နိုင်ငံရေးပြဿ နာကို တွေ့ဆုံဆွေးနွေးအဖြေရှာရန် ရှမ်းအမျိုးသားနေ့တွင် တိုက်တွန်း
နန်းမြနဒီ
·
February 7, 2017
နိုင်ငံရေးပြဿနာကို တွေ့ဆုံဆွေးနွေးအဖြေရှာကြဖို့ ရှမ်းပြည်ပြန်လည်ထူထောင်ရေးကောင်စီ (RCSS) ဥက္ကဋ္ဌ SSA စစ်ဦးစီးချုပ် ဒုဗိုလ်ချုပ်ကြီးရွက်စစ်က ဌာနချုပ် လွိုင်တိုင်းလျှန်းမှာ ဒီကနေ့ ကျင်းပတဲ့ နှစ် ၇၀ ပြည့် ရှမ်းပြည်အမျိုးသားနေ့အခမ်းအနားမှာ တိုက်တွန်းပြောပါတယ်။
ရှမ်းပြည်တပ်မတော်အနေနဲ့ ယခင်က နိုင်ငံရေးအတွက် လက်နက်ကိုင်တိုက်ပွဲဝင်ခဲ့ပေမယ့် လည်း ဒီကနေ့ဟာ နိုင်ငံရေးပြဿ နာကို စားပွဲပေါ်မှာ ဆွေးနွေးအဖြေရှာရမယ့် အချိန်ဖြစ်လို့ ရှမ်းပြည်သူတွေ စည်းလုံးညွတ်ဖို့အရေးကြီးကြောင်း ဒီကနေ့မနက် အခမ်းအနားမိန့်ခွန်းမှာ ပြောကြားခဲ့တယ်လို့ RCSS အတွင်းရေးမှူး ၁ ဗိုလ်မှူးကြီးသီရိက ဒီဗွီဘီကို ပြောပါတယ်။
“ပင်လုံစာချုပ်ပါ ကတိက၀တ်တွေ ချိုးဖောက်ခံရလို့ တိုင်းရင်းသားတွေ နှစ်ပေါင်းများစွာ တိုက်ပွဲဝင်ခဲ့တယ်၊ အခု မြန်မာပြည်ရဲ့ အရပ်သားအစိုးရ အန်အယ်လ်ဒီ အစိုးရလက်ထက်မှာ တိုင်းရင်းသားတွေ လိုလားတဲ့ ဖက်ဒရယ်ပြည်ထောင်စုနိုင်ငံထူထောင်ဖို့ ကြိုးပမ်းနေတာကြောင့် အန်စီအေ အပစ်ရ ပ်လက်မှတ်ထိုးပြီး နိုင်ငံရေးပြဿ နာကို တွေ့ဆုံဆွေးနွေးခြင်းနဲ့ အဖြေရှာဖို့၊ မကြာခင် ဒုတိယအကြိမ် ပင်လုံညီလာခံမှာ ရှမ်းပြည်သူတွေရဲ့ ဘုံသဘောတူချက်နဲ့ ဆွေးနွေးမှာမို့ အားလုံးစည်းလုံးညီညွတ်ကြဖို့ တိုက်တွန်းသွားပါတယ်။”
ဒါ့အပြင် ညောင်ရွှေစော်ဘွား စ၀်ရွှေသိုက်ရဲ့သား ဦးဟန်ညောင်ရွှေကလည်း ၁၉၄၇ ပင်လုံ စာချုပ်မှာ ရှမ်းတွေနိုင်ငံရေးဆုံးရှုံးခဲ့ရကြောင်း၊ လာမယ့် ဒုတိယအကြိမ် ၂၁ ရာစုပင်လုံမှာ နောက်ထပ် နိုင်ငံရေးဆုံးရှုံးမှု မရှိရအောင် သတိကြီးစွာထားပြီး ဆွေးနွေးရမှာဖြစ်သလို ကိုယ်စွမ်းအား၊ ဉာဏ်စွမ်းအား၊ စည်းလုံးညီညွတ်မှုအားနဲ့ လိုအပ်ကြောင်း၊ ဒါကြောင့် နိုင်ငံရေးဆွေးနွေးပွဲမှာ ရှမ်းပြည်သူတွေဘက်ကနေ ဦးဆောင်ဆွေးနွေးမယ့်အဖွဲ့ကို ၀ိုင်းရံထောက်ပံ့ကြဖို့ အခမ်းအနားမှာ တိုက်တွန်းသွားပါတယ်။
ဒီကနေ့အခမ်းအနားမှာ စစ်သည် အင်အား ၂၀၀၀ ကျော် စစ်ရေးပြခဲ့ပြီး တိုင်းရင်းသားလက်န က်ကိုင်အဖွဲ့ ခေါင်းဆောင်တချို့နဲ့ ကိုယ်စားလှယ်တွေ အပါအ၀င် လူပေါင်း ၅ ထောင်လောက် တက်ရောက်ခဲ့ပါတယ်။
အလားတူ ရှမ်းအမျိုးသားနေ့ / ရှမ်းပြည်နယ်နေ့ အခမ်းအနားတွေကို ရန်ကုန်၊ မန္တလေး၊ တောင်ကြီး စတဲ့ မြို့ကြီးတွေမှာရော ကချင်ပြည်နယ်၊ ရှမ်းပြည်နယ်နဲ့ ပြည်ပရောက် ရှမ်းအသိုင်းအ၀ိုင်းတွေ ကြားမှာလည်း ကျင်းပလျှက်ရှိပါတယ်။
သမ္မတဦးထင်ကျော်ကတော့ တိုင်းရင်းသား ပြည်သူတရပ်လုံးရဲ့ စားဝတ်နေမှု ပြည့်စုံလုံခြုံမှုရှိရေး၊ လူမှုစီးပွားဘ၀ဖွံ့ဖြိုး တိုးတက်ရေးအတွက် တောင်ပေါ်မြေပြန့်၊ ပြည်နယ် ပြည်မ မခွဲခြားဘဲ အစိုးရနဲ့ အတူပူးပေါင်း ဆောင်ရွက်ကြဖို့ ဒီကနေ့ကျရောက်တဲ့ နှစ်(၇၀) မြောက် ရှမ်းပြည်နယ်နေ့ အထိမ်းအမှတ် သ၀ဏ်လွှာမှာ တိုက်တွန်းပြောကြားထားပါတယ်။
လွန်ခဲ့တဲ့ ၁၉၄၇ ဖေဖော်ဝါရီ ၇ ရက်နေ့က ရှမ်းစော်ဘွားကိုယ်စားလှယ်နဲ့ ရှမ်းပြည်သူ့ ကိုယ်စားလှယ် တို့ပူးပေါင်းပြီး ရှမ်းပြည်ကောင်စီကို ဖွဲ့စည်းကာ ပြည်မနှင့်အတူ လွတ်လပ်ရေးယူရန်ဆုံးဖြတ်တဲ့နေ့၊ ရှမ်းအမျိုးသား အလံနှင့် အမျိုးသားသီချင်း သတ်မှတ်သောနေ့ အထိမ်းအမှတ်အဖြစ် အဲဒီနေ့ကို ရှမ်းအမျိုးသားနေ့အဖြစ်သတ်မှတ်ခဲ့ပါတယ်။
ဒါပေမယ့် အဲဒီရှမ်းအမျိုးသားနေ့ သတ်မှတ်ခဲ့တဲ့ ရှမ်းပြည်ကောင်စီအဖွဲ့ထဲမှာ ရှမ်းလူမျိုးတည်းသာ မဟုတ်ဘဲ ပလောင်၊ ဓနု၊ အင်းသား စတဲ့ တိုင်းရင်းသားလူမျိုးတွေပါ ပါဝင်ကာ ရှမ်းပြည်နယ်သူ ပြည်နယ်သား အားလုံးနဲ့ သက်ဆိုင်တဲ့ နေ့လည်းဖြစ်တာကြောင့် နောက်ပိုင်းမှာ ရှမ်းပြည်နယ်နေ့ အမည်နဲ့ အခမ်းအနားကျင်းပကြပြီး အချို့ကတော့ မူရင်း ရှမ်းအမျိုးသားနေ့ဆိုတဲ့ အမည်အတိုင်း ကျင်းပကြပါတယ်။