ရေနစ်ပျောက်ဆုံးခဲ့သည့် မုံရွာတက္ကသိုလ်ကျောင်းသား/သူ ၃ ဦးထဲမှ ၁ ဦးအလောင်း ပြန်တွေ့
DVB
·
January 19, 2017
စစ်ကိုင်းတိုင်းဒေသကြီး ယင်းမာပင်မြို့နယ် လက်ခုတ်ပင်ကျေးရွာရှိ ချင်းတွင်းတံတားအနီးမှာ ရေဆင်းကူးရာကနေ ရေနစ်ပျောက်ဆုံးခဲ့တဲ့ ကျောင်းသူကျောင်းသား ၃ ဦးထဲက ၁ ဦးရဲ့အလောင်းကို ပြန်လည်တွေ့ရှိပါတယ်။
ကျောင်းသူကျောင်းသား ၃ ဦးဟာ မုံရွာစီးပွားရေးတက္ကသိုလ်မှ စတုတ္တနှစ်တက်ရောက်နေသူတွေဖြစ်ကြပြီး ဇန်န၀ါရီ ၁၈ ရက်က ရွှေတောင်ဦး ဘုရားသွားရောက်ဖူးစဉ် ချင်းတွင်းမြစ်အတွင်း ရေဆင်းကူးရာမှ အခုလို ရေနစ်ပျောက်ဆုံးခဲ့တာပါ။
ရေနစ်ပျောက်ဆုံးခဲ့တဲ့ ကျောင်းသားကျောင်းသူတွေကတော့ အရာတော်မြို့နယ်၊ ရွှေတွင်းကုန်းရွာနေ ကိုကုဋေအောင်၊ ဟုမ္မလင်းမြို့၊ ခိုပဲဝရပ်ကွက်နေ မသန်းသန်းဆင့် နဲ့ ကျွန်းလှမြို့၊ ဧရာမြိုင်ရပ်ကွက်နေ မဟန်နီစိမ့် တို့ဖြစ်ကြပါတယ်။
သူတို့ ၃ ဦးထဲက မသန်းသန်းဆင့်အလောင်းကို ရေဆင်းကူးတဲ့ နေရာတဝိုက်မှာ အဲဒီနေ့ညနေပိုင်းက ရှာဖွေတွေ့ရှိခဲ့တယ်လို့ သိရပါတယ်။
ကျန်ပျောက်ဆုံးနေသူ ကျောင်းသူကျောင်းသား ၂ ဦးကိုတော့ အရန်မီးသတ်တပ်ဖွဲ့ဝင်တွေ၊ ရဲတပ်ဖွဲ့ဝင်တွေနဲ့ ဒေသခံတွေက ဆက်လက်ရှာဖွေနေဆဲ ဖြစ်ပါတယ်။
ဒီနေရာမှာပဲ လွန်ခဲ့တဲ့ ၂၀၁၆ ခုနှစ် ဩဂုတ်လ ၁၁ ရက်နေ့က မုံရွာ စက်မှုအထက်တန်းကျောင်းမှ ကျောင်းသူ ၂ ဦးနဲ့ ကျောင်းသား ၁ ဦးတို့ အလားတူ ရေနစ်ပျောက်ဆုံးမှု ဖြစ်ပေါ်ခဲ့ပါသေးတယ်။
အခုလို နှစ်စဉ်ကြုံတွေ့နေရတဲ့ဖြစ်စဉ်နဲ့ ပတ်သက်ပြီး ၎င်းနေရာကို သတိပေးဆိုင်းဘုတ်တွေ တပ်ဆင်ထားသင့်တယ်လို့ မုံရွာမြို့ခံအချို့ကလည်း ပြောဆိုနေကြပါတယ်။
သတင်းဓာတ်ပုံ - ရန်နိုင်စိုး
