မဲစာရင်းလာကြည့်ရှုတောင်းဆိုကန့်ကွက်ကြရန် ကော်မရှင်မေတ္တာရပ်ခံ

ကြားဖြတ်ရွေးကောက်ပွဲအတွက် မဲဆန္ဒရှင်စာရင်းတွေကို သက်ဆိုင်ရာ ရပ်ကွက်ကျေးရွာတွေမှာ ကြေညာကပ်ထားရာမှာ လာရောက်ကြည့်ရှုသူ အလွန် နည်းပါးနေတဲ့အတွက် မှန်ကန်မှုရှိမရှိ လာရောက်ကြည့်ရှုစစ်ဆေးကြဖို့  ပြည်ထောင်စုရွေးကောက်ပွဲ ကော်မရှင်ကနှိုးဆော်လိုက်ပါတယ်။ ဖေဖော်ဝါရီ ၇ ရက်ထိ မဲစာရင်းလာကြည့်သူအရေအတွက်ဟာ မဲဆန္ဒရှင်တွေရဲ့ ၆ ရာခိုင်နှုန်းကျော်သာရှိပြီး၊ နာမည်မပါလို့ထည့်ပေးရန်တောင်းဆိုသူ ၂ ဒသမ ၇ ရာခိုင်နှုန်း၊  မဲစာရင်းမှာ မပါသင့်တဲ့သူပါနေလို့ ကန့်ကွက်သူ ၀ ဒသမ ၅ ရာခိုင်နှုန်းနဲ့၊ အချက်အလက်မှားလို့ ပြင်ဆင်ရန်တင်သွင်းသူ ၁ ဒသမ ၆ ရာခိုင်နှုန်းလောက်ပဲရှိတယ်လို့ သိရပါတယ်။ ဒါ့ကြောင့် မဲဆန္ဒရှင်ပြည်သူတွေအနေနဲ့ မဲစာရင်းတွေ ပြည့်စုံမှန်ကန်စေဖို့ အနည်းဆုံး တအိမ် ထောင်တယောက် မပျက်မကွက်လာရောက်ကြည့်ရှုပြီး လိုအပ်ချက်တွေကို တောင်းဆို၊ ကန့်ကွက်၊ ပြင်ဆင်ဆောင်ရွက်ခြင်းဖြင့် ကူညီပေးကြဖို့ ကော်မရှင်က မေတ္တာရပ်ခံထားပါတယ်။ ၂၀၁၇ ဧပြီ ၁ ရက်နေ့ကျင်းပမယ့် ကြားဖြတ်ရွေးကောက်ပွဲအတွက် မဲဆန္ဒရှင်စာရင်းတွေကို ဖေဖော်ဝါရီ ၁ ရက်ကစပြီး သက်ဆိုင်ရာ ရပ်ကွက်ကျေးရွာအုပ်စု ကော်မရှင်အဖွဲ့ခွဲရုံးတွေမှာ  ကပ်ထားပေးထားတာဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up