှုအတိုင်း ဒေါ်အောင်ဆန်းစုကြည် ဦးဆောင်တဲ့ အန်အာရ်ပီစီအနေနဲ့ လိုက်ပါမလုပ်ဆောင်နိုင်ဘဲနဲ့ နောက်ကျနေတဲ့အတွက် ဖြစ်ပေါ်တိုးပွားမှုတွေ မြန်ဆန်ပြီးတော့ အခြေအနေက အတော်လေးကို နိုင်ငံရေးအရ မြောက်ပိုင်းနဲ့ တောင်ပိုင်းဆိုပြီးတော့ ကွဲပြားသွားတော့မယ့် အနေအထားတွေအထိ ရောက်လာတဲ့အတွက် အခြေအနေက တော်တော်လေးဆိုးတယ်လို့ ကျနော်တို့ သုံးသပ်ပါတယ်။ အရေးကြီးတာက အန်စီအေထိုးဖို့အတွက် အရေးကြီးတဲ့ မူဘောင်နဲ့ပတ်သက်တဲ့ ပြဿနာတွေကို အရင်ဆုံး ကြိုပြီးညှိနှိုင်းဖို့ပါ။ ဆိုလိုတာက ပထမ ယူအန်အက်ဖ်စီက တင်ထားတဲ့ ၈ ချက်အပေါ်မှာ အကျေအလည် ညှိနှိုင်းကြဖို့ပါ။ အဲဒီလိုညှိနှိုင်းတဲ့ အခါ ‘ဝ’နဲ့ မိုင်းလားအဖွဲ့ကို ထည့်သွင်းဆွေးနွေးကြမယ်ဆိုရင်တော့ ပိုပြီးလက်တွေ့ကျတယ်။ အဲဒါကို ကျနော်က လာမယ့် ဒုတိယအကျော့မတိုင်ခင်မှာ လုပ်စေချင်ပါတယ်။
မြန်မာနိုင်ငံရှေ့နေများကွန်ရက်၊ တရားလွှတ်တော်ရှေ့နေ ဦးသိန်းသန်းဦးကလည်း အစိုးရသစ် လက်ထက်မှာ တရားရေးမဏ္ဍိုင်ဟာ အရင်အတိုင်းပဲ မပြောင်းလဲသေးဘူးလို့ ဝေဖန်ပါတယ်။
“ဘာမှ မပြောင်းလဲဘူး။ အရင်အတိုင်းပဲ။ ဘယ်လိုနေရာ ဘယ်လိုတွေ့နေရလဲဆိုရင် တရားစီရင်ရေး စနစ်က ၂၀၀၈ ဖွဲ့စည်းပုံအရ တည်ထောင်ထားတဲ့ တရားစီရင်ရေးစနစ်။ ၂၀၁၀ ပြည့်နှစ် ပြည်ထောင်စု တရားစီရင်ရေးစနစ်ပေါ့နော်။ အဲဒါက စစ်အာဏာရှင်စနစ် အခြေခံတဲ့ ဖွဲ့စည်းပုံအပေါ်ကနေ တည်ဆောက်ထားတာ။ အဲဒီတရားသူကြီးတွေအကုန်လုံးကို လေ့ကျင့်ပျိုးထောင်ခဲ့တာ ၁၉၈၈ နောက်ပိုင်းမှာ လေ့ကျင့်ပျိုးထောင်ခဲ့တာ။ စစ်အာဏာရှင်စနစ်ကို ကာကွယ်ဖို့အတွက် လေ့ကျင့် ပျိုးထောင်ပေးထားတာ ဖြစ်တယ်။ သူတို့ရဲ့နှလုံးသား၊ သူတို့ရဲ့စိတ်ဓာတ်၊ သူတို့ရဲ့ကျင့်ကြံပုံ တာဝန် ၀တ္တရား အဲဒီလိုပဲ သူတို့ နားလည်တာ။ လူထုအစိုးရက အခုမှ တက်လာတာ။ တက်လာတဲ့ အခါကျတော့ ဒီမိုကရေစီဖော်ဆောင်မယ်။ ဒီမိုကရေစီလမ်းကြောင်း သွားမယ့်အစိုးရနဲ့ စစ်အာဏာရှင် စနစ်က တည်ဆောက်ထားတဲ့ တရားစီရင်ရေးက ဘယ်လိုမှ အံမဝင်ဘူး။ နောက်တခုက တရား စီရင်ရေးစနစ်က လုံးဝ အပြောင်းအလဲမရှိဘူး။ အရင်တုန်းကအတိုင်းပဲ။ ကျနော်တို့က တက်လာတဲ့ ပန်းသစ်ကို အိုးသစ်မှာ စိုက်ရမှာပေါ့။ အခုဟာက ပန်းဟောင်းကို အိုးသစ်မှာ စိုက်ထားတာကိုး။ အဲဒီတော့ ဒီတရားရေးစနစ်နဲ့ မရဘူး။ အသစ်ပြုပြင်ရမယ်။ လူထုကို ကိုယ်စားပြုတဲ့၊ ပြည်သူလူထု အကျိုးစီးပွားကို ကာကွယ်တဲ့ တရားစီရင်ရေးစနစ်ဖြစ်ဖို့ လိုတယ်။ သူတို့ရဲ့နှလုံးသား၊ mindset၊ opinion အကုန်လုံး ပြောင်းပစ်ရမယ်။ အဲဒီအချက်ကို မလုပ်နိုင်ခင် တရားစီရင်ရေး ပြောင်းလဲမှု လုပ်ရလိမ့်မယ်။ မလုပ်ရင် ဘာမှ မရနိုင်ဘူး။ အစိုးရ ပြောင်းရမှာပေါ့။ သူတို့ဘာသာသူတို့ ဘယ်ပြောင်း မလဲ။ သူတို့က အခု ခုခံနေတာပဲလေ။ အမှန်ကတော့ လတ်တလော လုပ်ငန်းစဉ်နဲ့ ရေရှည်လုပ်ငန်းစဉ် နှစ်ရပ် ခွဲရမယ်။ လတ်တလောလုပ်ငန်းစဉ်ကတော့ ပြည်ထောင်စု တရား လွှတ်တော်ချုပ်မှာ တရားသူကြီး ၇ ယောက်ရှိတယ်။ ပြည်ထောင်စုတရားလွှတ်တော် တရားသူကြီးချုပ် အပါအဝင် ၄ ယောက်က စစ်တပ်က။ အခု တယောက် ကွယ်လွန်သွားတဲ့အခါကျတော့ တရားသူကြီး က ၇ ယောက်ရှိတာ၊ ၄ ယောက် ကျန်တယ်။ တကယ်က ၁၁ ယောက် ခန့်နိုင်ခွင့်ရှိတယ်။ ၆ ယောက် ကျန်တာပေါ့ဗျာ။ အဲဒီတော့ ကျနော်တို့က နောက်ထပ် ၅ ယောက် ခန့်ခွင့်ရှိတယ်။ ၅ ယောက်ခန့် ပြီးတော့ တရားစီရင်ရေးအာဏာနဲ့ တရားရုံး အုပ်ချုပ်အာဏာ နှစ်ခုကို ခွဲပစ်ရမယ်။ တရားစီရင်တဲ့ သူတွေက တရားရုံးကို ကွပ်ကဲကြီးကြပ်တာ သတ်သတ်ခွဲပစ်ရမယ်။ ပြီးတော့ တရားသူကြီးတွေကို အရည်အချင်းရှိအောင်၊ သူတို့ ၂၀၀၈ ဖွဲ့စည်းပုံ စာအုပ်အစိမ်းကြီးထဲမှာပါတဲ့ အရည်အချင်း၊ အင်္ဂါရပ်တွေနဲ့ပြည့်စုံတဲ့ တရားသူကြီးတွေဖြစ်အောင် လုပ်ပေးရမယ်။ လုပ်ပေးပြီးတော့ သူတို့ရဲ့ မဟာဗျူဟာမြောက်စီမံကိန်းတွေ ဘာတွေ လုပ်နေတာ ရှိတယ်။ အဲဒီမဟာဗျူဟာစီမံကိန်းက ဘယ် မဟာဗျူဟာစီမံကိန်းလုပ်လုပ် စစ်အာဏာရှင်စနစ် အခြေခံပေါ်ကဆိုရင် ဘာမှ အကျိုးမရှိဘူး။ သူတို့ နားလည်တာက အလုပ်သမားတွေ ဆန္ဒပြရင် ထောင်ချမယ်။ ကျောင်းသား ဆန္ဒပြရင် ထောင်ချမယ်။ လယ်ယာမြေ အစိုးရဘက်က ပါမယ်။ ဒီလိုပဲ သူတို့က ထည့်တွက်ထားတာလေ။ ခရိုနီတွေဘက်က လိုက်ရမယ်။ ဆိုတော့ အဲဒါမျိုးကို ပြုပြင်ပြောင်းလဲတဲ့၊ ပြောင်းလဲနိုင်စွမ်း မရှိရင်လည်း အစားထိုးရမှာပေါ့။ အဆင့်ဆင့်မှာ အဲဒီ ၂၀၁၀ ပြည့်နှစ် တရားစီရင်ရေးစနစ် ဆိုတဲ့နေရာမှာ နောက်ထပ် တရားစီရင်ရေးစနစ်တခု အစားထိုးရလိမ့်မယ်။ ရေရှည်လုပ်ငန်းစဉ်ကတော့ ဖွဲ့စည်းပုံ အခြေခံဥပဒေ ပြင်တဲ့နေရာမှာ ပါလာခဲ့တဲ့ တောက်လျှောက်အားဖြင့် လူထု ကိုယ်စားပြုတဲ့၊ မြို့နယ်။ ခရိုင်၊ တိုင်းလွှတ်တော်တွေ အဆင့်ဆင့် လုပ်သင့်နေတယ်။ နောက် ပြည်ထောင်စု တရား လွှတ်တော်ချုပ်ကို နှစ်ပိုင်းခွဲပြီးတော့ Appellant Court သူများတွေလို အယူခံရုံး ဖွင့်လှစ်မယ်။ ဒါမျိုးတွေ လုပ်ရမယ်။ တကယ်လို့သာ တရားစီရင်ရေးစနစ်မှာ လွှတ်တော်ကပေါ့၊ ဖွဲ့စည်းပုံအခြေခံဥပဒေကို အဓိပ္ပာယ်ဖွင့်ဆိုဖို့ အားတင်းလိုက်ရင် ဖွဲ့စည်းပုံအခြေခံဥပဒေခုံရုံးကို အဓိကဖွဲ့စရာ မလိုတော့ဘူး။ ဒါက ရေရှည်သွားရမယ့် အလုပ်လို့ ကျနော် ထင်တယ်။”
သီပေါမြို့နယ် လွှတ်တော်ကိုယ်စားလှယ်ဟောင်း ဦးရဲထွန်း (သီပေါ)ကတော့ အစိုးရသစ် လက်ထက် မှာ နိုင်ငံတကာဆက်ဆံရေးအပိုင်း အတိုးတက်ဆုံးပဲလို့ ပြောပါတယ်။
“တနှစ်တာအတွင်း ချုပ်ပြီးပြောရရင်တော့ နိုင်ငံတကာ ဆက်ဆံရေးအပိုင်းမှာတော့ အတိုးတက်ဆုံး အကောင်းဆုံးလို့ မြင်ပါတယ်။ ဒေါ်အောင်ဆန်းစုကြည်အနေနဲ့ နိုင်ငံတကာ ဆက်ဆံရေး အထူးသဖြင့် အနောက်အုပ်စုမှာဆိုရင်တော့ အကောင်းဆုံး လုပ်ပေးသွားနိုင်တယ်။ နောက် တရုတ်ပြည်နဲ့ ဆက်ဆံရေး သူတို့အစိုးရ အာဏာရလာ ပြီးပြီးချင်း တရုတ်ပြည်သွားလည်လိုက်တဲ့ ကိစ္စကလည်း မှန်ကန်တဲ့ကိစ္စ၊ ကောင်းတဲ့ကိစ္စပါ။ အဲဒီတော့ ရင်းနှီးမြှုပ်နှံမှု ဥပဒေတွေ ပြင်လိုက်တာလည်း ကောင်းတယ်။ သို့သော် ရင်းနှီးမြှုပ်နှံမှုတွေ ချက်ချင်းဝင်မလာနိုင်တဲ့ ဟာအတွက် ဘာတွေကြောင့် အတားအဆီး ဖြစ်နေတာလဲဆိုတာကို သုံးသပ်ပြီးတော့ ပြင်ဆင်သွားဖို့ ပါလိမ့်မယ်။ တိုင်းရင်းသား စည်းလုံးညီညွတ်ရေး ငြိမ်းချမ်းရေး ဆွေးနွေးပွဲနဲ့ ပတ်သက်ရင်တော့ ဦးသိန်းစိန် အစိုးရလုပ်ထားတဲ့ ဟာကနေပြီးတော့ နောက်ပြန်ဆုတ်သွားတယ်လို့ သုံးသပ်ပါတယ်။ ဒေါ်အောင်ဆန်းစုကြည်လည်း မျှော်လင့်ထားတယ်။ ကျနော်တို့လည်း မျှော်လင့်တယ်။ သူတက်လာတာနဲ့ ကျနော်တို့ အခြား အဖွဲ့တွေလည်း ပါလာလိမ့်မယ်။ ပါလာပြီးတဲ့အခါကျတော့ ဒီငြိမ်းချမ်းရေး ဆွေးနွေးတဲ့ ဖြစ်စဉ်ဟာ ရှေ့တလှမ်းတိုးသွား လိမ့်မယ်လို့ ထင်ထားတာဟာ ပြောင်းပြန်ဖြစ်နေပါတယ်။ အခုပြန်ပြီးတော့ ဆုတ်သွားတော့ ဒီဟာမှာလည်း တပ်မတော်ကို ဒေါ်အောင်ဆန်းစုကြည်ဖြစ်စေချင်တဲ့ အားလုံပါဝင်ဖို့ ဆိုတဲ့ကိစ္စကို ကျနော်တို့ နားဝင်အောင်ပေါ့နော်။ လက်ခံအောင် ဒေါ်အောင်ဆန်းစုကြည်က မစည်းရုံးနိုင်ခဲ့တဲ့ အားနည်းချက် ပေါ့နော်။ ချို့ယွင်းချက်ကြောင့် အဲဒီလို ဖြစ်သွားတယ်လို့ ယူဆပါ တယ်။ ဒီငြိမ်းချမ်းရေး ဆွေးနွေးပွဲမှာ ပါချင်လို့ သူတို့ကို အသိအမှတ်ပြုစေချင်လို့ဆိုတဲ့ဟာက အဓိက ဖြစ်ပါတယ်။ အဲဒါကြောင့် သူတို့ တိုက်ပွဲကြီးတွေကို ဖော်ပြီးတဲ့အခါ သူတို့မှာလည်း အင်အားရှိတယ်။ လက်ရှိအစိုးရကို အန္တရာယ်ပြုနိုင်တယ်ဆိုတာကို သူတို့က ပြတာပေါ့နော်။ အဲတော့ ပြတဲ့အခါကျတော့ အစိုးရက ပျော့သွားပြီးတဲ့အခါကျတော့ လက်ခံလိုက်ရင် အားနည်းချက်ဖြစ်သွားမှာစိုးတဲ့ အခါကျတော့ တပ်မတော်ဘက်ကကျတော့ အဲလိုလုပ်လိုက်တဲ့အတွက် ပျော့မသွားဘဲနဲ့ ပိုမာလာတာပေါ့။ အဲဒီတော့ လက်နက်ကိုင် တိုင်းရင်းသားအဖွဲ့တွေ မျှော်လင့်သလို ဖြစ်မလာဘဲနဲ့ ပြောင်းပြန်ဖြစ်သွားတယ်။ သို့သော်လည်း တခုကောင်းတာကတော့ တရုတ်ပြည်အနေနဲ့ကလည်း သူ့အနေနဲ့ ကြားထဲကနေ မပြတ်မသားနဲ့ ဟိုဘက်ဒီဘက် ခြံစည်းရိုးခွထိုင်နေတဲ့ အနေအထား လုပ်လို့မရဘူးဆိုတာကို သဘောပေါက်လာတယ် လို့ ယူဆရတာပေါ့လေ။ ဒါနဲ့ ပတ်သက်ရင်တော့ ကျနော်တို့ အတွင်းပိုင်းမှာ ဒေါ်အောင်ဆန်းစုကြည် ဘယ်လောက် ပြောသလဲတော့ မသိဘူး။ အပေါ်ယံမှာပြောတဲ့ဟာတွေ ကတော့ အရင်အစိုးရထက်စာရင် ပိုပြီးတော့ တင်းတင်းမာမာ ပြောတယ်လို့ ကျနော်ထင်ပါတယ်။ ဘယ်လိုပြောသလဲဆိုရင် သူက အိမ်နီးချင်းကောင်းပီသစွာ ဆက်ဆံဖို့ သူတို့ မျှော်လင့်ပါတယ်ဆိုတဲ့ ဒါတကယ့် တကယ်ကျတော့ တော်တော်လေး ထိရောက်တဲ့ စကားဖြစ်ပါတယ်။ အဲဒီတော့ အဲဒီဟာတွေလည်း ပါမှာပေါ့နော်။ တရုတ်ပြည်အနေနဲ့ နည်းနည်း ထိထိရောက်ရောက် ဒီကိစ္စမှာ သူဖိအားပေးနေတယ်လို့ ယူဆရပါတယ်။ ဒီအပိုင်းတွေကတော့ ကောင်းတဲ့ အပိုင်းတွေပေါ့လေ။
ကချင်ပြည်နယ် ဒီမိုကရေစီပါတီရဲ့ ဥက္ကဋ္ဌဖြစ်တဲ့ ဒေါက်တာ ဦးမနာမ်တူးဂျာကတော့ အစိုးရသစ်ရဲ့လုပ်ငန်းတွေဟာ ရပ်မနေဘဲ ဆက်သွားနေတယ်လို့ သုံးသပ် ပြောပါတယ်။
“နောက်ပြန်ဆွဲတာတော့ မတွေ့ရပါဘူး။ ပြောင်းလဲဖို့တော့ လုပ်နေပါတယ်။ နှေးကွေးတာ တခုတော့ ပြောလို့ရနိုင်ပါတယ်။ သူတို့မှာလည်း စိန်ခေါ်မှုတွေက ရှိနေပါတယ်။ တနှစ်တာပဲ ရှိသေးတာက တကြောင်းပေါ့။ နောက်ပြီး သူတို့က ရုံးအသစ် လုပ်ငန်းအသစ်ပါ ကိုင်တွယ်ရတဲ့အပြင် ၀န်ကြီးတွေ လွှတ်တော်အမတ်တွေ အများစု အဲ့လို ဖြစ်နေတဲ့ အခါကျတော့ သူတို့တွေ လက်တွေ့လုပ်ဆောင်ရတဲ့ နေရာမှာတော့ ဒါ ထင်သလောက် မပေါက်ရောက်နိုင်တဲ့အပိုင်းတွေတော့ ရှိမှာပါ။ နောက် တခုကတော့ ၂၀၀၈ အခြေခံဥပဒေရဲ့အကျပ်အတည်း ဒါတွေက ကလည်း ရှိနေတဲ့အတွက်ကြောင့် အများကြီး လုပ်နိုင်တာတော့ မတွေ့ သလောက်ပါဘဲ။ ဒါပေမယ့် တိုးတက်မှုတော့ ရှိပါတယ်။ နောက်ပြန်ဆုတ်တာတော့ မရှိပါဘူး။ သူတို့ လုပ်နေတဲ့အပိုင်းတော့ ရှိပါတယ်။ အထူးသဖြင့် နိုင်ငံရေးမှာ ဆိုလို့ရှိရင်တော့ တွေ့ဆုံဆွေးနွေးရေးလည်း သူတို့ တောက်လျှောက်လုပ်နေတယ်။ ပင်လုံညီလာခံလည်း ပထမအကြိမ် ကျင်းပပြီးပြီ။ နောက် လာမယ့် မေလမှာ ထပ်ပြီး ကျင်းပဦးမယ်ဆိုတာလည်း ရှိတယ်။ တိုင်းရင်းသားတွေ လိုလား တောင့်တနေတဲ့ ဖက်ဒရယ်စနစ်ကို ကျင့်သုံးဖို့ဆိုတာ တောက်လျှောက်ပဲ ဆွေးနွေးနေတာ ရှိတယ်။ ဒါတွေက နိုင်ငံရေးပိုင်းမှာ တိုးတက်မှု တစုံတရာ ရှိတယ်လို့ ပြောလို့ရတယ်။ ခြုံပြီး ပြောမယ်ဆိုရင်တော့ တနှစ်တာကာလအတွင်းမှာတော့ ပြည်သူလူထု အားရလောက်အောင် လုပ်ဆောင်နိုင်တဲ့အပိုင်းတော့ သိပ် မရှိသေးဘူးပေါ့။ ဒါပေမယ့် လုပ်တော့ လုပ်နေကြပါတယ်။ ဘယ်လို ပြောမလဲ၊ ရပ်တန့်နေတာလည်း မဟုတ်၊ နောက်ဆုတ်နေတာလည်း မဟုတ်ဘူး။ ရှေ့ကို တက်လှမ်းနေတဲ့ အပိုင်းတော့ တွေ့ရတယ်လို့ ထင်မြင်ယူဆပါတယ်ဗျ။”
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကတော့ သူ့အစိုးရအနေနဲ့ စီးပွားရေးအပိုင်းမှာ ထင်သလောက် မလုပ်နိုင်သေးဘူးလို့ ၀န်ခံ ပြောကြားခဲ့ဖူးပါတယ်။
အန်အယ်လ်ဒီအစိုးရအနေနဲ့ ပြည်တွင်းငြိမ်းချမ်းရေးရဖို့ အထူး ဦးစာပေး လုပ်ဆောင်နေပြီး နိုင်ငံမြောက်ပိုင်းမှာ လတ်တလောဖြစ်ပွားနေတဲ့ ပြင်းထန်တဲ့ တိုက်ပွဲတွေကြောင့် အဲ့ဒီလုပ်ငန်းလည်း နှောင့်နှေးနေပါတယ်။
အစိုးရသစ်အနေနဲ့ ရခိုင်အရေး၊ မြောက်ပိုင်းတိုက်ပွဲများအရေးတို့နဲ့ ရင်ဆိုင်ဖြေရှင်းနေရပြီး အဲ့ဒီအရေးတွေဟာလည်း အစိုးရသစ်အတွက် ကြီးမားတဲ့စိန်ခေါ်ချက်တွေ ဖြစ်နေပါသေးတယ်။
