ကျောက်ဖြူတွင် စက်လှေပေါက်ကွဲ၊ ၄ ဦးသေ ၂ ဦးပျောက်ဆုံး
DVB
·
March 17, 2017
ရခိုင်ပြည်နယ် ကျောက်ဖြူမြို့ ဦးကင်းအုပ်စု ကုလားဘာတောင်ကျေးရွာကနေ အလှူပွဲကိုသွားတဲ့ စက်လှေ အင်ဂျင်ပေါက်ကွဲပြီး မြစ်ထဲနစ်မြုပ်လို့ ၄ ဦး သေဆုံးသွားပြီး ၂ ဦးပျောက်တယ်လို့ ကျောက်ဖြူ မြို့မရဲစခန်းက ပြောပါတယ်။
“ဒီကနေ့ နေ့လယ် ၂ နာရီဝန်းကျင်က ကျောက်ဖြူငလီပွေ့ဆိပ်ကမ်းကနေ့ သွားရာကနေ့ စက်လှေအင်ဂျင် ပေါက်ကွဲလို့ ရုန်းရင်ဆန်ခတ်ဖြစ်ပွားရာကနေ မြစ်ထဲကို ခုန်ချလိုက်တာ”လို့ ကျောက်ဖြူမြို့မ ရဲစခန်းက ဒုရဲမှူးဝင်းလွင်က ဒီဗွီဘီကိုပြောပါတယ်။
“အလောင်းလေးလောင်းက ရထားပြီးပါပြီ။ နောက်ထပ် နှစ်လောင်း ပျောက်နေတယ်။ အခု သေဆုံး လေးလောင်း ပေ့ါလေ။ အဲဒီမှာ စုစုပေါင်း ၁၅ ဦး လိုက်ပါသွားတယ်။ ကျနော်တို့ ဖြစ်စဉ်ကို စုံစမ်းနေပါတယ်။ အင်ဂျင် ပေါက်ကွဲသွားတယ်လို့ သိရတယ်။ အဲ့ဒီမှာ ရုန်းရင်းဆန်ခတ်ဖြစ်ပြီးတော့ မြစ်ထဲကိုခုန်ချကြတာ။ ရှင်ပြုပွဲကို သွားတာလို့ သိရတယ်။"လို့ သူက ဆက်ပြောပါတယ်။
လက်တလောမှာ ပျောက်ဆုံးနေတဲ့သူတွေ လိုက်လံရှာဖွေနေပြီး ဖြစ်စဉ်တွေနဲ့ ပတ်သက်လို့ မကြာခင် ထုတ်ပြန်သွားမယ်လို့ သူက ဆက်လက်ပြောပါတယ်။
သတင်း - ၀ဏ္ဏခွာညို၊ ဓာတ်ပုံ - ထွန်းထွန်းနိုင်
