သြစတြေးလျအိုးပန်း အမျိုးသားတဦးချင်း ဗိုလ်လုပွဲတွင် ရော်ဂျာဖက်ဒရာ အနိုင်ရဗိုလ်စွဲ

ဓာတ်ပုံ - ရိုက်တာ
ဇန်နဝါရီ ၂၉ ရက်နေ့က ယှဉ်ပြိုင်သွားတဲ့ သြစတြေးလျအိုးပန်း အမျိုးသားတဦးချင်း ဗိုလ်လုပွဲစဉ်မှာ ရော်ဂျာ ဖက်ဒရာက ရာဖေး နာဒယ်ကို ၅ ပွဲအပြည့် ရိုက်အပြီး အနိုင်ရသွားပါတယ်။ ကမ္ဘာ့နံပါတ်တစ်ဟောင်း ဖက်ဒရာအတွက်တော့ ၁၈ ခုမြောက် ဂရန်းစလန်း ဆုဖလားကို ရယူနိုင်တာ ဖြစ်ပါတယ်။ ဖက်ဒရာနဲ့ နာဒယ်တို့ ဂရန်းစလန်း ဗိုလ်လုပွဲမှာ ၉ ကြိမ် ဆုံဖူးရာ နာဒယ်က ၆ ကြိမ် အနိုင်ရပြီး ဖက်ဒရာက ၃ ကြိမ် အနိုင်ရထားပါတယ်။ အသက် ၃၅ နှစ်အရွယ် ဖက်ဒရာဟာ ဒီပြိုင်ပွဲမှာ နာဒယ်ကို ခက်ခက်ခဲခဲ ယှဉ်ပြိုင်ခဲ့ရပါတယ်။ ဖက်ဒရာဟာ အပြန်အလှန် ရိုက်ချက်တွေမှာ နာဒယ်ကို မယှဉ်နိုင်ပေမယ့်လည်း စပေးဘောတွေကနေ အသာစီးယူနိုင်ခဲ့ပါတယ်။ ရော်ဂျာ ဖက်ဒရာအတွက်တော့ ၅ နှစ်အတွင်းမှာ ပထမဆုံး ပြန်ရတဲ့ ဂရန်းစလန်း ဆုဖလားလည်း ဖြစ်ပါတယ်။ ပွဲအပြီးမှာ ဖက်ဒရာက သူ့အနေနဲ့ နောက်ထပ် ဂရန်းစလန်း ဆုဖလားတွေ ရယူနိုင်သေးတယ်လို့ ပြောဆိုသွားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up