မောင်တောနှင့်ရသေ့တောင်တွင် အကြမ်းဖက်သူနှင့် မသင်္ကာသူ ၈ ဦး ထပ်ဖမ်းမိ
DVB
·
November 11, 2016
ရခိုင်ပြည်နယ်၊ မောင်တောနဲ့ ရသေ့တောင်မြို့နယ်တွေအတွင်း အကြမ်းဖက်တိုက်ခိုက်မှုမှာ ပါဝင်သူတွေနဲ့ မသင်္ကသာသူတွေကို ဆက်လက်ဖမ်းဆီးမိတယ်လို့ မြ၀တီသတင်းမှာ ဖော်ပြပါတယ်။
မောင်တောမြို့နယ်အတွင်း အကြမ်းဖက်စီးနင်းတိုက်ခိုက်သူ ၃ ဦးနဲ့ မသင်္ကာဖွယ် ဘင်္ဂါလီ ၁ ဦး၊ ရသေ့တောင်နဲ့မောင်တောမြို့နယ်အတွင်း မသင်္ကာဖွယ် လူ ၄ ဦးတို့ကို နိုဝင်ဘာ ၁၀ ရက်မှာ ဖမ်းဆီးမိခဲ့တာ ဖြစ်ပါတယ်။
မောင်တောမြို့နယ်အတွင်း စစ်တပ်နဲ့ရဲတပ်ဖွဲ့တို့ဟာ နိုဝင်ဘာ ၁၀ ရက်က ဆူခါလီ(ဘင်္ဂါလီ)ကျေးရွာရှိ မူဟာမက်အီဆုတ်ရဲ့ နေအိမ်အား ၀င်ရောက်ရှင်းလင်း ရှာဖွေစစ်ဆေးရာ မူဟာမက်အီဆုတ် (ဘ)ဆွေယော့နူလာ၊ ရာမက်ဒူလာ(ဘ) မိုဟာမက်အီဆုတ်နှင့် နော်ဇီမူလာ(ဘ) မိုဟာမက်အီဆုတ်တို့ ၃ ဦးကို လက်နက်ခဲယမ်းတွေနဲ့ ဖမ်းမိခဲ့တာ ဖြစ်ပါတယ်။
အဲ့ ၃ ဦးကို ဒသမ ၃၀၃ ထိပ်ဖူးဖြုတ်ထားတဲ့ ကျည်ခွံ ၄၂ ခု၊ ဒသမ ၃၀၃ ကျည်ဖူး ၇ ခု၊ RZL လက်ကိုင် စကားပြော စက်တိုင်တို ၁ ချောင်း၊ သစ်သားမှိန်း ၁ ချောင်း၊ ၀ါးမှိန်း ၁ ချောင်း၊ သံမှိန်း ၂ ချောင်း၊ ဓားမကြီး ၄ ချောင်း၊ ဓားမြှောင် ၃ ချောင်း၊ အိပ်ဆောင်ဓားအသေး ၂ ချောင်း၊ အရိုးမပါ လှံသွား ၁ ချောင်းနှင့် ၄ မြှောင့် ဆူးချွန် ၂ ချောင်းတို့နှင့်အတူ ဖမ်းဆီးရမိခဲ့ပါတယ်။
အလားတူ အဲ့ဒီနေ့မနက် ၇ နာရီလောက်က သက္ကယ်ပြင်(အနောက်) ကျေးရွာဘက်က ထွက်လာတဲ့ မသင်္ကာဖွယ် ဘင်္ဂါလီ မာမက်ဟူစိန်(ဘ) ဒေါ်လာဘာရှီအား စစ်ဆေးရာ ဆန်ဖိုနီ(P-5) အမျိုးအစား ဟန်းဆက် ၁ လုံး၊ ဘင်္ဂလားဒေ့ရ်ှနိုင်ငံသုံး တရားမ၀င် ရူဘီဆင်းကတ် ၁ ခု၊ MPT ဆင်းကတ် ၁ ခုတို့နဲ့အတူ ဖမ်းဆီးရမိခဲ့ပါတယ်။
ဖမ်းဆီးရမိ ဘင်္ဂါလီ ၄ ဦး၊ လက်နက်တွေနဲ့ ဆက်စပ်ပစ္စည်းတွေကို အင်းဒင် ရဲစခန်းနဲ့ နယ်ခြားစောင့်တပ်ဖွဲ့ ကွပ်ကဲမှုဌာနချုပ် (ကျီးကန်းပြင်) သို့ တရားဥပဒေအရ အရေးယူဆောင်ရွက်နိုင်ရေး စနစ်တကျ လွှဲပြောင်းအပ်နှံခဲ့တယ်လို့ သတင်းမှာဖော်ပြပါတယ်။
အောက်တိုဘာ ၉ ရက်က စတင်ခဲ့တဲ့ မောင်တောအကြမ်းဖက်တိုက်ခိုက်မှုအတွင်း အကြမ်းဖက်တိုက်ခိုက်သူနဲ့ မသင်္ကာသူပေါင်း ရာနဲ့ချီဖမ်းဆီးစစ်ဆေးနေတာ ဖြစ်ပါတယ်။