သီပေါမင်းနတ်ရွာစံ နှစ် ၁၀၀ ပြည့်ပွဲတက်ရန် ဒု-သမ္မတနှင့် ကာချုပ်တို့ အိန္ဒိယသွား
DVB
·
December 15, 2016
မြန်မာနိုင်ငံရဲ့ နောက်ဆုံးမင်းဆက် သီပေါမင်းရဲ့ နတ်ရွာစံသက် နှစ် ၁၀၀ ပြည့်အလှူပွဲ တက်ရောက်ဖို့ နိုင်ငံတော် ဒုတိယသမ္မတနဲ့ ကာကွယ်ရေးဦးစီးချုပ်တို့ ပါဝင်တဲ့ မြန်မာကိုယ်စားလှယ်အဖွဲ့ဟာ ဒီကနေ့မနက်က အိန္ဒိယနိုင်ငံကို ထွက်ခွာသွားပါတယ်။
ဒီအဖွဲ့ကို နိုင်ငံတော်သံဃမဟာနာယကအဖွဲ့ဥက္ကဋ္ဌ ဆရာတော် အဘိဓဇမဟာရဋ္ဌဂုရု၊ အဘိဓဇ အဂ္ဂမဟာ သဒ္ဓမ္မဇောတိက ဒေါက်တာ ဘဒ္ဒန္တကုမာရာဘိဝံသက ဦးဆောင်ကာ သွားရောက်ခဲ့တာပါ။
မြန်မာကိုယ်စားလှယ်အဖွဲ့ဝင်တွေအဖြစ် ဒု-သမ္မတ ဦးမြင့်ဆွေ၊ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ သီပေါမင်းရဲ့မြစ်တော် ဦးစိုးဝင်းနဲ့ ဆွေတော်မျိုးတော်တွေလည်း လိုက်ပါသွားခဲ့ကြတယ်လို့ ကာကွယ်ရေးဦးစီးချုပ်ရဲ့လူမှုကွန်ရက် စာမျက်နှာပေါ်မှာ ဖော်ပြထားပါတယ်။
