အိမ်ခြေမဲ့ ၃ ဦးကို သတ်ဖြတ်မှု သံသယဖြင့် မြန်မာ ၁ ဦး ဖမ်းဆီးခံထားရ (ရုပ်သံ)
DVB
·
October 8, 2016
ထိုင်းနိုင်ငံ ဘန်ကောက်မှာ အိမ်ယာမဲ့ လေလွင့်သူ လူ ၃ ဦးကို သတ်ဖြတ်မှုနဲ့ ဖမ်းဆီး ခံထားရသူဟာ မြန်မာတဦးဖြစ်တယ်လို့ ဒေလီနယူးစ် ထိုင်းသတင်းမှာ ဖော်ပြပါတယ်။
သူကတော့ အသက် ၂၀ နှစ်ရွယ် ဂျင်မီ ခေါ် ပန့်ဖြစ်ပြီး မြန်မာနိုင်ငံ မော်လမြိုင်ကလို့ ဆိုပါတယ်။
ဂျင်မီက ရဲတွေပြတဲ့ စီစီကင်မရာထဲမှာပြေးနေတဲ့သူဟာ သူဖြစ်တယ်လို့ ၀န်ခံပေမယ့် လူသတ်တယ် လို့တော့ ၀န်မခံပါဘူး။
ပြေးရတဲ့အကြောင်းရင်းကတော့ သူ့မှာ နေထိုင်ခွင့်လက်မှတ်မရှိတဲ့အတွက် ရဲဖမ်းမှာစိုးလို့ ပြေးရတာလို့ ဆိုပါတယ်။
သူဟာ ပြီးခဲ့တဲ့ စက်တင်ဘာလပိုင်းကလည်း တကြိမ်အဖမ်းခံခဲ့ရဖူးပြီး ရဲတွေက သူ့ကို နယ်စပ်ပြန်ပို့ခဲ့ကြောင်း၊ ဒီတခေါက် မဲဆောက်ဘက်ကနေ ပြန်ဝင်လာတာ ၆ ရက်ပဲ ရှိသေးတယ်လို့ ပြောပါတယ်။
လောလောဆယ် အလုပ်ရှာလို့မရသေးတဲ့အတွက် အမှိုက်ကောက်ပြီး ၀မ်းစာဖြေရှင်းစဉ် အခုလို အဖမ်းခံရတာလို့ ပြောပါတယ်။
သူ့မှာ စက်ဘီးဟောင်းတစီးရှိပြီး ခြေကျင်လျှောက်နေတဲ့သူ့ကို သနားလို့ လူတယောက်က ပေးခဲ့တာလို့ ဆိုပါတယ်။
ဒါပေမယ့် အသက် ၆ နှစ်ရွယ်ကလေးတယောက်ကတော့ ဂျင်မီဟာ လူတယောက် (ပထမဆုံး အသတ်ခံရသူ) ကို လက်ပြန်ကြိုး တုတ်ပြီး ရိုက်နေတာကို တွေ့ခဲ့တယ်လို့ ထွက်ဆိုပါတယ်။
မိန်းမလျာတယောက်ကလည်း ၆ ရက်နေ့ မနက် ၁၂ နာရီ ချိန်က လူသတ်မှုဖြစ်ပွားတဲ့နေရာမှာ ဂျင်မီကို တွေ့ခဲ့ကြောင်း၊ ဂျင်မီဟာ ဈေးသည်တဦးရဲ့ လက်တွန်းလှည်းထဲက ပစ္စည်းတွေကို ပိုင်ရှင်မရှိခိုက် မွေနှောက် ရှာဖွေခဲ့သလို သူ့ကိုလည်း လိင်ဆက်ဆံဖို့ ပြောခဲ့သေးတယ်လို့ ဆိုပါတယ်။
သူဟာ လူသတ်တရားခံလို့ ရဲတွေက ယုံကြည်ပြီး ကျူးလွန်ရတဲ့ အကြောင်းမှာ (၁) ပစ္စည်းလိုချင်လို့ (၂) လိင်ဆန္ဒအလိုဖြည့်လိုလို့ (၃) စိတ်မမှန်လို့ စတဲ့ အချက်တွေကြောင့် ဖြစ်မယ်လို့ ဆိုပါတယ်။
သူ့ကို ရဲတွေက အောက်တိုဘာ ၆ ရက်နေ့ ညနေပိုင်းက ကျတူးကျတ်နယ်မြေ ကမ်ဖိုင်ဖစ်လမ်းပေါ်မှာ ဖမ်းဆီးခဲ့ကာ ခုလက်ရှိ ပရဒူနမ့် ရဲစခန်းမှာ ထိန်းသိမ်းထားတယ်လို့ ရဲတပ်ဖွဲ့က ပြောပါတယ်။
မူရင်း - dailynews