စွန့်ကြဲအထည်ဟောင်းတွင်ပါလာသည့် ဘတ် ၁ သိန်းကို တောင်ပေါ်သားကလေး၂ ဦး ပြန်ပေး

ထိုင်း-မြန်မာနယ်စပ် တာ့ခ်ခရိုင် မယ်လမတ်မြို့နယ်ထဲမှာ စေတနာရှင်တွေ လာရောက်စွန့်ကြဲသွားတဲ့ ဘောင်းဘီဟောင်းတထည်ထဲမှာ ထိုင်းဘတ်ငွေ ၁ သိန်း ရောပါလာတဲ့အတွက် ငွေတွေ့ရှိသူ တောင်ပေါ်သားကလေးငယ် ၂ ဦးက တာဝန်ရှိသူတွေကို ပြန်လည်အပ်နှံခဲ့တယ်လို့ 77jowo ထိုင်းသတင်းမှာ ဖော်ပြပါတယ်။ မယ်လမတ်မြို့နယ် ဆမ်မိုကျေးရွာအုပ်စုထဲက ခွန်ဟွေ့မဲ့ထော့ မူလတန်းကျောင်းမှာ ပြီးခဲ့တဲ့ ကျောင်းပိတ်ရက်အတွင်း အလှူရှင်တစု ရောက်လာပြီး ကလေးတွေကို စားစရာ၊ အသုံးအဆောင်နဲ့ အဝတ်အထည်ဟောင်းတွေ ပေးအပ်ခဲ့ပါတယ်။ အဲဒီပစ္စည်းတွေကို ဆရာ ဆရာမတွေက  ဒီဇင်ဘာ ၁၅ ရက်မနက်မှာ ကလေးတွေကို တဆင့်ပြန်လည်ဝေငှရာ ပထမတန်းက အသက် ၉ နှစ်အရွယ် ခမ်းနွန်း ကိန်ဝိကျစ်နဲ့ နဝဖန်း ဆုခ်ဆေရီဖိုဖွန်းဆိုတဲ့ တောင်ပေါ်သား ကလေးငယ် ၂ ဦးက သူတို့ရထားတဲ့ ဂျင်းဘောင်းဘီဟောင်းတထည်ရဲ့ အိပ်ကပ်တွင်း တထောင်တန်အထပ်လိုက် တွေ့ရှိလို့ ဆရာမကို ပြန်လည်အပ်နှံခဲ့တာလို့ တာ့ခ်ခရိုင် အမှတ် ၂ အခြေခံပညာရေးရုံး ပြန်ကြားရေးတာဝန်ခံ နိုင်းဆဒါယု ဝတ်ဖမိုင်က သတင်းထောက်တွေကို ပြောပါတယ်။ အဆိုပါငွေတွေကို ရေတွက်ကြည့်ရာမှာ စုစုပေါင်း ဘတ်ငွေ ၁ သိန်းတိတိရှိတဲ့အတွက် မူလပိုင်ရှင်ကို ပြန်လည်အပ်နှံဖို့ အဝတ်အထည်တွေ လာလှူသွားတဲ့ အလှူရှင်တွေ ပြန်ပြီး ဆက်သွယ်နေပါတယ်။ တာ့ခ်ခရိုင် မယ်လမတ်မြို့နယ်ထဲမှာ ကရင်လူမျိုး တောင်ပေါ်သားတွေ အများဆုံး နေထိုင်ကြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up