အိုင်ယာလန်အစိုးရကို Apple ကုမ္ပဏီ အခွန် ကန်ဒေါ်လာ ၁၄ ဘီလီယံခွဲ ပေးဆောင်ရမည်

Apple နည်းပညာကုမ္ပဏီဟာ အိုင်ယာလန်အစိုးရဆီကနေ အခွန်လျော့ပေါ့ခွင့် ရယူခဲ့တဲ့အတွက် အဲ့ဒီ အခွန်ငွေ အမေရိကန်ဒေါ်လာ ၁၄ ဘီလီယံခွဲကို အိုင်ယာလန်အစိုးရကို ပြန်ဆောင်ဖို့ ဥရောပကော်မရှင်က ဆုံးဖြတ်လိုက်ပါတယ်။ တခြားကုမ္ပဏီတွေထက် Apple ကုမ္ပဏီက အခွန်လျော့ပေါ့ ဆောင်ခွင့်ရခဲ့တဲ့ကိစ္စကို ၃ နှစ်ကြာ စုံစမ်းစစ်ဆေးပြီး အဲ့လိုအခွန်လျော့ပေါ့ဆောင်ခွင့်ရယူခဲ့တာဟာ တရားမ၀င်ဘူးလို့ ဥရောပကော်မရှင်က သြဂုတ် ၃၀ က ပြောပါတယ်။ တခြားစီးပွားရေးကုမ္ပဏီထက် Apple ကုမ္ပဏီဆောင်ရတဲ့ အခွန်က သိသိသာသာ သက်သာခဲ့ပြီး အဲ့လို ကုမ္ပဏီတွေကို ခွဲခြားပြီး သီးသန့်အခွန်အခွင့်အရေးပေးတာမျိုး အီးယူအဖွဲ့ဝင်နိုင်ငံမှာ မရှိရဘူး။ အီးယူစည်းမျဉ်းစည်းကမ်းအရ တရားမ၀င်ဘူးလို့ ဥရောပကော်မရှင်နာမင်းကြီးက ပြောဆိုပါတယ်။ အိုင်ယာလန်နိုင်ငံမှာ ကုမ္ပဏီအခွန်ငွေ ပုံမှန်နှုန်းဟာ အမြတ်ငွေရဲ့ ၁၂.၅ ရာခိုင်နှုန်း ဖြစ်ပေမယ့် ၂၀၀၃ ခုနှစ်ကနေ ၂၀၁၄ ခုနှစ်အထိ Apple ကုမ္ပဏီက ဆောင်ခဲ့တဲ့အမြတ်ခွန်က ၁ ရာခိုင်နှုန်း မကျော်ခဲ့တာကို ကော်မရှင်က စုံစမ်းတွေ့ရှိခဲ့ပါတယ်။ ဥရောပကော်မရှင်ရဲ့ ဆုံးဖြတ်ချက်ကို အိုင်ယာလန်နိုင်ငံကော၊ Apple ကုမ္ပဏီရော ကန့်ကွက်ကြပြီး ပြန်ပြီးအယူခံဝင်မယ်လို့ ပြောဆိုကြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up