၂၀၁၁ ဆီးဂိမ်းပြိုင်ပွဲဝင် မြန်မာ ယူ-၂၃ ဘောလုံးအသင်းဟာ စတုတ္ထမြောက် ပွဲစဉ်အဖြစ် မနေ့ ညနေပိုင်းက ဖိလစ်ပိုင်အသင်းနဲ့ အင်ဒိုနီးရှားနိုင်ငံမှာ ယှဉ်ပြိုင်ကစားခဲ့ရာ ၅-၀ ဂိုးနဲ့ အနိုင်ရရှိခဲ့ပါတယ်။ ဒီပွဲမှာ အနိုင်ရရှိခဲ့တဲ့​ ​မြန်မာအသင်းအနေနဲ့ ၎ ပွဲ​ ကစားပြီးချိန်မှာ ၃ ပွဲနိုင်၊ ၁ ပွဲ သရေ၊ ၁၀ မှတ်ရရှိကာ ပွဲစဉ်မကုန်ခင် ဆီမီးဖိုင်နယ် တက်ရောက်ခွင့် ရသွား​​ပြီ​ ​ဖြစ်ပါတယ်။ ဒုတိယပွဲစဉ်မှာ လာအိုအသင်းက တီမောအသင်းကို ၃-၀ ဂိုးနဲ့​အနိုင်ကစားသွားလို့​ ​မြန်မာအသင်းအတွက် အခြေအနေ​ ​ကောင်းသွားတာပါ။ တီမောအသင်းဟာ ၆ မှတ်​ပဲ​ ရရှိသေးလို့​​ ​နောက်ဆုံးပွဲစဉ်မှာ မြန်မာအသင်းကို အနိုင်ရရင်လည်း ရမှတ်အနေအထားရ ဆီမီးဖိုင်နယ်​ တက်ဖို့ မဖြစ်နိုင်တော့ပါဘူး။ မြန်မာအသင်းမှာ ဂိုးသမား​ သီဟစည်သူ ဆက်လက်ပွဲထွက်ခဲ့ပြီး​ ခံစစ်ပိုင်းမှာတော့ ဥာဏလွင်၊ ဇော်မင်းထွန်း၊ မိုးဝင်း၊ ရန်အောင်ဝင်းတို့ ကစာခဲ့ကြတယ်။ မြန်မာအသင်းနည်းပြ ဟန်ဆန်က ကွင်းလယ်မှာ​ ​ကျော်ဇေယျာဝင်းနဲ့​ ​အေးဆန်းအတွဲကို ပွဲထုတ်ခဲ့ပြီး​ ​တောင်ပံကစားသမားတွေအဖြစ်​ ​ပြည်ဖြိုးဦးနဲ့​ ​အောင်မြင့်အေးတို့​​ ​ကစားခဲ့ကြပါတယ်။ မြန်မာအသင်းရဲ့ တိုက်စစ်ပိုင်းမှာတော့ အရင်ပွဲစဉ်တွေက​ အတိုင်း မင်းမင်းသူနဲ့​ ​ကျော်ကိုကိုတို့​​ ပွဲထွက်ခဲ့ကြပါတယ်။ ဖိလစ်ပိုင်အသင်းမှာလည်း မူလာ၊ ဒီဂျောင်၊ မန်နီအော့ စတဲ့ အဓိက ကစားသမားတွေ လူစုံပါဝင်ခဲ့ကြပေမယ့် ဖိလစ်ပိုင်အသင်းဟာ ဒီနေ့ ပွဲမှာပုံမှန်ခြေစွမ်းမျိုး မရခဲ့ဘဲ ​နောက်တန်းကလည်း အမှားများခဲ့လို့ မြန်မာအသင်းကို​ ဂိုးပြတ်ရှုံးနိမ့်သွားတာပါ။ မြန်မာအသင်းအနေနဲ့ ပထမပိုင်းပွဲအစမှာ ဖိလစ်ပိုင်အသင်းဘက်ကို ဖိကစားခဲ့ပြီး ပွဲချိန် ၁၁ မိနစ်မှာ အဖွင့်ဂိုးအဖြစ် ကျော်ဇေယျာဝင်း ကန်တင်တဲ့ ထောင့်ကန်ဘောကို ဖိလစ်ပိုင်​ဂိုးသမား မူလာ ကာကွယ်ရာမှာ မမိဘဲ လက်က လွတ်ကျခဲ့တာကြောင့်​ ​အေးဆန်းက အနီးကပ် သွင်းယူသွားတာပါ။ ဂိုးပေးလိုက်ရတဲ့နောက်ပိုင်း ဖိလစ်ပိုင်အသင်းက ကစားကွက် အချိတ်အဆက်​ ​ပြန်မိလာပြီး မြန်မာအသင်းဘက်ကို ပြန်လည် ဖိအားပေးနိုင်ခဲ့ပါတယ်။ ဂိုးကန်သွင်းခွင့်အချို့ ဖိလစ်ပိုင်အသင်း ရရှိခဲ့ပေမယ့် ရှေ့တန်းကစားသမားတွေ အဆုံးသတ်ပိုင်း အားနည်းခဲ့လို့ ချေပဂိုး ပြန်မရခဲ့တာပါ။ မြန်မာအသင်းအနေနဲ့ ပွဲချိန် ၃၈ မိနစ်မှာ နောက်တန်း ဘယ်အစွန်လူ ဥာဏလွင်အစား ရွှေလှိုင်ဝင်းကို ထည့်သွင်းပြီး ခံစစ်ပိုင်း အားဖြည့်ခဲ့ရပါတယ်။ ပွဲချိန် ၄၀ မိနစ်မှာတော့ တန်ပြန်တိုက်စစ်​ ကနေ မြန်မာအသင်းအတွက် ဒုတတိယဂိုးကို​ ​ကျော်ဇေယျာဝင်းက သွင်းယူနိုင်ခဲ့တယ်။ ပထမပိုင်းပြီးခါနီးမှာ​ ​မြန်မာအသင်း နောက်ခံလူ မိုးဝင်း ဒဏ်ရာရသွားလို့ ဆက်မကစားနိုင်တော့ဘဲ ဒုတိယပိုင်း ပြန်အစမှာ ဇော်ဇော်ဦး ၀င်ရောက် ကစားပါတယ်။ ဒုတိယပိုင်း ပြန်စပြီး ၂ မိနစ်အကြာမှာ ဖိလစ်ပိုင်အသင်း နောက်ခံလူ နှစ်ယောက်ကြားကနေ ကျော်ကိုကို ထိုးဖောက်ဆွဲယူသွားပြီး အပိုင်ကန်သွင်းနိုင်ခဲ့လို့ မြန်မာအသင်း တတိယဂိုး ရရှိခဲ့ပါတယ်။ ဖိလစ်ပိုင်အသင်းကတော့ တတိယဂိုး ပေးလိုက်ရပြီးနောက်ပိုင်းမှာ ကစားအား သိသိသာသာ ကျသွားပြီး မြန်မာအသင်းရဲ့ ထိန်းချုပ်မှုအောက်ကို ရောက်ရှိ သွားခဲ့ပါတယ်။ ပွဲချိန် ၅၄ မိနစ်မှာ ကျော်ကိုကိုကပဲ ဖိလစ်ပိုင်နောက်ခံလူ ၂ ယောက်ကို​ ​ကျော်ဖြတ်ကာ​ ​မြန်မာအသင်းအတွက်​ ​လေးဂိုးမြောက်ကို သွင်းယူခဲ့ပါတယ်။ ပွဲချိန် ၇၈ မိနစ်မှာ ကျော်ကိုကို ကို အနားပေးပြီး မင်းမင်းထွန်းနဲ့ လူစားလဲလှယ်ခဲ့ပါတယ်။ ပွဲချိန် ၇၈ မိနစ် အရောက်မှာ ဖိလစ်ပိုင်​ ​အသင်းခေါင်းဆောင် မန်နူရယ်အော့ ၂ ၀ါ၊ ၁ နီနဲ့ အထုတ်ခံရပါတယ်။ မြန်မာအသင်းအတွက် ပဉ္စမမြောက်ဂိုးကို​ မိနစ် ၉၀ မှာ မင်းမင်းသူရဲ့ ပေးပို့မှုကနေ ရန်အောင်ဝင်းက သွင်းယူခဲ့တာ ဖြစ်ပါတယ်။ မြန်မာအသင်းအနေနဲ့ အုပ်စုနောက်ဆုံးပွဲစဉ်အဖြစ် နိုဝင်ဘာလ ၁၅ ရက်နေ့မှာ တီမောအသင်းနဲ့ ဆက်လက်ယှဉ်ပြိုင်ရမှာ ဖြစ်ပါတယ်။