မူပိုင်ခွင့်ဥပဒေရှိမှ တိုင်းပြည်တိုးတက်မှာဖြစ်ပြီး အဲဒီဥပဒေကလည်း ခေတ်နဲ့ညီတဲ့ဥပဒေ ဖြစ်ရမယ်။ တီထွင်ချင်တဲ့ လူငယ်တွေ၊ နောက်လာမယ့် မျိုးဆက်သစ် (Generation) တွေအတွက် မူပိုင်ခွင့်က အရမ်းအရေးကြီးသွားပြီလို့ အဆိုတော် သားစိုးက ပြောပါတယ်။ လက်ရှိ ဂီတ၊ ရုပ်ရှင်၊ သဘင်လောကမှာ ရင်ဆိုင်နေရတဲ့ ခိုးကူးခွေကိစ္စ၊ မူပိုင်ခွင့်ကိစ္စတွေနဲ့ပတ်သက်ပြီး အဆိုတော် သားစိုးကို ဒီဗွီဘီက တွေ့ဆုံမေးမြန်းထားပါတယ်။ မေး - ခိုးကူးခွေနဲ့ပတ်သက်ပြီး အစ်ကို့အနေနဲ့ ဘယ်အဖွဲ့အစည်းကနေ ဘယ်လို တာဝန်ယူထားတယ်ဆိုတာ ပြောပြပေးပါဦး။ ဖြေ - ခိုးကူးခွေဆိုတော့ မြန်မာနိုင်ငံ ဂီတအစည်းအရုံးအနေနဲ့ မူပိုင်ခွင့်ချိုးဖောက်မှု ကာကွယ်တားဆီးရေးကော်မတီ ဆိုတဲ့အဖွဲ့ ရှိပါတယ်။ ကျနော်ကတော့ အတွင်းရေးမှူးအနေနဲ့ တာဝန်ယူပြီးတော့ ထမ်းဆောင်ပေးနေပါတယ်ဗျ။ မေး - ခိုးကူးခွေနဲ့ပတ်သက်ပြီး ရက် ၁၀၀ စီမံချက်အနေနဲ့ အစ်ကိုတို့ ဘာတွေ စလုပ်နေပြီလဲဆိုတာ သိချင်ပါတယ်ရှင့်။ ဖြေ - ဒီရက် ၁၀၀ စီမံချက်စတာတော့ ရုပ်ရှင်ဖိုရမ်ကနေ စလိုက်ပြီး ရုပ်ရှင်၊ ဂီတ၊ သဘင်ပေါ့နော်။ ခုလောလောဆယ် မူပိုင်ခွင့် ချိုးဖောက်ခံထိနေတဲ့ အဖွဲ့အစည်းက လွှတ်တော်ကို သွားပြီးတော့ တွေ့ဆုံဆွေးနွေးခဲ့တာပါ။ လွှတ်တော်ဘက်ကနေ အကူအညီပေးတဲ့အနေနဲ့ ဒါကို စပြီးလုပ်တာ ဖြစ်ပါတယ်။ ဖမ်းတဲ့အခါကျတော့ ရဲတွေက ဖမ်းရတယ်။ ဖမ်းတဲ့အခါကျတော့ သူတို့က ဥပဒေအတိုင်း လုပ်ရမှာ။ ဥပဒေအတိုင်း လုပ်တဲ့အခါကျရင် ကျနော်တို့ မြန်မာပြည်မှာ လောလောဆယ် ဥပဒေက ပုဒ်မ ၃၂(က) နဲ့ (ခ) ရှိတယ်ဗျ။ အဲဒါနဲ့ပဲ ခိုးကူးခွေ ဖမ်းတဲ့အခါကျ အဲဒီမှာ ဘာပါလဲဆိုတော့ တရားမဝင်ဆင်ဆာခွေဆိုပြီးတော့ ပါတယ်။ အဲဒီတော့ တရားမဝင်အခွေ ဖြစ်သွားတယ်။ နိုင်ငံခြားကားတွေအကုန်လုံးက ဆင်ဆာမပါဘူးဗျ။ မြန်မာအနေနဲ့ပေါ့ဗျာ ပြဿနာက ဘာဖြစ်နေလဲဆိုတော့ အဓိကက ဥပဒေပေါ့နော်။ ဥပဒေက ခေတ်နဲ့စနစ်နဲ့ မညီညွတ်တဲ့အခါကျတော့ မဆီမဆိုင် အကုန်လုံး အခုလိုမျိုး နိုင်ငံခြားအခွေတွေရော အားလုံးပါကုန်တာပေါ့နော်။ ကျနော်လည်း သာမန်လူတယောက်ပဲ။ ကျနော်လည်း ဒီလိုပဲ သက်သက်သာသာနဲ့ ကြည့်ချင်တာပဲ။ ဒါပေမယ့် ပြဿနာက ကျနော် အဲလိုပြောရင် ကျနော်က ဥပဒေနားမလည်တဲ့လူလို ဖြစ်သွားမယ်။ ဘာလို့လဲဆိုတော့ ကိုယ်က ဖမ်းနေတဲ့အခါကျတော့။ ဒီဟာတွေရော မူပိုင်မရှိဘူးလား။ နိုင်ငံတကာက ဝင်လာမယ်ဆိုရင်လည်း။ ဒါတွေက မူပိုင်ရှိနေတယ်။ ဒါတွေလည်း ခိုးကူးခွေတွေပဲ။ ကျနော်တို့က ဆင်းရဲတဲ့တိုင်းပြည် ဖြစ်နေတဲ့အတွက် WIPO (World Intellectual Property Organization) မှာ မပါသေးဘဲနဲ့ နောက်ထပ် ၂၀၁၈ ကနေ ဘယ်လောက်ထိ ထပ်ဆုတ်ဦးမလဲ မသိဘူး။ ကျနော် ကြားတာတော့ ၂၀၁၈ လို့ ကြားတယ်။ ကျနော်တို့ဆိုရင်လည်း ဆင်းရဲတဲ့တိုင်းပြည်က သာမန်အနုပညာရှင်တယောက်ပဲဆိုတော့ ကျနော်တို့အနေနဲ့ ဒုက္ခတော်တော်ရောက်ဦးမှာပဲ။ ဒါပေမယ့် အဲဒီလိုမျိုး ဥပဒေမရှိဘူးဆိုရင်လည်း ကျနော်တို့တိုင်းပြည် တိုးတက်ဖို့ကျတော့လည်း မလွယ်တော့ဘူး။ ရုပ်ရှင်၊ ဂီတ၊ သဘင် အကုန်လုံးက နိုင်ငံတကာက ဝင်လာချင်တယ်။ ဥပဒေမရှိဘူး။ နည်းဥပဒေလည်း မရှိဘူး။ ကိုယ့်ဘာသာကိုယ်တောင်မှ မြန်မာပြည်မှာ ခွေထုတ်ရင် ကျိန်းသေပေါက် ရှုံးမယ်ဖြစ်နေတာ။ ဘယ်သူ့မှ မလာတဲ့အခါကျတော့။ ခု ရဲက ရက် ၁၀၀ စီမံချက်ဆိုပြီး ဖမ်းလိမ့်မယ်။ ပြီးရင် ပြန်ရောင်းမှာပဲ။ ခုခေတ်မှာ ခေတ်ပြောင်းသွားတဲ့အခါကျတော့ ဒီဥပဒေက ပြောင်းသင့်ပါပြီ။ ဥပဒေပြောင်းဖို့အတွက်ကို လွှတ်တော်က ပြန်ပြီးတော့ ဒီကိစ္စကို တင်ပြပြီးတော့ ဒါ ဆွေးနွေးရမယ့်အပိုင်း ရောက်သွားပြီ။ ဒါမှပဲ အများပြည်သူကလည်း ဂီတအစည်းအရုံး၊ ရုပ်ရှင်အစည်းအရုံး၊ သဘင်အစည်းအရုံးကို အထင်လွဲပြီးတော့ နိုင်ငံခြားခွေဖမ်းတာ ဒီကောင်တွေကြောင့်ဆိုပြီး ပြောတာ ဖြစ်လာမှာစိုးတာပေါ့နော်။ မေး - ပြီးခဲ့တဲ့ အောက်တိုဘာလ ၅ ရက်နေ့ ပြည်သူ့လွှတ်တော်မှာ ပြည်ထောင်စုဝန်ကြီးကနေ ခိုးကူးခွေနဲ့ပတ်သက်ပြီးတော့ ဥပဒေက တိတိကျကျရှိဖို့ လိုအပ်တယ်လို့ ပြောတယ်။ အဲဒါဆို လက်ရှိဥပဒေက ထိရောက်မှု မရှိဘူးပေါ့။ ဖြေ - အဓိကပေါ့နော်။ ပထမဆုံးတချက်က ဥပဒေမှာ ဒဏ်ငွေ ၁ သိန်းဖြစ်စေ၊ သို့မဟုတ် ထောင်ဒဏ် ဘယ်နှစ်လဖြစ်စေ၊ ဖြစ်စေ ဆိုတဲ့ စကားလုံးနဲ့ပဲ ကျနော်တို့ ဂီတလောကကြီးက ဟိုးအောက်ထဲကို ပြုတ်ကျသွားတယ်။ ဘယ်သူ့မှ ထောင်ထဲကိုမဝင်ဘူး။ ဒဏ်ငွေ ၁ သိန်း ဆိုတာလည်း၊ ခုခေတ်မှာ ၁ သိန်းဆိုတာက ဘယ်လိုပြောရမလဲ ခေတ်နဲ့မညီတော့ဘူး ညီမရဲ့။ အခွေတခွေ ကုန်ကျစရိတ်က အနည်းဆုံးက သိန်း ၂၀၀ က ၅၀၀ ကုန်ကျစရိတ်ရှိတယ်။ မိတယ်ဆိုလည်း ဘယ်တော့မှ ခိုးကူးတွေက ဒဏ်ငွေ ၁ သိန်းဆောင်တာ တခါမှမရှိဘူး။ အစ်ကိုတို့မှာ စာရင်းအတိအကျရှိတယ်။ အားလုံးက ၃ သောင်း၊ ၄ သောင်းလောက်အထိကို ဖြစ်သွားတယ်။ အဲဒီတော့ ဘယ်လောက်အထိတောင် ဖြစ်လဲဆိုရင် မန္တလေးမှာ အစ်ကိုတို့ ဖမ်းထားတာတွေ ဒီရက် ၁၀၀ စီမံကိန်းမတိုင်ခင်တုန်းကဆိုရင်။ အစ်ကိုတို့ ဂီတအစည်းအရုံးနဲ့ တခြားအစည်းအရုံးတွေကို အဲဒီကနေပြီး သတင်းရတယ်။ ၁၂ ဆိုင် သတင်းရတယ်။ အဲဒီမှာ ၄ ဆိုင် ဖမ်းမိတယ်။ ၄ ဆိုင်ကို ပေါက်ဈေးဆိုရင် သိန်း ၄၀ စီ ကုန်သွားတယ်။ ဒါ ဘယ်သူက ၅ သိန်း၊ ဘယ်သူက ၁၀ သိန်း ဆိုတော့ တဆိုင်ကို သိန်း ၄၀ ပေါ့။ ပေါက်ဈေးတောင် မြင့်သွားသေးတယ်။ ဖမ်းတဲ့အတွက်ကြောင့်မို့လို့။ ဒါ လိုင်းကြေးဆိုတာ ရှိနေတာကိုး။ မေး - အစ်ကို့အနေနဲ့ ဥပဒေမှာ ထပ်ပြီးပြင်ဆင်ဖြည့်စွက်မယ်ဆိုရင် ဘယ်လို အချက်အလက်တွေ ထည့်ပြီးတော့ ပြင်ဆင်ဖို့ရှိလဲ။ ဖြေ - ဥပဒေကို ပြင်ဆင်ရမယ်ဆိုရင်တော့ အဓိကအားဖြင့်တော့ မူပိုင်ခွင့်ဥပဒေရှိမှသာ တိုင်းပြည်က တိုးတက်မှာပါ။ ဥပဒေကလည်း ခေတ်နဲ့ညီတဲ့ ကာလပေါက်ဈေးနဲ့ညီတဲ့ ဒဏ်ငွေ၊ ထောင်ဒဏ် စသည်ဖြင့်ပေါ့။ ဖြစ်မှကို ဖြစ်မှာ။ အခုဟာက ဟာသကြီးလို ဖြစ်နေတာ။ ခိုးတဲ့ကောင်က တခါတည်း ၁၀ နှစ်စာ ဆောင်ပြီး ခိုးလို့ရတဲ့ အမှုတွေပေါ့နော်။ ဒဏ်ငွေ ၃ သောင်းတို့ ဘာတို့။ အစ်ကိုတို့ ဟိုတလောက မန္တလေးမှာမိတဲ့ အမှုတွေဆိုရင် အခွေ ၈၀၀၀ လောက်မိတယ်။ ဒဏ်ငွေက ဘယ်လောက်လဲ။ ၂ သောင်း စသဖြင့်ပေါ့လေ။ အဲဒီလိုမျိုးတွေဆိုတော့။ ဒါပေမယ့် အပြင်မှာကျတော့ ပေါက်ဈေးက ဘာလဲ။ ဘယ်သူက ဘယ်လောက်ယူပါ။ အစ်ကိုတို့မှာ သတင်းအတိအကျရှိတယ်။ ဒီထဲက ပြောလို့သာမကောင်းလို့။ သတင်းက ဘယ်သူက ဘယ်လောက်၊ ၁၀ သိန်း၊ ဘယ်သူက ၁၀ သိန်း၊ ဘယ်သူက ၁၀ သိန်း။ အတိအကျရှိတယ် အစ်ကိုတို့ဆီမှာက။ အဲဒီတော့ ခုနကပြောသလို ခေတ်နဲ့ညီတဲ့ဥပဒေ ဖြစ်ရမယ်။ ဒဏ်ငွေလည်း ဖြစ်ရမယ်၊ ထောင်ဒဏ်လည်း ဖြစ်ရမယ်။ ဒါမှပဲ မူပိုင်ခွင့်ရှိမှပဲ တိုင်းပြည်က တိုးတက်မှာ။ မူပိုင်ခွင့်ရှိမှပဲ တီထွင်ချင်တဲ့ လူငယ်တွေ၊ နောက်လာမယ့် Generation တွေအတွက် မူပိုင်ခွင့်က အရမ်းအရေးကြီးသွားပြီ။ မေး - ပြီးတော့ အစ်ကို ရက် ၁၀၀ စီမံချက်က ဒီ အောက်တိုဘာ ၁ ရက်နေ့က စတယ်ဆိုတော့ လက်ရှိမှာလည်း ဥပဒေက ထိရောက်မှုမရှိဘူး။ အဲဒီလိုမျိုး မိတဲ့လူတွေကို အစ်ကိုတို့အနေနဲ့ ဘယ်လိုမျိုး အရေးယူသွားမလဲ။ ဖြေ - အဲဒီအတွက်ကြောင့် အစ်ကိုတို့က လက်ရှိ မပြင်ခင်စပ်ကြားမှာ ရှိတဲ့ဥပဒေအတိုင်းကိုပဲ အစ်ကိုတို့ကို တိတိကျကျ လုပ်ပေးပါ။ ဂီတရော၊ ရုပ်ရှင်ရော၊ သဘင်ရော ပျက်စီးနေပါပြီ။ အစ်ကိုတို့ ၂၀၁၂ တုန်းကလည်း လွှတ်တော်ကို သွားခဲ့ဖူးတယ်။ ဦးခိုင်မောင်ရည်တို့အုပ်စုနဲ့ အစ်ကိုတို့ တွေ့ခဲ့တယ်။ စကားတွေ ပြောခဲ့တယ်။ အခုက ပိုဆိုးသွားတယ်။ အရင်တုန်းကဆိုရင် ခိုးကူးခွေ ဝယ်သေးတယ်။ အခုက ခိုးပြီးတော့ Download လုပ်ရုံပဲ။ ဖုန်းကနေပြီး Link တွေ ရှယ်ကြပြီပဲ။ နိုင်ငံတကာမှာက Link ရှယ်လို့ကိုမရဘူး။ ဒီ Facebook မှာဆိုရင် ရှယ်ခွင့်ကို မရှိဘူး။ အခု Copyright ဘက် တခုတင်လိုက်တာနဲ့ ချက်ချင်း ဖြုတ်ချခိုင်းတယ် အစ်ကိုတို့ဆိုရင်။ တင်ကြည့်လိုက် မယုံဘူးဆိုရင်။ အဲဒီအခါကျတော့ အခု အဆိုတော်တွေပေါ့နော်။ အခု ဂီတသမားတွေရော၊ ရုပ်ရှင်သမားတွေရောပေါ့။ ဆက်သွယ်ရေးဝန်ကြီးနဲ့ တွေ့ပြီးတော့ ဆက်သွယ်ရေးနဲ့ပတ်သက်တဲ့ ဖိုင်ရှယ်တဲ့ဟာတွေ မလုပ်ဘူးဆိုရင် အစ်ကိုတို့ ၂၀၁၂ တုန်းကလိုမျိုးပဲ၊ ကြိုပြီးတော့ မြင်ခဲ့သလိုပဲ နောက်ထပ် ၃ နှစ်နဲ့ ၄ နှစ်ကြားမှာ ဒီလောကက ပိုပြီးတော့ကို ဇောက်ထိုးဖြစ်ဦးမယ်။ မေး - ပြီးတော့ အဆိုတော်တွေအနေနဲ့ပေါ့။ အခွေထွက်မယ်ဆိုရင် ချက်ချင်း Link တွေက တက်တယ်။ ဥပမာ- ကိုဝေလ ထွက်တယ်။ ကိုဝေလခေ ထွက်ပြီး နာရီပိုင်းပဲ ကြာတယ်။ Link က တက်နေပြီ။ အဲလိုမျိုးမဖြစ်အောင် အစ်ကိုတို့အနေနဲ့ ဘယ်လိုမျိုး တားဆီးကာကွယ်သွားမလဲ။ ဖြေ - အဓိကက အဲဒါက အဆိုတော်တွေဘက်ကလည်း လာပေါ့။ ဝေလဆိုရင် သူ အဲလိုဖြစ်တော့ ကျနော် ကိုဝေလကို ကိုယ်တိုင်ဖုန်းဆက်ပြီး ပြောပါတယ်။ ဝေလရေ.. ကျနော်တို့ ဒီလိုမျိုးကိစ္စကို ဆွေးနွေးဖို့အတွက် ဆက်သွယ်ရေးဘက်က တာဝန်ရှိသူကို ကျနော်တို့ ဆုံပေးပါ့မယ်။ သူတို့ ပြန်မဆက်သွယ်ဘူးဗျ။ အဆိုတော်တွေကလည်း ကိုယ်တိုင် လုပ်ရမှာပေါ့နော်။ သူတို့ဟာတွေ ကျနော်က အမြဲတမ်း လုပ်မပေးနိုင်ဘူး။ ကိုယ်က ကူညီပေးတယ်။ အဆိုတော်တွေကို ဖုန်းဆက်တယ်။ လာခဲ့ပါ၊ လာခဲ့ပါ။ ဒါပေမယ့် အဆိုတော်တွေကိုယ်တိုင်က မလုပ်ချင်ကြဘူးလား၊ သို့မဟုတ် နားမလည်တာလား၊ ဒါမှမဟုတ် သူတို့ ဘယ်လိုဖြစ်နေလဲတော့ မသိဘူးပေါ့နော်။ ကျနော်ကိုယ်တိုင် ဖုန်းဆက်ပါတယ်။ လာပေးပါ၊ ကိုယ့်ပြဿနာကိုယ် လာရှင်းကြပါ။ ပြောခွင့်ရှိနေတဲ့ခေတ် ဖြစ်သွားပါပြီ။ အရင်ခေတ်တွေတုန်းကလို မဟုတ်တော့ဘူး ဆိုတဲ့အခါကျတော့ အခွင့်အရေးကို တောင်းဆိုပါဆိုပြီးတော့။ သူတို့ မတောင်းဆိုချင်ဘူး ဆိုရင်တော့လည်း သူတို့ဘဝနဲ့သူတို့ နေခဲ့ရမှာပဲ။ မေး - ခေတ်အဆက်ဆက် ဒါတွေ လုပ်လာခဲ့တာဆိုတော့ ခုချိန်ထိ မအောင်မြင်သေးတာ ဘာကြောင့်လဲ။ ဖြေ - ခုနကပြောတဲ့ ဥပဒေကြောင့်ပေါ့။ ဥပဒေအပြင် ခုနကပြောတဲ့ ဒီဟာကိုပိုင်တဲ့ ပိုင်ရှင်ပေါ့နော်။ အစ်ကိုဆိုရင်လည်း အစ်ကို့အခွေ အစ်ကို ထုတ်နေပြီ။ ကိုယ့်အခွေ ကိုယ့်ပိုက်ဆံကိုမှ ကိုယ် မကာကွယ်ဘူးဆိုရင် ဘယ်သူမှ လာကာကွယ်ပေးမှာ မဟုတ်ဘူး။ ဂီတအစည်းအရုံးဆိုတာလည်း အမှန်အတိုင်းဆိုရင် အန်ဂျီအိုပဲ။ အစ်ကိုတို့ ပိုက်ဆံရလို့ ဂီတအစည်းအရုံးကို သွားလုပ်နေတာ မဟုတ်ဘူး။ ကိုယ့်ဂီတလောက တိုးတက်အောင်ဆိုတဲ့ စေတနာနဲ့။ ကိုယ့်အတွက် မဟုတ်ဘူး။ နောင်လာမယ့် Generation မှာ ဂီတသမားတွေ အဆင်ပြေပြေ ပြည့်ပြည့်စုံစုံ နေရပါစေ။ နောင်လာမယ့် ဂီတသမားတွေ ဘဝတွေ ကောင်းပါစေဆိုပြီး ဝိုင်းပြီးလုပ်ပေးနေတဲ့အခါမှာ အခုနက ပြောသလို အားလုံးက ဝိုင်းပြီးတော့ ပါမလာဘူးဆိုရင် ဒီကိစ္စက အရင်အတိုင်းပဲ အောင်မြင်မှာ မဟုတ်ဘူး။ အဓိကက ကိုယ့်ပိုက်ဆံကို ကိုယ် ကာကွယ်နိုင်မယ့်လူတွေ ဖြစ်ရမယ်။ ကိုယ့်အခွင့်အရေးကို ကိုယ်သိတဲ့လူတွေဖြစ်မှပဲ ခုနကပြောသလို လုံးလည်ချာလည်လိုက်နေတဲ့ မအောင်မြင်တဲ့ကိစ္စ အောင်မြင်မှာ။ အပြင် ပလပ်စ်(+) အစိုးရနဲ့ ဥပဒေနဲ့ အသက်ဝင်မှပဲ ဒီခိုးကူးဆိုတဲ့ဟာကြီး ရပ်မှာ။ အဲဒါမှ မရပ်ဘူးဆိုရင်တော့ အစ်ကိုတို့အနေနဲ့ တိုင်းပြည် တိုးတက်ဖို့အတွက်က ဘယ်လိုမှ မဖြစ်နိုင်ဘူး။ မေး - ပြီးတော့ အခွေတွေက ခု ရပ်ကွက်တွေမှာရော၊ တချို့နေရာတွေမှာရော စင်တာတွေရှေ့မှာရော ခိုးကူးခွေတွေ ရောင်းနေတာ ရှိတယ်လေ။ အဲဒါ အစ်ကိုတို့အနေနဲ့ ဘယ်လိုမျိုး ဖမ်းဆီးသွားမလဲ။ ဒီ ရက် ၁၀၀ အတွင်းမှာပေါ့နော်။ ဖြေ - အစ်ကိုကတော့ ဖမ်းဆီးတဲ့ကိစ္စ အမှန်အတိုင်းပြောရင် လုံးဝလည်း သိလည်း မသိဘူး။ အစ်ကိုတို့အနေနဲ့ သိခွင့်လည်းမရှိဘူးပေါ့နော်။ အခုဟာ ရက် ၁၀၀ ဆိုပြီးတော့ ပြည်သူ့ရဲက လုပ်ပေးတဲ့အခါကျတော့ ဘယ်လိုလုပ်မလဲဆိုတာ အစ်ကို မသိပါဘူး။ ဒါပေမယ့် ဖြစ်စေချင်တာကတော့ အစ်ကိုတို့က အနုပညာသမားတွေဆိုတော့ ဖမ်းလည်း မဖမ်းချင်ဘူး။ ကိုယ့်ကြောင့် လူတယောက် ထောင်ကျသွားမှာလည်း မကြိုက်ဘူး။ ကိုယ့်ဟာကိုယ်လည်း နဂိုကတည်းက အနုပညာပဲ ဖန်တီးချင်တာ။ ဒါပေမယ့် ကိုယ်တို့ အေးအေးဆေးဆေး ဖန်တီးလို့မရအောင်ကို မသမာတဲ့လူတွေက လုပ်စားနေတာ။ အရမ်းလွန်လွန်းလာပြီ။ သူတို့တွေကတော့ သုံးထပ်တိုက်ကြီး မန္တလေးမှာဆို ဟည်းနေတာပဲ။ သူဌေးတွေ ဖြစ်နေကြတာ အများကြီးပဲ။ ဒီခိုးကူးခွေက အဓိက အလယ်ပိုင်းမှာပေါ့။ မြန်မာပြည်အလယ်ပိုင်းမှာ ဖြန့်နေတာများတယ်။ အခု မန္တလေးမှာ ဖမ်းတယ်၊ ခိုးကူးတွေက မုံရွာ၊ မြင်းခြံ ပြောင်းသွားပြီ။ သူတို့တွေကျ အစဉ်အဆက်တွေ ကောင်းစားပြီး ချမ်းသာပြီး အစ်ကိုတို့ ဂီတသမားတွေအားလုံးက စုတ်ပြတ်သတ်ပြီးတော့ အဆိုတော်ဆိုတာတောင်မှ လက်တဆုပ်စာပဲရှိတာပါ အဆင်ပြေပြေ နေနိုင်တာ။ ကျန်တဲ့အဆိုတော်တွေက တော်တော်ဒုက္ခရောက်နေကြတာ။ မေး - ပြီးတော့ အခု မြန်မာနိုင်ငံက အဆိုတော်တွေအနေနဲ့ နိုင်ငံခြားသံစဉ်တွေကို ကော်ပီယူ ဆိုတာတွေ ရှိတယ်လေ။ အဲဒီလိုမျိုး ဆိုတဲ့အခါကျတော့ သူတို့အနေနဲ့ ဟိုက ခွင့်ပြုချက်တောင်းတာ ရှိလား။ ဘယ်လိုပုံစံရှိလဲ။ ဖြေ - ခွင့်ပြုချက် မတောင်းပါဘူး။ အဲဒီအတွက် အစ်ကို ကိုမြင့်မိုးအောင်တို့ကိုလည်း ပြောပါတယ်။ ခေတ်က ပြောင်းလာတဲ့အတွက်ကြောင့် ကိုမြင့်မိုးတို့ရေ၊ ကိုမြင့်မိုးတို့ ကော်ပီသံစဉ်တွေကို သံစဉ်သုံးထားတဲ့ဟာ ရှိမယ်။ သံစဉ်ကို ဝယ်လိုက်ပါ။ သူတို့က စာသားမသုံးဘူးတဲ့။ စာသားမသုံးတဲ့အခါကျတော့ ဟုတ်ပြီ၊ အဲဒါဆို သံစဉ်ဝယ်ပြီး သုံးတဲ့ဟာကို သွားလိုက်ပါ၊ သံစဉ်ကို ဝယ်ပေးလိုက်ပါ၊ ၀ယ်ပြလိုက်ပါ။ ကျနော်တို့က သွားပြီးတော့ ခိုးကူးကိစ္စပြောရင် မင်းတို့အဆိုတော်တွေလည်း ခိုးကူးဆိုနေတာပဲ။ မင်းတို့ကရော သူများကို ဘာ Respect ရှိလို့လဲ၊ စသဖြင့် ကျနော်တို့က အမြဲတမ်း အပြောခံထိတယ်။ အဲဒီတော့ ကျနော်က ကိုယ့်အဆိုတော်တွေဘက်လည်း ကိုယ်ပြောတယ်။ တချို့အဆိုတော်တွေက အခုဆို ပြောင်းလာကြပြီ။ ကိုယ်ပိုင်သံစဉ် လုပ်လာကြပြီ။ ပြီးတဲ့အခါကျတော့ တေးရေးဆရာတွေလည်း ပြောင်းလာကြပြီဆိုတော့။ များသောအားဖြင့်ကတော့ အစ်ကိုသိသလောက်ပေါ့နော် ခွင့်ပြုချက်မယူသလောက်နီးပါးပဲ။ ဒါပေမယ့်လည်း ယူသင့်ပါတယ်။ မေး - နောက်ပြီးတော့ အစ်ကို ဗွီဒီယိုလောက၊ ရုပ်ရှင်လောကမှာဆိုရင် မြန်မာကားဆို လူတွေက သိပ်မကြည့်ကြဘူးလေ။ နိုင်ငံခြားကားလောက်ပဲ ကြည့်ကြတယ်။ အဲဒါကျတော့ မြန်မာကားက ဘာကြောင့် မကြည့်ကြတာလဲ။ အရည်အသွေး ညံ့လို့လား။ အဲဒီလိုမျိုး မြန်မာကားတွေ အကြည့်များလာအောင် ဘယ်လိုမျိုး လုပ်သွားဖို့ရှိလဲ။ ဖြေ - မြန်မာကားကတော့ ရှင်းရှင်းလေးပဲလေ။ ကောင်းရင် လူတွေက ကြည့်မှာပဲ။ မကောင်းရင် လူတွေက မကြည့်ဘူး။ ဒါပဲ။ မကောင်းဘူးဆိုတာ မြန်မာကားကလည်း ဘာဖြစ်လို့လဲဆိုတော့ ပိုက်ဆံမသုံးနိုင်ဘူး။ ဘာလို့ ပိုက်ဆံမသုံးနိုင်လဲဆိုတော့ အခွေမှ မရောင်းရတာ။ မူရင်းခွေ မရောင်းရဘူး။ အကုန်လုံးက ခိုးကူးဝယ်ကြည့်ကြတယ်။ ခိုးကူးဝယ်ကြတယ်။ စသဖြင့် ဇာတ်လမ်းတွေက စုံနေတော့ ဂျာအေး သူ့အမေရိုက်။ အဲဒီတော့ အားလုံးကောင်းဖို့အတွက် အဓိကကတော့ ခုနကပြောတဲ့ ခိုင်ခိုင်မာမာရှိတဲ့ဥပဒေ ပေါ်ပေါက်လာပြီး အဲဒီဥပဒေ အသက်ဝင်ပြီးတော့ ဖမ်းတဲ့လူတွေရော၊ အဲဒီဥပဒေကို တရားစီရင်ချက်ချ၊ တရားသူကြီးကအစ သန့်သန့်ရှင်းရှင်း ခိုင်ခိုင်မာမာ လုပ်မှသာလျှင် ဒီ မြန်မာ့ဗွီဒီယိုဈေးကွက်ရော၊ မြန်မာ့ဂီတဈေးကွက်ရော၊ မြန်မာ့သဘင်ရောက အာရှအလယ်မှာ၊ ကမ္ဘာကိုသွားဖို့ မဟုတ်သေးဘူးနော်၊ အရှေ့တောင်အာရှတောင်မှ မဟုတ်သေးဘူး။ ဘေးချင်းကပ်ရက် ထိုင်းနဲ့ တူတူတန်တန်ဖြစ်ဖို့အတွက်ဆိုရင် အနည်းဆုံး နှစ်ပေါင်း ၂၀ ကနေ ၅၀ လောက်အထိ ကြိုးစားမှဖြစ်မယ်။ ဒီအတိုင်းကတော့ အစ်ကိုတို့ဘဝက ဟိုးအောက်မှာပဲ ရှိမှာပဲ။ မေး - ဟုတ်ကဲ့ အစ်ကို။ ဥပဒေအတည်တကျ ရေးဆွဲမယ်ဆိုရင်ရော ဘယ်တော့လောက် ရေးဆွဲဖို့ စီစဉ်ထားလဲ။ ဖြေ - မူပိုင်ခွင့် Copyright နဲ့ပတ်သက်ပြီး ဆွဲနေကြတာက Eleven Draft ဆိုတာ ရောက်နေပြီတဲ့။ အစ်ကိုတို့ကို ပြောတာပေါ့နော်။ ၁၁ ကြိမ်မြောက် ပြင်နေတယ်ဆိုတော့ ဘာတွေ ပြင်နေမှန်းလည်း မသိဘူး။ ဘာတွေလုပ်နေမှန်းလည်း မသိဘူး။ ဘာဖြစ်လို့ မလုပ်ပေးချင်တာလည်း မသိဘူး။ အစ်ကိုလည်း ပြောရတာ ခက်နေပြီဆိုတော့ အစ်ကိုလည်း ဒီတခေါက်ပြီးသွားရင် ဂီတအစည်းအရုံးကနေ နားလိုက်ပြီ။ မေး - ခိုးကူးခွေ ပပျောက်ရေးနဲ့ ပတ်သက်ပြီး အစ်ကို့အနေနဲ့ ဘာများ ဖြည့်စွက် ပြောချင်တာရှိလဲ။ ဖြေ - ဒီ ရက် ၁၀၀ စီမံကိန်းက ဒီအတိုင်းဆိုရင်တော့ ပြီးရင် ပြီးသွားမှာပဲလေ။ အလကားပဲ ဖြစ်သွားမှာပဲ။ ဖမ်းတယ်၊ ရဲတွေကဖမ်းလိုက်၊ အလကားနေ ထောင်ထဲရောက်လိုက်၊ စိတ်တွေဆင်းရဲလိုက်၊ ပိုက်ဆံတွေကုန်လိုက်၊ ငိုလိုက်ယိုလိုက်နဲ့။ ဂျာအေး သူ့အမေရိုက်ပဲ။ ပြီးရင် ပြန်ရောင်းမယ်။ ဆိုတော့ ဒါကို အဖြေရှာဖို့အတွက်က အခုနကပြောသလို အစိုးရက ဦးဆောင်ပြီးတော့ ကူညီပေးမှပဲရမှာ။ အစ်ကိုတို့ဘဝက လက်ရှိအစိုးရပေါ့နော်။ လက်ရှိအစိုးရ အစ်ကိုတို့ကို သနားမှသာလျှင် အစ်ကိုတို့ဘဝက တိုးတက်မှာပါ။ ဒီအတိုင်းဆိုရင်တော့ ဂျာအေး သူ့အမေရိုက်။ ရက် ၁၀၀ ပြီးသွားလည်း ရက် ၁၀၀ မကလို့ ရက် ၁ သောင်းပဲလုပ်လုပ်။ ပြီးတာနဲ့ နောက်တနေ့ ပြန်ရောင်းမှာပဲ။ မေး - ခု လက်ရှိအစိုးရသစ်ကိုရော ဘာတွေပြောချင်တာရှိလဲ ခိုးကူးခွေနဲ့ပတ်သက်ပြီးတော့။ ဖြေ - အစိုးရသစ်ကို အမှန်အတိုင်းပြောရရင်တော့ မတောင်းဆိုတောင် မတောင်းဆိုရက်ဘူး။ ဘာဖြစ်လို့လဲဆိုတော့ သူတို့ဘာသာသူတို့တောင် ပြဿနာပေါင်း သောင်းခြောက်ထောင်။ အရေးကြီးတဲ့ Issue တွေ အများကြီးရှိတယ်။ တိုင်းပြည်တိုးတက်ရေးအတွက် လုပ်နေရတာတွေ။ ဒီခေါင်းဆောင်တွေ အလုပ်တွေ ပင်ပင်ပန်းပန်းလုပ်နေတာ အစ်ကိုတို့လည်း မြင်တယ်။ အဲဒီတော့ အိမ်တအိမ်နဲ့တအိမ် ပြောင်းတာတောင် လွယ်တာမဟုတ်ဘူး။ သူတို့ အခုမှ ပြောင်းလာတာ ၆ လလောက်ပဲ ရှိသေးတဲ့အခါကျတော့ အစ်ကိုတို့အနေနဲ့ကတော့ အများကြီးမတောင်းဆိုရက်ပါဘူး။ ဒီလောက်လုပ်ပေးတာတောင် အစ်ကိုတို့ တော်တော်ကို ကျေးဇူးတင်နေပါပြီ။ တကယ်ကို ကျေးဇူးတင်ပါတယ်။ ရင်ထဲ အသည်းထဲက လှိုက်လှိုက်လှဲလှဲ ကျေးဇူးတင်ပါတယ်။ အစ်ကို့အနေနဲ့ကတော့ ၁ နှစ်တန်သည်၊ ၂ နှစ်တန်သည် ဆက်ပြီးတော့ ဂီတသမားတွေ တောင့်ခံပြီးတော့မှပဲ ဒီတိုင်းပြည်ကလည်း တည်ငြိမ်သွားပြီ။ အစိုးရအနေနဲ့ကလည်း လုပ်ငန်းကိုင်ငန်းတွေ လုပ်နိုင်နေပြီ၊ နိုင်ငံတကာကလည်း စပြီးဝင်တော့မယ် စသဖြင့် ဖြစ်လာရင်တော့ ဒီဥပဒေကို သေချာလေး ကိုင်တွယ်ပြီးတော့ လုပ်ပေးစေချင်ပါတယ်။ အနည်းဆုံးတော့ အစ်ကိုတို့က ၁ နှစ်တန်သည်၊ ၂ နှစ်တန်သည်တော့ စောင့်ရမှာဖြစ်ပါတယ်။ အရမ်းကြီးမလောပါဘူး။ ဒါပေမယ့် အဲဒီဥပဒေရှိမှပဲ ခုနကပြောသလို နိုင်ငံတကာက ဝင်လာရမှာပေါ့နော်။ ဟောလိဝုဒ်က ဝင်လာမယ်၊ ဘောလိဝုဒ်က ဝင်လာမယ် စသဖြင့်ပေါ့နော်။ Support တွေနဲ့ အစ်ကိုတို့တွေ အဲဒီလိုမျိုး ဝင်လာမှသာလျှင် အစ်ကိုတို့တိုင်းပြည်က ဂီတရော၊ ရုပ်ရှင်ရော၊ သဘင်ရော နိုင်ငံတကာတန်းဝင်ပြီးတော့ နိုင်ငံတကာနဲ့ စကားပြောနိုင်မယ်။ ခုနကပြောသလို မြန်မာဗွီဒီယိုကားတွေ မကြည့်ဘူးဆိုတာ ကြည့်ချင်လာမယ် စသဖြင့်ပေါ့လေ။ အဲဒါမျိုးတွေ ဖြစ်လာဖို့အတွက်က ဥပဒေတွေ လိုပါတယ်။ နည်းဥပဒေတွေ လိုပါတယ်။ ဒါတွေ ခုနကပြောသလို ထပ်တလဲလဲ ပြောနေသလို ဒါတွေမရှိရင် ဘာမှ လုပ်လို့မရပါဘူး။ ဒါတွေဖြစ်အောင် ၁ နှစ်တန်သည်၊ ၂ နှစ်တန်သည်ဆိုရင်တော့ အစိုးရအနေနဲ့ ထပ်ပြီးတော့ ကူညီစေချင်ပါတယ်။ ဒီလောက် ကူညီပေးတာကို အစ်ကိုတို့အနေနဲ့လည်း တော်တော်ကျေးဇူးတင်နေပါပြီ။ တွေ့ဆုံမေးမြန်းသူ - သူဇာလင်း