ရန်ကုန်တိုင်းဒေသကြီး တိုက်ကြီးမြို့နယ်အတွင်း ကျက်စားနေတဲ့ တောဆင်ရိုင်းကောင်ရေကို သိရှိနိုင်ဖို့ တောဆင်ရိုင်းရဲ့ မစင်တွေကို ကောက်ယူကာ မြိုင်ဟေဝန် ဆင်စခန်းမှာ ဓာတ်ခွဲစမ်းသပ် သုတေသနလုပ်ဆောင်နေကြောင်း သယံဇာတနှင့် သဘာဝပတ်ဝန်ကျင်းထိန်းသိမ်းရေးအဖွဲ့ (Smithsonoian) မှ ဦးမောင်မောင်ကြီးက ဒီဗွီဘီကိုပြောပါတယ်။ အဆိုပါ မြို့နယ်မှာ တောဆင်ရိုင်းတွေ သေဆုံးတာတွေ ရှိနေလို့ ကျန်နေတဲ့ တောဆင်ရိုင်း ကောင်ရေနှင့် အထီးအမ အရေအတွက်ကို သိရှိနိုင်ဖို့ တောဆင်ရိုင်းရဲ့ မစင်တွေကို ကောက်ယူပြီး ဒီဇင်ဘာလ ၁၄ ရက်နေ့မှစတင်ကာ ဂျာမဏီနိုင်ငံမှ ပညာရှင်တဦးနဲ့ သုတေသန စမ်းသပ်မှုတွေ ဆောင်ရွက်နေကြောင်း၊ တိုက်ကြီးမြို့နယ် ပဲခူးရိုးမတောစပ်ရှိ ကျေးရွာလေးရွာမျာ တောဆင်ရိုင်း အန္တရာယ်ကာကွယ်နိုင်ရေးအတွက် နိုဝင်ဘာလဆန်းက လျှပ်စစ်ခြံစည်းရိုးတွေ ခတ်ပြီး ဆောင်ရွက်နေတယ်လို့ဆိုပါတယ်။ “တောဆင်ရိုင်းမစင် ၂၀၀ ကျော်ကို စုဆောင်းကာ စမ်းသပ်နေပြီး တောဆင်ရိုင်း ပျောက်ဆုံးမှုသေဆုံးမှုများကို သိရှိနိုင်ရန်အတွက်နှင့် အကောင်အကြီး အသေး အထီး၊အမနှင့် လူတွေကိုအန္တရာယ်ပြုသောဆင်နှင့် မပြုသောဆင်ဟု ခွဲခြားသိနိုင်ပါတယ်။ ဒါကြောင့်စစ်ဆေးနေခြင်း ဖြစ်တယ်” လို့ ဓာတ်ခွဲစမ်းသပ်သူ Ms. Chrishe Sumpson ကပြောပါတယ်။ ဒါ့အပြင် အရင်ကဆင်စွယ်ရလိုမူအတွက် အထီးများကိုသာ ခိုးသတ်နေကြပြီး လက်ရှိမှာ နှာမောင်း၊ အစွယ်ခွာနဲ့ အရေခွံတွေ ရရှိဖို့အတွက် အမတွေကိုပါ သတ်နေတဲ့အတွက် ဆင်မျိုးပြုန်းတီးနိုင်လို့ လွန်စွာစိတ်မကောင်းဖြစ်မိကြောင်း ပြောပါတယ်။ တိုက်ကြီး မြို့နယ်မှာ ၂၀၁၅- ၂၀၁၆ ခုနှစ် ဒီဇင်ဘာလ ၁၄ ရက်နေ့အထိ ရေဒီယိုကော်လာ တပ်ဆင်ထားသော တောဆင်ရိုင်း အပါအဝင် တောဆင်ရိုင်း ၁၀ ကောင် အသတ်ခံရကြောင်းနဲ့ ဆင်ခိုးသတ်တဲ့ အဖွဲ့တွေကိုလည်း ဖမ်းဆီးအရေးယူထားကြောင်း ဥက္ကံ နယ်မြေ ရဲစခန်းကပြောပါတယ်။ တောရိုင်းတိရစ္ဆာန်တွေနဲ့ သဘာဝအပင်များ ကာကွယ်ရေးနှင့် သဘာဝနယ်မြေများထိမ်သိမ်းရေး ဥပဒေ (၁၉၉၄) အရ ဆင်တွေကို လုံးဝကာကွယ်ထားတဲ့ တောရိုင်းတိရစ္ဆာန်များစာရင်းမှာ ထည့်သွင်း ဖော်ပြထားပါတယ်။ ဝန်ကြီးဌာနအနေနဲ့ တောဆင်ရိုင်းများ ဘေးမဲ့တောအဖြစ် စုစုပေါင်း ဧရိယာ၉၂၀၅ ဒသမ ၀၄ စတုရန်းမိုင် ထားရှိကြောင်း၊ ဆင်တွေနဲ့ပတ်သက်ပြီး သြစတြေးလျနိုင်ငံ အခြေစိုက် INGO အဖွဲ့မှ မြန်မာသစ်လုပ်ငန်းတွေရှိ ဆင်အို၊ ဆင်နာတွေ၊ ဆင်ငယ်တွေ ပြုစုစောက်ရှောက်ဖို့အတွက် နှစ်ရှည် စီမံကိန်တွေပြုလုပ်ဖို့ MOU ထိုးရေးတို့အတွက် ဆောင်ရွက်ထားပါတယ်။ သတင်း-မေသွယ်