အကြွေစေ့ ၁၀၀၀ ခန့် ခွဲထုတ်ခဲ့ရသည့် လိပ်မကြီး သွေးအဆိပ်သင့် သေဆုံး (ရုပ်သံ)

ထိုင်းနိုင်ငံ ချွန်ဘူရီခရိုင်မှာ စားထားတဲ့ ငွေအကြွေစေ့ ၁၀၀၀ နီးပါး ခွဲထုတ်ယူခဲ့ရတဲ့ လိပ်မကြီးဟာ မတ် ၂၁ ရက်နေ့က သွေးအဆိပ်သင့်ပြီး သေဆုံးသွားပြီလို့ တိရစ္ဆာန်ဆရာဝန်တွေက ပြောပါတယ်။ အသက် ၂၅ နှစ်ရှိပြီဖြစ်တဲ့ လိပ်မ အွန်စင် (Om-sin) ဟာ မတ် ၁၉ ရက်နေ့က ဒုတိယအကြိမ် အူမကြီး ခွဲစိတ်မှုအပြီး မေ့မြောနေခဲ့တာပါ။ အများပိုင် ရေကန်တခုထဲမှာ လာရောက်လည်ပတ်သူတွေ ပစ်ချတဲ့ ငွေအကြွေစေ့တွေကို စားခဲ့ပြီး ခွဲစိတ်ချိန်မှာတော့ အကြွေစေ့ ၅ ကီလို ထွက်ရှိခဲ့ပါတယ်။ သူ့ရဲ့အကြေးခွံလည်း ကွဲထွက်သွားပြီး ပထမခွဲစိတ်မှုဟာ ၇ နာရီ ကြာမြင့်ခဲ့ပါတယ်။ ပထမအကြိမ်ခွဲစိတ်မှုအပြီး အခြေအနေကောင်းမွန်တဲ့ပုံ ရှိခဲ့ပေမယ့် ပြီးခဲ့တဲ့ရက်တွေအတွင်း သွေးဆိပ်သင့်ခဲ့ပြီး အဲ့ဒါကြောင့် သေဆုံးတယ်လို့ တိရစ္ဆာန်ဆရာဝန်တွေက ပြောဆိုတာပါ။ အများပိုင်ရေကန်ကို အပန်းဖြေလာရောက်သူတွေဟာ ရေကန်ထဲကို အကြွေစေ့ပစ်ထည့်ရင် ကံကောင်းမယ်လို့ ယုံကြည်မှုနဲ့ ပစ်ချခဲ့ကြပြီး အခုလို အကြွေစေ့တွေကို စားမိတဲ့ လိပ်တကောင် သေဆုံးခဲ့ရတဲ့အတွက် အခုလုပ်ဆောင်မှု၊ ယုံကြည်မှုမျိုးတွေ နောက်ဆို ရှောင်ကြဉ်ကြလိမ့်မယ်လို့ မျှော်လင့်ရကြောင်း သတင်းမှာ ဖော်ပြထားပါတယ်။

More News
Up