အရက်မူးလဲနေသည့် ၂၈ နှစ်အရွယ်အမျိုးသမီးကို ရဲတပ်ဖွဲ့ နေရပ်ပြန်ပို့
မြန်မာနိုင်ငံရဲတပ်ဖွဲ့ လှည့်ကင်း ဆောင်ရွက်နေစဉ် (ဓာတ်ပုံ - ရဲဇာနည်)
2.7K
လမ်းဘေးမှာ အရက်မူးပြီး လဲနေတဲ့ အမျိုးသမီးတဦးကို ရဲတပ်ဖွဲ့က နေရပ် ကူညီပို့ဆောင်ပေးခဲ့တယ်လို့ မြန်မာနိုင်ငံရဲတပ်ဖွဲ့ရဲ့ ရဲဇာနည်ဖေ့ဘုတ်ခ်စာမျက်နှာမှာ ဖော်ပြထား ပါတယ်။
ပဲခူးတိုင်းဒေသကြီး ညောင်လေးပင်မြို့နယ် ရန်ကုန်-မန္တလေးကားလမ်းဘေး ဝါးရုံကုန်းကျေးရွာ အနီးမှာ သြဂုတ်လ ၉ ရက်နေ့က အမျိုးသမီးတဦး မူးလဲနေတယ်လို့ သတင်းရတဲ့အတွက် ညောင်လေးပင်မြို့မရဲစခန်းမှ အမျိုးသမီးရဲမေပါဝင်တဲ့ သက်သေတွေနဲ့အတူ သွားရောက် စစ်ဆေးခဲ့တယ်လို့ ဆိုပါတယ်။
စစ်ဆေးချက်အရ ပဲခူးတိုင်းဒေသကြီး ကျောက်တံခါးမြို့နယ်နေ အသက် ၂၈ နှစ်အရွယ် မ×××× ဖြစ်ပြီး အရက်သေစာသောက်စားမူးယစ် အိပ်ပျော်နေတာဖြစ်ကြောင်း စစ်ဆေး သိရှိရခဲ့ရ ပါတယ်။ အမူးပြေအောင်ပြုစုပြီး နေရပ်ဖြစ်တဲ့ ကျောက်တံတားမြို့နယ်ကို ဇေယျာဟိန်း ခရီးသည်ယာဉ်နဲ့ ပြန်လည် ကူညီပို့ဆောင်ပေးခဲ့တယ်လို့ သိရပါတယ်။
