ဘောလုံးစတားကို အခက်အခဲကြားဖြတ်ကျော်ပြေးတွေ့ခဲ့သည့် ကလေးငယ် (ရုပ်သံ)

ကိုယ်အားပေးတဲ့ ဘောလုံးစတားကို တွေ့လိုက်ရချိန်မှာ ဘယ်လိုများ တုံ့ပြန်ကြလိမ့်မလဲဆိုတာ တကယ့်ကို အံ့သြစရာပါပဲ။

ဒီ ၁၂ နှစ်အရွယ် ကလေးငယ်ကတော့ သူအားပေးတဲ့ ဘောလုံးစတားကို တွေ့ လိုက်ရချိန်မှာတော့ ဘောလုံးစည်းကြပ်ဒိုင်တွေ တားမြစ်နေတဲ့ကြားက ဖြတ်ကျော်ကာ ပြေးတွေ့ခဲ့တာပါ။

ဒီအဖြစ်အပျက်ဟာ စပိန်ဘောလုံးအသင်းတသင်းဖြစ်တဲ့ ရီးရဲမက်ဒရစ်အသင်းမှ စတားတဦးဖြစ်တဲ့ အယ်လ်ဗေရို မိုရာတာဟာ ဘောလုံးလေ့ကျင့်ရေးဆင်းနေချိန်မှာ ဖြစ်ခဲ့တာပါ။

လေ့ကျင့်ကစားပွဲပြီးဆုံးလုနီးအချိန်မှာ သူ့ရဲ့ ပရိသတ်ကလေးငယ်ဟာ လူတွေကြားကနေ သူ့ဆီကို နှုတ်ဆက်ဖို့ ပြေးလာခဲ့တာကို တွေ့ရပါတယ်။

အဆိုပါကလေးငယ်ဟာ မိုရာတာရဲ့ ကျောနံပါတ် ၇ ဘောလုံးအင်္ကျီကို ၀တ်ဆင် ထားခဲ့တာဖြစ်ပြီး သူကွင်းအတွင်း ပြေးဝင်လာခဲ့ချိန်မှာ အနီးနားကွင်းဘေးပတ်လည်မှာရှိ နေကြတဲ့ လုံခြုံရေးစည်းကြပ်ဒိုင်တွေက လိုက်ဖမ်းဖို့ ကြိုးစားခဲ့ကြတာပါ။

ဒါပေမယ့် ကလေးငယ်ဟာ ဇွဲနပဲနဲ့ လိမ်ခေါက်ပြေးခဲ့ပြီး နောက်ဆုံးမှာတော့ သူ့ရဲ့ အားကျရတဲ့ ဘောလုံးသမား မိုရာတာဆီရောက်ခဲ့တာကို တွေ့ရပါတယ်။

နောက်ဆုံးမှာတော့ သူအားပေးတဲ့ ဘောလုံးစတားကို မျက်မြင်ကိုယ်တွေ့ တွေ့ခဲ့ရပြီး မိုရာတာက သူ့ကို ပွေ့ဖက်လိုက်ခဲ့တာပါ။