အခွန်ဥပဒေသစ်ကြောင့် လယ်ယာသုံး စက်ကိရိယာ ငှားရမ်းခများ လျော့ချနိုင်
DVB
·
March 15, 2017
အသစ်ပြဋ္ဌာန်းလိုက်တဲ့ ၂၀၁၇ ပြည်ထောင်စုအခွန်ဥပဒေမှာ စက်မှုလယ်ယာ အငှားလိုက် ဝန်ဆောင်မှုလုပ်ငန်းတွေကို ကုန်သွယ်လုပ်ငန်းခွန် ကင်းလွတ်ခွင့် ပေးလိုက်တဲ့အတွက် စက်ကိရိယာ ငှားရမ်းခတွေကို လျော့ချပေးနိုင်တော့မယ်လို့ စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာနက သိရပါတယ်။
အရင်က ကုန်သွယ်လုပ်ငန်းခွန် ပေးနေရတဲ့အတွက် လယ်ယာသုံး စက်ကိရိယာတွေကို ငှားယူသုံးစွဲတဲ့ တောင်သူလယ်သမားတွေအနေနဲ့ ကုန်သွယ်ခွန် ၅ ရာခိုင်နှုန်း ပေးနေရတဲ့ အခြေအနေ ဖြစ်နေတယ်လို့ လက်ထောက်အတွင်းဝန် ဦးမျိုးတင့်ထွန်းက ပြောပါတယ်။
လတ်တလောမှာတော့ အစိုးရကနေ မြန်မာတနိုင်ငံလုံးမှာ လယ်ယာသုံးစက်ကိရိယာ ဝန်ဆောင်မှုစခန်းပေါင်း ၁၁၈ ခု ဖွင့်လှစ်ထားတဲ့အပြင် မြန်မာနိုင်ငံ ဆန်စပါးအသင်းချုပ်ကလည်း ဧရာဝတီတိုင်း၊ ရန်ကုန်တိုင်းနဲ့ ပဲခူးတိုင်းဒေသကြီးတို့မှာ လယ်ယာသုံးစက်ကိရိယာ ဝန်ဆောင်မှုစခန်းတွေ ဖွင့်ထားတယ်လို့ သိရပါတယ်။
သတင်း - AMIA