မုန်တိုင်း ယနေ့ညနေ မြန်မာ့ကမ်းရိုးတန်းရောက်နိုင်ဟု မိုးဇလ သတင်းထုတ်

ဘင်္ဂလားပင်လယ်အော်က မုန်တိုင်းဟာ ပိုမို အားကောင်းလာပြီး ဒီနေ့ ညနေပိုင်း မြန်မာ့ကမ်းရိုးတန်းအနီး ရောက်ရှိနိုင်တယ်လို့ မိုးလေ၀သဌာနက ဒီမနက် သတင်းထုတ်ပြန်ထားပါတယ်။ မုန်တိုင်းဟာ လတ်တလော ရန်ကုန်တိုင်း၊ ကိုကိုးကျွန်းအနီး မိုင် ၈၀ ခန့်အကွာမှာ ရောက်ရှိနေပြီး မြန်မာ့ကမ်းရိုးတန်းဘက်သို့ ဦးတည်နေတဲ့အတွက်  လိမ္မော်ရောင်အဆင့် သတ်မှတ်ထားပါတယ်။ မုန်တိုင်းအရှိန်ကြောင့် ဒီနေ့ကနေ အောက်တိုဘာ ၂၅ ရက်အထိ နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်း ဒေသကြီး၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့မှာ နေရာစိပ်စိပ်မှ နေရာအနှံ့အပြား မိုးထစ်ချုန်း ရွာပြီး၊ နေရာကွက် မိုးကြီးနိုင်ပါတယ်။ မြန်မာ့ကမ်းရိုးတန်းတစ်လျှောက်နှင့် ကမ်းလွန် ပင်လယ်ပြင်တို့မှာ ရံဖန်ရံခါ မိုးသက်လေပြင်းများ ကျရောက်ပြီး၊ လှိုင်းကြီးမယ်၊ မိုးသက်လေပြင်းကျစဉ် ရေပြင်/ မြေပြင်လေဟာ တစ်နာရီလျှင် မိုင်(၄၀)အထိ တိုက်ခတ်နိုင်တယ်လို့ မိုးလေ၀သဌာနက မုန်တိုင်းသတိပေးချက် ထုတ်ပြန်ထားပါတယ်။

More News
Up