မန်ယူတောင်ပံကစားသမား အက်ရ်ှလေယန်း အခြားအသင်းတွင် သွားရောက်ကစားခွင့် တောင်း

ဓာတ်ပုံ - ရိုက်တာ
မန်ချက်စတာယူနိုက်တက်အသင်းရဲ့ တောင်ပံကစားသမား အက်ရ်ှလေယန်းဟာ နည်းပြမော်ရင်ဟိုထံ တခြားအသင်းကို အငှားသွားရောက်ကစားခွင့် တောင်းခံခဲ့တယ်လို့ သိရပါတယ်။ အက်ရ်ှလေယန်းအနေနဲ့ အခုလိုတောင်းဆိုလိုက်တာကြောင့် တရုတ်စူပါလိဂ်ကလပ် ရှန်ဒေါင်းလူနန် အပါအဝင် တခြား ပရီးမီးယားလိဂ် ကလပ်အသင်းအများစုက စိတ်ဝင်စားလျက် ရှိနေပါတယ်။ နည်းပြမော်ရင်ဟိုကတော့ အက်ရ်ှလေယန်းကို လာမယ့် အက်ဖ်အေဖလားနဲ့ ယူရိုပါလိဂ်ပွဲတွေအတွက် လိုအပ်နေတယ်လို့ ဆိုထားပါတယ်။ နောက်ပြီး သူ့အသင်းက ဂိုးသမား ဆမ်ဂျွန်စတုံးကလွဲလို့ တခြားကစားသမားတွေကို ဇန်နဝါရီ အပြောင်းအရွှေ့မှာ လုံးဝ ထွက်ခွာခွင့်မပြုဘူးလို့ ပြောကြားထားပါတယ်။ အက်ရ်ှလေယန်းကို ပရီးမီးယားလိဂ် ကလပ်အသင်းတွေဖြစ်တဲ့ ဝက်စ်ဟမ်း၊ ဝက်စ်ဘရွန်း၊ ဝတ်ဖို့ဒ်၊ ခရစ္စတယ်ပဲလေ့စ်၊ ဆွမ်ဆီး အစရှိတဲ့အသင်းတွေက စိတ်ဝင်စားနေကြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up