မြန်မာယူ ၂၃ အသင်း အင်အားကြီး သြစတြေးလျနှင့်အတူ အုပ်စု(စ)တွင် ကျရောက်

၂၀၁၈ အာရှ ယူ ၂၃ ချန်ပီယံရှစ်  အုပ်စု မဲခွဲမှုကို မလေးရှားနိုင်ငံ ကွာလာလမ်ပူမြို့တွင် မတ် ၁၇ ရက်နေ့က ကျင်းပ ပြုလုပ်ခဲ့ပါတယ်။ အဆိုပါ မဲခွဲပွဲမှာ မြန်မာအသင်းဟာ အုပ်စု (စ) မှာ အင်အားကြီး သြစတြေးလျ၊ စင်ကာပူ၊ ဘရူနိုင်းအသင်းတို့နဲ့ ကျရောက်ပြီး ယှဉ်ပြိုင် ကစားရမှာပါ။ ခြေစစ်ပွဲတွေကို လာမယ့် ဇူလိုင် ၁၉ ရက်နေ့မှာ စတင် ကျင်းပမှာ ဖြစ်ပြီး မြန်မာအသင်းပါဝင်တဲ့ အုပ်စုပွဲစဉ်တွေကို မြန်မာနိုင်ငံက အိမ်ရှင်အဖြစ် လက်ခံကျင်းပသွားမှာ ဖြစ်ပါတယ်။ မြန်မာအသင်းဟာ ဇူလိုင် ၁၉ ရက်မှာ စင်ကာပူ၊ ၂၁ ရက်နေ့မှာ ဘရူနိုင်းအသင်း၊ ၂၃ ရက်နေ့မှာ သြစတြေးလျအသင်းနဲ့ အသီးသီး ယှဉ်ပြိုင်ကစားရမှာဖြစ်ပါတယ်။ အာရှ ယူ ၂၃ ခြေစစ်ပွဲမှာ အုပ်စု ၁၀ စု ရှိပြီး အုပ်စု ပထမနေရာရ အသင်း ၁၀ သင်း၊ အကောင်းဆုံး ဒုတိယ ၅ သင်းအပါအ၀င် စုစုပေါင်း ၁၅ သင်းသာ ခြေစစ်ပွဲအောင်မြင်မှာ ဖြစ်ပါတယ်။ အိမ်ရှင်တရုတ်အသင်းအပါအ၀င် စုစုပေါင်း အသင်း ၁၆ သင်းဟာ ၂၀၁၈ ခုနှစ် ဇန်န၀ါရီလမှာ နောက်ဆုံးအဆင့် ပွဲစဉ်များ ယှဉ်ပြိုင်ကစားကြရမှာပါ။ ပြီးခဲ့တဲ့အပတ် နည်းစနစ်ကော်မတီအစည်းအဝေး ဆုံးဖြတ်ချက်အရ မြန်မာ ယူ ၂၂ အသင်းရဲ့ အာရှ ယူ၂၃ ခြေစစ်ပွဲနဲ့ မလေးရှားဆီးဂိမ်းစ်ပြိုင်ပွဲများအတွက် ဂျာမနီနိုင်ငံသား နည်းပြ ဂတ်ဆီဇီကို နည်းပြချုပ် တာဝန်ပေးအပ်သွားမယ်လို့ မြန်မာနိုင်ငံ ဘောလုံးအဖွဲ့ချုပ်က ထုတ်ပြန်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up