နေအိမ်ပေါ်တက် အဓမ္မပြုကျင့်သူကို တုံ့ပြန်တိုက်ခိုက်ခဲ့သည့် ထိုင်းကျောင်းသူ

ဓာတ်ပုံ - sanook
ထိုင်းနိုင်ငံမှ ဆယ်ကျော်သက်အရွယ် ကျောင်းသူတဦးဟာ သူ့ရဲ့နေအိမ်ပေါ်တက်ကာ အဓမ္မပြုကျင့်ဖို့ ကြိုးစားသူတဦးကို ပြန်လည်တုံ့ပြန်တိုက်ခိုက်ခဲ့ပါတယ်။ ဒီအဖြစ်အပျက်ဟာ ပြီးခဲ့တဲ့ စက်တင်ဘာ ၁၀ ရက် ညနေပိုင်းမှာ ဖြစ်ခဲ့တာဖြစ်ပြီး သူက ဘယ်လိုတုံ့ပြန်တိုက်ခိုက်ခဲ့တယ်ဆိုတာကို သတင်းထောက်တွေကို ပြန်လည်ပြောပြခဲ့တာပါ။ နောင်ဘိုးအမည်ရတဲ့ အသက် ၁၈ နှစ်အရွယ် အဆိုပါကျောင်းသူဟာ ချိန်နတ်ခရိုင်ထဲက နေအိမ်မှာ မိခင်နဲ့ ၂ ဦးတည်း နေထိုင်တာဖြစ်တယ်လို့ ထိုင်းဘာသာနဲ့ ထုတ်ဝေတဲ့ ဆနွတ်ခ်သတင်းတပုဒ်မှာ ဖော်ပြပါတယ်။ သူဟာ ဒေသတွင်း ကျောင်းတကျောင်းမှာ တက်ရောက်နေတာဖြစ်ပြီး ကျောင်းသားကောင်စီခေါင်းဆောင်တဦး ဖြစ်ပါတယ်။ အဲဒီနေ့က သူဟာ မိခင်ဖြစ်သူနဲ့အတူ အိမ်အနီးက ဈေးတခုဆီ သွားခဲ့ကြတာဖြစ်ပြီး မိခင်ဖြစ်သူဟာ သူ့ရဲ့မိတ်ဆွေနဲ့ စကားပြောနေခဲ့ချိန်မှာ နောင်ဘိုးက အိမ်စာလုပ်စရာရှိတဲ့အတွက် အိမ်ကို တယောက်တည်း ပြန်ခဲ့တယ်လို့ ဆိုပါတယ်။ သူမဟာ အိမ်ထဲကို တယောက်တည်းဝင်လာခဲ့ချိန်မှာ အိမ်အတွင်း ရေခဲသေတ္တာနောက်မှ လူတဦး ရုတ်တရက်ပေါ်လာခဲ့ပြီး သူ့နောက်ကနေ ဦးခေါင်းကို အဆက်မပြတ် ရိုက်နှက်ခံခဲ့ရပါတယ်။ နောင်ဘိုးဟာ ကြမ်းပြင်ပေါ်လှဲချပြီး သေသွားခဲ့သယောင် ဆောင်ခဲ့ချိန်မှာ အဲဒီအမျိုးသားက သူဝတ်ဆင်ထားတဲ့ အားကစားဘောင်းဘီကို ဆွဲချွတ်ခဲ့တာပါ။ အဲဒီနောက်တော့ အတွင်းမှထပ်ဝတ်ထားတဲ့ ဂျင်းသားအတွင်းခံကို ခက်ခက်ခဲခဲ ဆွဲချွတ်ခဲ့ချိန်မှာ သူက အနားမှာရှိတဲ့ ရေပုံးကို ဆွဲယူပြီး အဆိုပါအမျိုးသားရဲ့ ဦးခေါင်းကို ရိုက်ခဲ့ပါတယ်။ နောင်ဘိုးဟာ အဲဒီအမျိုးသားရဲ့မျက်လုံးကို လက်နဲ့ထိုးသွင်း တိုက်ခိုက်ခဲ့ချိန်မှာ သူ့ရဲ့ဖုန်းကိုယူပြီး ထွက်ပြေးသွားခဲ့တယ်လို့ ဆိုပါတယ်။ အဲဒီနောက်မှာတော့ ထိခိုက်ဒဏ်ရာရခဲ့တဲ့ နောင်ဘိုးကို ဆေးရုံပို့ဆောင်ပြီး ၇ ချက်ချုပ်ခဲ့ရတယ်လို့ သတင်းမှာ ဖော်ပြပါတယ်။ လက်ရှိမှာတော့ ကျူးလွန်ခဲ့သူ အမျိုးသားကို အိမ်နီးချင်းတဦးဖြစ်မယ်လို့ ယူဆနေကာ ရဲတွေက ဒေသခံတွေနဲ့ ပူးပေါင်းပြီး စုံစမ်းစစ်ဆေးနေတယ်လို့ ဆိုပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up