လက်ပံတောင်းတောင် ဒေါ်ခင်ဝင်း ကျဆုံးခြင်း ၂ နှစ်ပြည့် အောက်မေ့ဖွယ် အခမ်းအနားကျင်းပ
အောင်ကိုကိုလတ် (နေပြည်တော်)
·
December 22, 2016
လက်ပံတောင်းတောင်ဒေသခံ မိုးကြိုးပြင်အလယ်ရွာမှ တောင်သူမကြီး ဒေါ်ခင်ဝင်းကျဆုံးခြင်း ၂ နှစ်ပြည့် အောက်မေ့ဖွယ်အခမ်းအနားကို စစ်ကိုင်းတိုင်းဒေသကြီး ဆားလင်းကြီးမြို့နယ်၊ မိုးကြိုးပြင်အလယ်ရွာရှိ ဒေါ်ခင်ဝင်းရဲ့နေအိမ်မှာ ကျင်းပခဲ့ပါတယ်။
ဒေါ်ခင်ဝင်းကျဆုံးခြင်း အောက်မေ့ဖွယ်မှာ သံဃာတော်တွေကို ဆွမ်းကပ်အမျှဝေခြင်း၊ အောက်မေ့ဖွယ် အမှတ်တရစကားပြောကြားခြင်း၊ အဖွဲ့အစည်းအသီးသီးရဲ့ကြေညာချက်တွေကို ရွတ်ဖတ်ခြင်း၊ ကဗျာရွတ်ခြင်းတွေကို ပြုလုပ်ခဲ့သလို ဒေါ်ခင်ဝင်း အသတ်ခံရမှုနဲ့ပတ်သက်ပြီး တရားခံအမြန်ဆုံး ဖော်ထုတ်ပေးရေးကိုလည်း တောင်းဆိုခဲ့ကြပါတယ်။
အခမ်းအနားကို မိုးကြိုးပြင်အလယ်ရွာက ဒေသခံများ၊ လက်ပံတောင်းဒေသခံများ၊ လွှတ်တော်ကိုယ်စားလှယ်များ၊ နိုင်ငံရေးအကျဉ်းသားဟောင်းများ၊ နိုင်ငံရေးတက်ကြွလှုပ်ရှားသူများ တက်ရောက်ခဲ့ကြပါတယ်။
