ရွှေ့ပြောင်းဒုက္ခသည်များပါသည့်ရေယာဉ် နစ်မြုပ်ပုံ ရေးဆွဲထားသည့်ပိုစတာ ပြင်သစ်တွင် ချိတ်ဆွဲ

ဓာတ်ပုံ - ရိုက်တာ
ပြင်သစ်နိုင်ငံရဲ့ မြို့တော် ပါရီမြို့လယ် စိန်းမြစ်ကမ်းပေါ်မှာ နာမည်ကျော် အနုပညာရှင် ပီယဲ ဒေလာဗီက ရွှေ့ပြောင်းနေထိုင်သူတွေ အပြည့်တင်ထားတဲ့ ရေယာဉ်နစ်မြုပ်နေပုံ ပိုစတာ အကြီးကြီးကို ဇန်နဝါရီ ၁၁ ရက်နေ့က ချိတ်ဆွဲခဲ့ပါတယ်။ ဥရောပ ဒုက္ခသည်အကျပ်အတည်းကို ကာကွယ်ဖို့ ဥရောပသမဂ္ဂအဖွဲ့ဝင်နိုင်ငံတွေက လူဝင်ခွင့် မူဝါဒတွေ တင်းကျပ်နေချိန်မှာ ခုလို ချိတ်ဆွဲလိုက်တာပါ။ အီတလီ ကမ်းရိုးတန်းအစောင့်တပ်က မြေထဲပင်လယ်ထဲမှာ ရိုက်ကူးခဲ့တဲ့ တကယ့်ဖြစ်ရပ်မှန် ဓာတ်ပုံကို အခြေခံပြီး ပန်းချီပညာရှင်က စိန်းမြစ်ထဲမှာ ဒုက္ခသည်တွေရဲ့ လှေနစ်ပုံအဖြစ် မျက်စိထဲ ထင်လာအောင် ရေးဆွဲခဲ့တာပါ။ ဒီပန်းချီထဲမှာ ပါရီမြို့သားတွေရဲ့ ဓာတ်ပုံတချို့ကို ထည့်ဆွဲထားတယ်၊ ဒါမှ ဒီရွှေ့ပြောင်းနေထိုင်သူတွေဟာ ကျနော်တို့ကိုယ်တိုင်ပဲလို့ ခံစားရအောင်လို့ပါဆိုပြီး သူက ရိုက်တာရုပ်သံကို ပြောပါတယ်။ သူဟာ ဒီပိုစတာကိုချိတ်ဆွဲဖို့ ရွှေ့ပြောင်းနေထိုင်သူတွေကို ကြိုဆိုကူညီရေးရုံး (BAAM) နဲ့အတူ အလုပ်လုပ်ခဲ့ပါတယ်။ ဒီအဖွဲ့ဟာ ရွှေ့ပြောင်းနေထိုင်သူတွေ ဥရောပတိုက်ကို ပိုလွတ်လပ်တဲ့လမ်းနဲ့ လာဖို့ ခွင့်ပြုရေး ဥရောပအစိုးရတွေကို ဆွယ်နေတဲ့အဖွဲ့ ဖြစ်ပါတယ်။ လှေစီးဒုက္ခသည်တွေကို ကြားဖြတ်ဟန့်တားပြီး ပြန်ပို့ဖို့ရည်ရွယ်တဲ့ ဥရောပသမဂ္ဂနဲ့ တူရကီကြား သဘောတူညီချက် အပါအဝင် စနစ်တွေကိုလည်း ဆန့်ကျင်ပါတယ်။ ပါရီမြို့တော်ဝန်ကတော့ မြို့တော် မြောက်ပိုင်းမှာ ဒုက္ခသည်တွေအတွက် ကြိုဆိုရေးဌာနကို ဖွင့်ပေးခဲ့ပြီး ဒုတိယမြောက် နေရာကိုတော့ လာမယ့်သီတင်းပတ်မှာ ဖွင့်ပေးတော့မှာပါ။ ဒါပေမယ့် BAAM အဖွဲ့ ဥက္ကဋ္ဌကတော့ မြို့တော်ဝန်ဟာ သူတော်ကောင်းအယောင်ဆောင်နေတယ်လို့ စွပ်စွဲပါတယ်။ မြို့ကို ဘေးမဲ့မြို့အဖြစ် ကြော်ငြာပြီး ငရဲတခုကို ဖန်တီးတယ်၊ တကယ်က ပါရီမှာ ကလေးတွေနဲ့ အမျိုးသမီးတွေ လူသွားစင်္ကြန်ပေါ်မှာ အိပ်နေရဆဲပဲလို့ သူက ပြောပါတယ်။ နိုင်ငံတကာ ရွှေ့ပြောင်းနေထိုင်သူများအဖွဲ့ (IOM) က ထုတ်ပြန်တဲ့ ကိန်းဂဏန်းအရ မနှစ်က ဒုက္ခသည်နဲ့ ရွှေ့ပြောင်းနေထိုင်သူ ၇၄၉၅ ဦး သေဆုံးတယ်လို့ မှတ်တမ်းတင်ထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up