ကေအိုင်အိုက ဖောက်ခွဲဖျက်ဆီးမှုလုပ်နေကြောင်း အစိုးရသတင်းစာတွင်ဖော်ပြ
DVB
·
December 5, 2011
ကချင်လွတ်လပ်ရေးတပ်မတော် (ကေအိုင်အေ) တပ်ဖွဲ့ဝင်တွေက ဖောက်ခွဲမှု၊ မီးရှို့ဖျက်ဆီးမှုနဲ့ ပစ်ခတ်သတ်ဖြတ်မှုတွေ လုပ်နေတယ်လို့ ဒီကနေ့ထုတ် အစိုးရသတင်းစာမှာ ဖော်ပြထားပါတယ်။
ကချင်ပြည်နယ် မိုးကောင်းမြို့နယ် နမ္မတီးရွာအနီးက ယုဇနကုမ္ပဏီပိုင် ဘက်ဟိုးယာနှစ်စီးနဲ့ မြေထိုးစက်တစီးကို ကေအိုင်အေ တပ်ဖွဲ့က မီးရှို့ဖျက်ဆီးခဲ့တဲ့အတွက် ယာဉ်၃စီးစလုံး မီးလောင်ပျက်စီးခဲ့ပြီး ကျပ်သိန်းပေါင်း ၃၆၀၀ ဆုံးရှုံးခဲ့ကြောင်း ဖော်ပြထားပါတယ်။
ဒါ့အပြင် ဖားကန့်ကနေ မိုးကောင်းကိုသွားတဲ့ ခရီးသည်တင် ကားတစီးဟာ ကာမိုင်း-မအူပင်လမ်းရှိ ဟိုအင်ဝမ်းတံတားမှာ ရပ်နားနေတုန်း ကေအိုင်အို ထောင်ထားတဲ့ မိုင်းကို ခရီးသည်တဦးက တိုက်မိလို့ ထိခိုက်ဒဏ်ရာ ရခဲ့ကြောင်းနဲ့ ပြည်သူတွေကို အထိတ်တလန့်ဖြစ်အောင်လုပ်နေကြာင်း ရေးသား ဖော်ပြထားပါတယ်။
ဒီဖော်ပြချက်နဲ့ ပတ်သက်ပြီး ကေအိုင်အို ပြောခွင့်ရသူ ဦးလနန်းက ကချင်လွတ်လပ်ရေး တပ်မတော်အနေနဲ့ ပြည်သူတွေ ထိခိုက်နစ်နာမယ့် အလုပ်ကို မလုပ်ကြောင်း အခုလို ငြင်းဆိုထားပါတယ်။
“ကျနော်တို့ ကေအိ်ုင်အိုကတော့ ပြည်သူလူထုတွေ ထိခိုက်နစ်နာမယ့် လုပ်ရပ်တွေကို ဘယ်တော့မှမလုပ်ဘူး။ မြို့ပေါ်မှာ တိုက်ခိုက်ဖောက်ခွဲတာတွေ ဘယ်တော့မှမလုပ်ဘူး။ နောက်လည်း အဲ့လိုဆက်လုပ်ဖို့ ဘာမှအကြောင်းမရှိဘူး။ ပေါက်ကွဲမှုဖြစ်တိုင်း ပစ်ခတ်မှုဖြစ်တိုင်း သူတို့ကတော့ ကျနော်တို့ ကေအိုင်အိုကိုပဲ အပြစ်ဖို့တာမျိုးလုပ်တယ်။ ဒါက သူတို့ဝါဒဖြန့်သက်သက်ပါ။ ကားမိုင်းလမ်းမှာ လွန်ခဲ့တဲ့ ၂ ရက်နေ့ကထင်တယ်။ တိုက်ခိုက်မှုတခု ဖြစ်တယ်။ အဲဒီတိုက်ခိုက်မှုမှာ သူတို့ ယာဉ်သုံးစီးနဲ့ ဆင်းလာတယ်။ ကျနော်တို့ အတိုက်အခိုက် လုပ်တဲ့အခါမှာ သူတို့ ၅ယောက်၊ ၆ယောက်လောက် ထိခိ်ုက်တာရှိတယ်။ ဒဏ်ရာရတာတွေလည်း ပါတယ်။ လက်နက်တွေတောင်မှ ၅ လက်လောက် သိမ်းဆည်းရမိတယ်။ အဲဒီမှာ ဒဏ်ရာရတဲ့ သူတို့ ရဲဘော်တွေကို သူတို့က အရပ်ဝတ်လဲပြီးတော့ ဆေးရုံပို့တာတွေ သတင်းကကြားတယ်။ အဲဒါကြောင့်မို့ သူတို့ တကယ်လို့များ သတင်းစာမှာပါတဲ့ အရပ်သားတွေ ဒဏ်ရာရပြီး ကားမိုင်းဆေးရုံမှာ ပို့ထားတဲ့ကိစ္စက အမှန်တကယ်တော့ အရပ်သားတွေတော့ မဖြစ်နိုင်ဘူး။ စစ်သားတွေပဲ ဖြစ်ပါလိမ့်မယ်။”
ပြီးခဲ့တဲ့အပတ်တုန်းက ကေအိုင်အို ဥက္ကဋ္ဌ အပါအဝင်အဖွဲ့တွေက အစိုးရကိုယ်စားလှယ်အဖွဲ့နဲ့ တရုတ်နိုင်ငံ ရွှေလီမြို့မှာ တွေ့ဆုံဆွေးနွေးမှုတွေ လုပ်ခဲ့ပေမယ့် ကချင်ပြည်နယ်အတွင်းမှာတော့ တိုက်ပွဲတွေ ဆက်လက် ဖြစ်ပွားနေဆဲ ဖြစ်ပါတယ်။
ဒါ့အပြင် မြန်မာပြည် အောက်ဘက်က တပ်တွေကိုလည်း ကချင်ပြည်နယ်ဘက် ထပ်မံပို့ဆောင်နေတယ်လို့ ဦးလနန်းက ပြောပါတယ်။
ကေအိုင်အိုခေါင်းဆောင်နဲ့ လာရောက်တွေ့ဆုံတဲ့ အစိုးရကိုယ်စားလှယ်အဖွဲ့ဟာ စစ်ကိုရပ်စဲနိုင်တဲ့ ပုဂ္ဂိုလ်မပါဝင်တဲ့အတွက် ဒီတွေ့ဆုံမှုဟာ ဖြစ်ပွားနေတဲ့ စစ်ပွဲတွေနဲ့ ဆက်စပ်မှုမရှိ ဖြစ်နေတယ်လို့ ဦးလနန်းက ပြောပါတယ်။