တပ်မတော်စစ်ကြောင်းကို အကြမ်းဖက်တိုက်ခိုက်သူ ၈ ဦးကို ဖမ်းဆီး
DVB
·
October 28, 2016
ရခိုင်ပြည်နယ် မောင်တောမြို့နယ်အတွင်း တပ်မတော်စစ်ကြောင်းနဲ့ ဖြစ်ပွားခဲ့တဲ့ဖြစ်စဉ်မှာ ပါဝင်ခဲ့သူ ၈ ဦးကို မနေ့ မနက်ပိုင်းက ဖမ်းဆီးရမိခဲ့တယ်လို့ စစ်တပ်ပိုင်မီဒီယာက သတင်းထုတ်ပြန်ပါတယ်။
မောင်တောမြို့နယ်အတွင်း နယ်မြေလုံခြုံရေး ဆောင်ရွက်နေတဲ့ တပ်မတော်စစ်ကြောင်းဟာ အောက်တိုဘာ ၂၇ ရက်နေ့ မနက်ပိုင်းက ငါးစာကြူးကျေးရွာအတွင်း ၀င်ရောက်ရှင်းလင်းရာ ပြောင်ပိုက်ကျေးရွာအနီး တပ်မတော်စစ်ကြောင်းနဲ့ ဖြစ်ပွားခဲ့တဲ့ဖြစ်စဉ်မှာ ပါဝင်ခဲ့သူ ၈ ဦးကို ဖမ်းဆီးရမိခဲ့တာလို့ဆိုပါတယ်။
ဖမ်းဆီးခံထားရသူတွေဖြစ်တဲ့ အာကူဟာလောင်၊ ခါမားဟူဆေး၊ အာဘူအာလောင်၊ ဇာရွတ်အာလောင်၊ နူရူကာမိုင်၊ ဟာဘူအူးဆောင်း၊ ဂျူရာလောင်နှင့် အာဘူဘော်ရှောတို့ ၈ ဦး ကို အမှတ်(၁) နယ်ခြားစောင့် ကွပ်ကဲမှုဌာနချုပ် (ကျီးကန်းပြင်)သို့ စနစ်တကျ လွှဲပြောင်း အပ်နှံခဲ့ကြောင်း သိရပါတယ်။
ဒါ့အပြင် တပ်မတော်စစ်ကြောင်းနဲ့ နယ်ခြားစောင့်ရဲတပ်ဖွဲ့ဝင်တွေက အကြမ်းဖက် စီးနင်းတိုက်ခိုက်မှုမှာ ပါဝင်ခဲ့သူတွေကို လိုက်လံဖော်ထုတ် ရှင်းလင်းနေရာ ကျောင်းတောင် ကျေးရွာနေ အဒူလာနဲ့ ကြက်မောက်တောင် အနောက်ရွာနေ ဆွေတာမောက် တို့ ၂ ယောက် ကို ထပ်ဖမ်းဆီးရမိခဲ့ပြီး သက်ဆိုင်ရာ ရဲစခန်းများသို့ စနစ်တကျ လွှဲပြောင်းအပ်နှံခဲ့ကြောင်း သိရပါတယ်။
အလားတူနေ့လည်ပိုင်းမှာလည်း ချောင်းပေါက်ငယ်အတွင်းမှ နတ်မြစ်ဘက်ကို လှော်ခတ်လာတဲ့ လှေ ၂ စီးကို တွေ့ရှိပြီး မီးဖြင့်အချက်ပြခေါ်ယူရာ ပြန်လှည့်ထွက်ပြေးတာကြောင့် လိုက်လံ ဖမ်းဆီးခဲ့ရာ ဒီရေတောအတွင်း ပုန်းအောင်းနေတဲ့ မသင်္ကာဖွယ်ရာ ဘင်္ဂါလီလူမျိုး ၁ ဦးနဲ့ သူရဲ့ ဇနီး၊ သားသမီး ၃ ယောက်ကို စုစုပေါင်း ၅ ဦးကို ဖမ်းဆီးရမိခဲ့ပါတယ်။