အိုလံပစ်အားကစားပွဲတော် ဆုတံဆိပ်များလုပ်ရန် တယ်လီဖုန်းအဟောင်းများ စုဆောင်း

ဓာတ်ပုံ - euronews
လာမယ့် ၂၀၂၀ ခုနှစ်မှာ ဂျပန်နိုင်ငံ မြို့တော် တိုကျိုမှာ ကျင်းပမယ့် အိုလံပစ်အားကစားပွဲတော် ဆုတံဆိပ်တွေလုပ်ဖို့ တယ်လီဖုန်းအဟောင်းတွေ စုဆောင်းတဲ့အစီအစဉ်ကို တိုကျိုမြို့တော်မှာ ဖေဖော်ဝါရီ ၁၆ ရက်နေ့က စတင်လိုက်ပါတယ်။ အိုလံပစ်ဆုတံဆိပ်တွေအတွက် လိုအပ်တဲ့ ရွှေ၊ ငွေ၊ ကြေး တန်ချိန် စုစုပေါင်း ၈ တန်ကို ဒီ တယ်လီဖုန်းဟောင်းတွေ၊ အသေးစား အိမ်သုံးပစ္စည်းပျက်တွေကနေ ထုတ်ယူမှာပါ။ အိုလံပစ်နဲ့ မသန်စွမ်း အိုလံပစ်ဆုတံဆိပ်တွေကို အခုလို အီလက်ထရောနစ်ပစ္စည်းတွေက ထုတ်ယူတာ ပထမဆုံးဖြစ်ပြီး ဂျပန်ပြည်သူတွေကလည်း တက်တက်ကြွကြွ ပါဝင်ကြပါတယ်။ "အခုလို ကျမရဲ့ဖုန်းဟောင်းတွေကနေ ၂၀၂၀ အိုလံပစ်ဆုတံဆိပ်တွေ ဖြစ်လာမယ်ဆိုတော့ တကယ်ကို ကောင်းတဲ့အစီအစဉ်ပါ။ ဒါကြောင့် ဖုန်းတွေကို လာပေးတာပါ" လို့ အသက် ၅၅ နှစ်အရွယ် ကာဝါဆာကီမြို့မှ အမျိုးသမီးတဦးက ပြောပါတယ်။ ၂၀၂၀ တိုကျိုအိုလံပစ်ပွဲတော်မှာ ဂျပန်ပြည်သူတွေ တိုက်ရိုက်ပါဝင်ခွင့်ရဖို့နဲ့ ပွဲတော်ကုန်ကျစရိတ် တဘက်တလမ်းက သက်သာအောင်လို့ အိုလံပစ်ပွဲတော်ကျင်းပရေး အာဏာပိုင်တွေ အခုလအစောပိုင်းက စီစဉ်လိုက်ကြတာပါ။ အိုလံပစ်ပွဲတော်ကျင်းပရေး ကုန်ကျစရိတ်ဟာ ကနဦး တွက်ချက်မှုတွေအရ အမေရိကန်ဒေါ်လာ ၂၆ ဘီလယံကျော်ခဲ့တဲ့အတွက် သိပ်ကြီးမြင့်လွန်းလို့ ပြီးခဲ့တဲ့နှစ်ကုန်ပိုင်းကပဲ အမေရိကန်ဒေါ်လာ ၁၇ ဘီလီယံအထိ လျော့ချခဲ့တာပါ။ ဒီအစီအစဉ်ဟာ တကယ်ကို စိတ်ကျေနပ်စရာ၊ စိတ်လှုပ်ရှားစရာ အစီအစဉ်ပါပဲလို့ တိုကျိုမြို့တော်ဝန်ကလည်း ပြောဆိုပါတယ်။ ဧပြီလကျရင် ဒေသခံအစိုးရရုံးတွေ၊ ဖုန်းဆိုင်တွေမှာ တယ်လီဖုန်းအဟောင်း ကောက်ခံရေးပုံးတွေ ချထားမှာဖြစ်ပြီး အိုလံပစ်ဆုတံဆိပ်တွေအတွက် လိုအပ်တဲ့ သတ္တုတန်ချိန် ၈ တန်ရရင်တော့ ဒီကောက်ခံရေး အစီအစဉ်ကို ရပ်နားမှာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up