၂၀၁၁ ခုနှစ်ဟာ မိုး​ရွာသွန်း​မှုများ​ခဲ့​တဲ့​နှစ် တနှစ် ဖြစ်ခဲ့​ပါတယ်။ ဘယ်​လောက် အတိုင်း​အတာထိ​အောင် မိုး​ရွာသွန်း​မှုများ​ခဲ့​တာပါလဲ။ ဘာ​ကြောင့်​ မိုး​များ​ခဲ့​တာလဲ။ ၂၀၁၁ခုနှစ်ထဲ လူ​သေဆုံး​မှုရှိခဲ့​တဲ့​ သဘာဝ​ဘေး​က​ရော မိုး​များ​တာ​ကြောင့်​ ဖြစ်ခဲ့​တာပဲလား​။ မိုး​လေဝသနဲ့​ဇလ​ဗေဒဦး​စီး​ဌာနက လက်​ထောက်ညွှန်ကြား​ရေး​မှူး​ ဦး​ချစ်​ကျော်ကို ဆက်သွယ်​မေး​မြန်း​ထား​ပါတယ်။ ကျ​နော်တို့​ ၂၀၁၁ ခုနှစ်မှာ ဖြစ်ခဲ့​တဲ့​ ရာသီဥတုအ​နေအထား​ကို ပြန်ကြည့်​မယ်ဆိုရင် အဓိကဇာတ်လိ်ုက်က မိုး​လို့​ပြောလို့​ ရမလား​။ တနှစ်လုံး​ မိုး​မပြတ် ရွာသွန်း​ခဲ့​တာ အဓိကလို့​ ​ပြောလို့​ရမလား​။ ဆရာတို့​ ဘယ်လိုမြင်မိပါလဲ။ “ဟုတ်ပါတယ်။ မိုး​ပါ။ တနိုင်ငံလုံး​မှာ ရွာသွန်း​မြဲထက် ​ကျော်တာကြီး​ပဲ။ ရွာသွန်း​မြဲကို ခါတိုင်း​နှစ်​တွေဆိုရင် ​ကျော်​တော့​ကျော်တာ​ပေါ့​။ စခန်း​တရာမှာ ၃၅၊​ ၄၀ ​လောက်က​ကျော်တာ​ပေါ့​နော်။ ဒီနှစ်က​တော့​ စခန်း​ ၁၀၀ မှာ ၉၀ ​လောက်​ကျော်တယ်။ ရွာသွန်း​မြဲထက်​ကျော်တယ်။ မိုး​များ​တယ်။ ဇန်နဝါရီက​နေ အခုထိက ၂၀၁၁ ဇန်နဝါရီက​နေ ဒီဇင်ဘာထိက မိုး​များ​တဲ့​အ​ခြေကို ​တွေ့​ရတယ်။ အဲဒါမိုး​က များ​တာ​တော့​ အ​ကြောင်း​နှစ်မျိုး​ပေါ့​။ မုတ်သုံက ရွာတယ်။ ပြီး​ခဲ့​တဲ့​ ၂၀၁၁ နှစ်စမှာလည်း​ လာနီညာရှိတယ်။ ​နောက်တခါ မုန်တိုင်း​ငယ်​တွေ​ကြောင့်​ ရွာတယ်။ ​နောက်တခါ အ​နောက်ဘက်က လာတဲ့​ ​လေ​ပွေလှိုင်း​တွေ​ပေါ့​။ ​မြောက်ပိုင်း​ကို ဖြတ်တဲ့​အခါမှာလည်း​ ရွာတယ်။ အဲလိုအ​ကြောင်း​တွေ​ကြောင့်​ ဒီနှစ်က​တော့​ မိုး​များ​တယ်။” အဲဒီ​တော့​ ကျ​နော်တို့​ ၂၀၁၀ တုန်း​က​တော့​ အပူများ​တယ်။ အပူလွန်ကဲခဲ့​တယ်။ ၂၀၁၁ မှာ​တော့​ မိုး​များ​ပြန်​တော့​ ရာသီဥတု​တွေ သိသိသာသာ တနှစ်နဲ့​တနှစ် မတူ​အောင်​ပြောင်း​လဲ​နေတာက ဘာ​ကြောင့်​ပါလဲ။ “တကမ္ဘာလုံး​ ရာသီဥတု​ပြောင်း​လဲတယ်။ ရာသီဥတု ဘာ​ကြောင့်​ပြောင်း​လဲသလဲဆိုရင်​တော့​ သူ့​ရဲ့​ အရင်း​အမြစ်က​တော့​ အိုဇုန်း​လွှာ​ပေါက်တာရယ်။ စက်ရုံအလုပ်ရုံ​တွေက မီး​ခိုး​ပြာမှုန်​တွေ ထုတ်လွှတ်တာ များ​တာရယ်၊​ အဲဒီအတွက်​ကြောင့်​ ကမ္ဘာကြီး​က ပုံမှန်ထက် ပို​နွေး​လာတယ်။ ပုံမှန်ထက်ပို​နွေး​တာက နှစ်တိုင်း​ကြီး​ ပို​နွေး​လာသလား​ဆို​တော့​ မဟုတ်ဘူး​။ အလွန်ပူတဲ့​နှစ်ပူတယ်။ ​လျော့​ကျသွား​တဲ့​နှစ် ​လျော့​ကျသွား​တယ်။ အဲ​တော့​ ပူမယ့်​နှစ်​တွေက​တော့​ အဆုံး​သတ်သွား​တာ​ပေါ့​။ အဲဒီနှစ်​တွေက​တော့​ အပူချိန်​တွေဘာ​တွေ ထပ်ကုန်တာ​ပေါ့​။ အပူ​လျော့​သွား​တဲ့​နေ့​တွေကျ​တော့​ မိုး​တွေက ရွာလာတယ်။ အဲဒါ​ကြောင့်​ ခုနလို ပူလိုက်မိုး​များ​လိုက် ပြီး​ရင်ပြန်​အေး​သွား​လိုက်၊​ ​အေး​သွား​တယ်ဆိုတာ အခုလို လာနီညာ​တွေဘာ​တွေ ဖြစ်ရင်​တော့​ ပြန်​အေး​သွား​တာ​ပေါ့​။ ဒါ​တောင်မှ လာနီညာဖြစ်တိုင်း​ ​အေး​တာလား​ဆို​တော့​ လာနီညာဖြစ်တိုင်း​ ​အေး​တာမဟုတ်ဘူး​။ အခုနှစ်ဆိုရင် လာနီညာ​ကြောင့်​ အာရှတိုက်က သိပ်မ​အေး​ဘူး​။ အာရှတိုက်က သိပ်မ​အေး​ဘူး​ဆိုတာကို ​တွေ့​ရတယ်။” နောက်တခုက ဒီနှစ်ကို မုန်တိုင်း​နဲ့​ပတ်သက်တဲ့​ ထူး​ခြား​ချက် ဘာ​တွေ့​ရလဲ။ “မုန်တိုင်း​အကြီး​တွေ​တော့​ မဖြစ်ဘူး​။ ဘင်္ဂလား​ပင်လယ်​အော်ကို ​ပြောတာ​နော်။ အတ္တလန္တိတ် သမုဒ္ဒရာတို့​ ဘာတို့​ ​ပြောတာမဟုတ်ဘူး​။ အဲ​တော့​ ဘင်္ဂလား​ပင်လယ်​အော်မှာ မုန်တိုင်း​အကြီး​ကြီး​တော့​ မဖြစ်ဘူး​။ ဒါ​ပေမယ့်​ အဲဒီမုန်တိုင်း​ငယ်​လေး​တွေ အဆင့်​လောက်နဲ့​ပဲ ​ကော့​ဘဇား​နား​က​နေ ဖြတ်တဲ့​ ၂၀၁၁ ​အောက်တိုဘာ ၁၉ - ၂၀ မှာ ဖြတ်သွား​တဲ့​ မုန်တိုင်း​ငယ်​လေး​က လူ​တွေ​သေ​လောက်​အောင် လျှပ်တပြက် မိုး​တွေရွာပြီး​တော့​ ​ရေ​တွေကြီး​တယ်။ အဲဒီ​နေရာက ပုံမှန်အား​ဖြင့်​ မိုး​နည်း​တဲ့​နေရာ​တွေဖြစ်​တော့​ အဲဒါ​ကြောင့်​ မိုး​များ​ပြီး​ ​ရေကြီး​တာကို သူတို့​အ​နေနဲ့​ အ​တွေ့​အကြုံမရှိဘူး​။ ကြိုတင်ပြင်ဆင်မှုလည်း​ မရှိဘူး​။ အဲဒီအတွက် ဘာဖြစ်လည်း​ဆို​တော့​ သူတို့​ရဲ့​ အသက်အန္တရာယ် ထိခိုက်​စေတယ်။ သူတို့​ရဲ့​ ပစ္စည်း​ဥစ္စာ​တွေ ဆုံး​ရှုံး​ခဲ့​တယ်။ ကျ​နော်တို့​က​တော့​ အမြဲတမ်း​​မျှော်လင့်​တယ်။ သဘာဝ ​ဘေး​အန္တရာယ်​တွေ ဖြစ်နိုင်တဲ့​အခွင့်​အလမ်း​တွေကို ကျ​နော်တို့​က ​နေ့​စဉ်​စောင့်​ကြည့်​ရတာဆို​တော့​ ကျ​နော်တို့​ရဲ့​ ထုတ်ပြန်ချက်​တွေအ​ပေါ်မှာလည်း​ သူတို့​က မှီငြမ်း​ပြီး​တော့​ နား​လည်​အောင်လုပ်ပြီး​ ဘယ်လို​ရှောင်တိမ်း​ရမလဲဆိုတာကို သူတို့​ကိုယ်တိုင် ပါဝင်ပြီး​လုပ်မှ ဖြစ်မယ်။ ဘာဖြစ်လို့​လဲဆို​တော့​ သူတို့​ဒေသ​တွေကိုလည်း​ ကျ​နော်တို့​က ​နေ့​တိုင်း​မသွား​နိ်ုင်ဘူး​လေ။ သို့​သော် ကျ​နော်တို့​က ဘယ်က​နေ ​ပြော​နေရလဲ​ဆို​တော့​ ​ရေဒီယိုက​နေ ​ပြောပြနိုင်တယ်။ တီဗွီက​နေ ​ပြောပြနိုင်တယ်။ သူတို့​ဖုန်း​နဲ့​မေး​ရင် ​ဖြေ​ပေး​တယ်။ အဲဒီလိုမျိုး​တွေ လုပ်ဖို့​လိုတယ်ဆိုတဲ့​ ကနဦး​အသိ​လေး​ကို သူတို့​ကို သိ​စေချင်​သေး​တယ်။” ခုနက ​ဆွေး​နွေး​သွား​တဲ့​အထဲမှာ အဲဒီတုန်း​က မုန်တိုင်း​နဲ့​ပတ်သက်ပြီး​ ရခိုင်ကိုပဲဝင်မယ်ဆိုပြီး​ ဆရာတို့​ပြော​နေတာ။ အဲဒီတုန်း​က ဆရာ​ဖြေတဲ့​ထဲမှာလည်း​ ပါတယ်။ မြန်မာပြည်အလယ်ပိုင်း​ဒေသမှာ ရုတ်တရက်မိုး​ကြီး​ပြီး​ ​မြေပြိုတာတို့​ ​ရေကြီး​တာတို့​ ဖြစ်နိုင်ပါတယ်လို့​ ​ပြောပါတယ်။။ ဒါ​ပေမယ့်​ သဘာဝအရ ရခိုင်ကိုသွား​ပြီး​တော့​ မည်း​နေ​တော့​ မထင်ဘဲနဲ့​ ကုန်း​တွင်း​မှာ ဝင်​နေ​တော့​ ဆရာခုနက ​ပြောတဲ့​ ပြည်သူ​တွေရဲ့​ သိတတ်မှု awareness အပိုင်း​ပေါ့​။ အဲဒါ​တွေ​ကော အခုဖြစ်သွား​တဲ့​အ​ပေါ်မှာ သင်ခန်း​စာယူပြီး​တော့​ပဲဖြစ်ဖြစ် ​နောင်ကို ဘယ်လိုလုပ်မယ်လို့​ စိတ်ကူး​ထား​လဲဆရာ။ သတိ​ပေး​ဖို့​ပေါ့​။ “အဲဒါကဘာနဲ့​လုပ်မလဲဆို​တော့​ အရင်လုပ်​နေတဲ့​ ယူအန်ဒီပီ (ကုလသမဂ္ဂဖွံ့​ဖြိုး​ရေး​အစီအစဉ်) အဖွဲ့​အစည်း​တွေရှိတယ်။ UN Action Aid ဆိုတဲ့​အဖွဲ့​။ ဒီအဖွဲ့​အစည်း​က နာဂစ်ဖြစ်ခဲ့​တဲ့​ ​ဒေသ​တွေမှာ public aware လုပ်တယ်။ သူတို့​ရဲ့​ လုပ်တဲ့​ လုပ်ငန်း​သက်တမ်း​ပြီး​တော့​ လုပ်ငန်း​တော့​ရပ်သွား​ပြီ။ သို့​သော်လည်း​ အခု​အောက်တိုဘာမှာ ဖြစ်တဲ့​ဟာ​လေး​ကို သင်ခန်း​စာယူပြီး​တော့​ သူတို့​က မြန်မာနိုင်ငံ အလယ်ပိုင်း​ဒေသ​တွေ ရှမ်း​ကုန်း​ပြင်မြင့်​ ​ဒေသ​တွေမှာလည်း​ သဘာဝ​ဘေး​အန္တရာယ်နဲ့​ ပတ်သက်တဲ့​ public awareness ActionAid အလုပ်​တွေကို သူတို့​သွား​လုပ်ချင်တယ်။ ကျ​နော်တို့​ဆီက လိုအပ်တဲ့​ နည်း​ပညာပိုင်း​ဆိုင်ရာ အကူအညီ​ပေါ့​။ ဆိုလိုတာက ကျ​နော်တို့​က မှတ်ချက်​တွေ ​ရေး​ပေး​ရမှာ​ပေါ့​။ လျှပ်တပြက် ​ရေကြီး​တယ်ဆိုတာ ဘယ်လိုအဓိပ္ပာယ်၊​ အဲလို​ရေကြီး​ရင် ဘယ်လို​ရှောင်ရှား​ရမယ်။ ပြင်ဆင်ရမယ်ဆိုတဲ့​ ဟာ​တွေ​ပေါ့​။ ကျ​နော်တို့​က မြန်မာလို​ရေး​ပေး​ရမယ်။ သူတို့​က သင်တန်း​ဆရာ​တွေ ​ရွေး​ချယ်ပြီး​တော့​ သင်တန်း​ဆရာ​တွေကို သင်​ပေး​ရမယ်။ အဲဒီသင်တန်း​ဆရာ​တွေက သွား​ပြီး​တော့​ ​ကျေး​လက်​တွေမှာ သူတို့​နဲ့​အတူတူ ​နေပြီး​တော့​ စာသင်မယ်ဆိုတဲ့​ဟာမျိုး​။ ပညာ​ပေး​ လုပ်မယ်။ အဲဒါ​တော့​ စီစဉ်​နေပါတယ်။” အဲဒါကို ဘယ်​တော့​လောက် အ​ကောင်အထည်​ဖော်မယ်လို့​ အစီအစဉ်ရှိပါလဲ။ “အဲဒါ​တော့​ ActionAid နဲ့​ အဆိုပြုထား​တယ်။ အထက်က ရန်ပုံ​ငွေ​တွေဘာ​တွေလည်း​ အထက်က ယူအန်ဒီပီလက်​အောက်ခံ အဖွဲ့​အစည်း​တွေကို တင်ရဦး​မှာကို။ သူတို့​ဘက်က အဆင်သင့်​ဖြစ်တယ်ဆိုရင်​တော့​ ကျ​နော်တို့​က သူတို့​လိုချင်တဲ့​မှတ်စု​တွေ အချက်အလက်​တွေ ပြင်ဆင်ထား​ပြီး​သား​ပဲ။ သူတို့​ ပို့​ချခိုင်း​တဲ့​အချိန် သွား​ရောက်ပို့​ချ​ပေး​ရမှာပါ။”