မန္တလေးတိုင်းဒေသကြီး ဝမ်းတွင်းမြို့နယ် နယ်ထီးလှိုင်အနောက်ရွာမှာ ဒီဇင်ဘာ ၂၄ ရက် မနက် ၁၀ နာရီလောက်က ကိုချိုလေးရဲ့ နေအိမ် မီးဖိုမီးကြွင်းမီးကျန်မှ နေအိမ်ထရံကို မီးကူးစက်လောင်ကျွမ်းပြီး အနီးအနားရှိ လူနေအိမ် ၂ လုံးနဲ့ မီးဖိုတဲတလုံးကို ထပ်မံလောင်ကျွမ်းမှု ဖြစ်ခဲ့ပါတယ်။ “စပါးရိတ်ချိန်ဆိုတော့ လူတွေကတောထဲမှာ ကိုချိုလေးအိမ်ကနေ ကိုချိုတူးအိမ်၊ ကိုမြင့်နီအိမ်နဲ့ ဦးဖိုးကျန်မီးဖိုတဲကို မီးကူးစက်လောင်တာ။ မိဘနဲ့ညီအစ်ကိုတတွေ အိမ်ဝိုင်းတခုတည်း စုနေကြတာ။ အိမ်တွေက ကပ်နေတော့ မီးကူးလွယ်သွားတာပေါ့” လို့ အမှုစစ်အရာရှိ ဒုရဲအုပ်ကြည်မင်းနိုင်က ပြောပါတယ်။ မီးလောင်ကျွမ်းတဲ့နေအိမ်တွေဟာ ၀ါခင်းထရံကာတွေ ဖြစ်တာကြောင့် ကျပ် ၁ သိန်း ၈ သောင်းဖိုးလောက် ဆုံးရှုံးတယ်လို့ ဝမ်းတွင်းမြို့နယ် မိးသတ်ဦးစီးမှူး ဦးကျော်မျိုးက ပြောပါတယ်။ “ထင်းမီးဖိုနဲ့ ထရံက သိပ်နီးတယ်။ မီးငြိမ်းပြီလို့ ထားခဲ့တဲ့ မီးဖိုက မီးကနေ ထရံကို ကူးလောင်တာ။ မီးသတ်ယာဉ်လေးစီးနဲ့ မီးသတ်တပ်ဖွဲ့ဝင် သန္ဓေအရန် ၃၀ လောက် ရွာသူရွာသား ၇၀ လောက်၊ မိနစ် ၃၀ လောက်ငြိမ်းလိုက်ရတယ်။ မီးဘေးသင့်အိမ်ထောင်စု ၃ စု၊ လူ ၁၂ ယောက်တို့က သူတို့ရဲ့ မိဘ ဦးဖိုကျန်အိမ်မှာနေကြတယ်လို့ ရွာခံ ကိုဇော်မိုးက ပြောပါတယ်။ မီးနှင့်မီးလောင်လွယ်သောအရာများကို ပေါ့ဆသော ပြစ်မှု ရာဇသတ်ကြီး ပုဒ်မ ၂၈၅ နဲ့ အိမ်ရှင် ကိုချိုလေးကို ၀မ်းတွင်းမြို့မရဲစခန်းက အမှုဖွင့်စစ်ဆေးနေပါတယ်။ သတင်းမောင်မောင်လင်း(ဝမ်းတွင်း)