မင်္ဂလာပွဲသွားသည့်စက်လှေ တိမ်းမှောက်၊ ကလေးငယ် ၁ ဦး ရေနစ်ပျောက်ဆုံးနေ
DVB
·
December 26, 2016
မြိတ်မြို့နယ်၊ ပြင်းငယ်ကျေးရွာအုပ်စု၊ ပြင်းငယ်ကျေးရွာမှာ မနေ့ မွန်းလွှဲ ၁ နာရီခွဲလောက်က ခရီးသည် ၄၀ ဦးခန့် တင်ဆောင်လာတဲ့ စက်လှေဟာ တဘက်ရွာရှိ မင်္ဂလာပွဲအပြန်မှာ တိမ်းမှောက်ပြီး အသက် ၁၀ နှစ်ကျော် ကလေးငယ် ၂ ဦး ရေနစ်ပျောက်ဆုံးနေရာ ဒီနေ့ပိုင်း ကလေးငယ် ၁ ဦးကို ပြန်ရှာတွေ့ပြီး ၁ ဦးကို ဆက်လက်ရှာဖွေနေကြောင်း ဒေသခံရွာသားတွေက ပြောပါတယ်။
“တနင်္သာရီတိုင်းဒေသကြီး မြိတ်မြို့နယ်၊ ပြင်းငယ်ကျေးရွာအုပ်စု၊ ပြင်းငယ်ကျေးရွာမှ မြိတ်မြို့ပေါ်ရှိ မင်္ဂလာပွဲသို့ လာရောက်တဲ့ အဲဒီစက်လှေဟာ ဒီဇင်ဘာလ ၂၅ ရက်နေ့ မွန်းလွဲ ၁ နာရီခွဲလောက်က ရွာအပြန် ပြင်းငယ်ကျေးရွာနှင့် ပိန္နဲတောင်ကျေးရွာအနီးရှိ ဗဟတ်ချောင်းကို ဖြတ်ကူးစဉ် အရှိန်မထိန်းနိုင်ဘဲ တိမ်းမှောက်ခဲ့တာ”လို့ ပြင်းငယ်ကျေးရွာအုပ်ချုပ်ရေးမှူး ဦးဝင်းချိုက ပြောပါတယ်။
မင်္ဂလာပွဲ သွားတဲ့စက်လှေမှာ အမျိုးသား ၂ ဦးနဲ့ အမျိုးသမီး ၃၈ ဦး စုစုပေါင်း လူ ၄၀ ဦး ပါဝင်ကြောင်း၊ စက်လှေ တိမ်းမှောက်မှုဖြစ်ပွားစဉ် ဦးစိုးထိုက်ရဲ့သမီး ၂ ဦးဖြစ်တဲ့ အသက် ၁၂ နှစ်အရွယ်ရှိ မကံပွင့် နဲ့ အသက် ၁၀ နှစ်အရွယ်ရှိ မကဖွေးတို့ဟာ အခင်းဖြစ်ပွားရာနေရာမှ ရေနစ် ပျောက်ဆုံးသွားခဲ့ပြီး ညီအစ်မနှစ်ဦးမှ အငယ်တဦးဖြစ်သူ မကနွေးရဲ့အလောင်းကို ဒီနေ့ ပြန်လည်တွေ့ရှိရပါတယ်။
“စက်လှေနစ်မြုပ် ရေထဲမျောပါးသွားတဲ့ ကလေးငယ် ၂ ဦးကို အခုထိ ကျနော်တို့ ရှာဖွေနေတုန်းပါ၊ ရွာမှာရှိတဲ့ စက်လှေ ၁၀ စီးနဲ့ ရှာဖွေနေပါတယ်၊ ပြန်မတွေ့သေးပါဘူး”လို့ ဦးဝင်းချိုက ပြောဆိုပါတယ်။
စက်လှေရေယာဉ် မဆင်မခြင်မောင်းနှင်သူ ဦးညိုဟိန်းအား မြိတ်မြို့မရဲစခန်းရုံးမှ (ပ) ၂၄၄၈/၂၀၁၆၊ ရာဇသတ်ကြီးပုဒ်မ ၂၈၀ အရအမှုဖွင့် ဆောင်ရွက်နေတယ်လို့ မြိတ်မြို့မရဲစခန်းရုံမှ သိရပါတယ်။
သတင်း - ဇော်ဇော်(မြိတ်)၊ ဓာတ်ပုံ - ဦးဝင်းချို
