ဂျက်စတားလေယာဉ်ပေါ် ရန်ပွဲကြောင့် အရေးပေါ်ဆင်းသက် (ရုပ်သံ)

အင်ဒိုနီးရှားနိုင်ငံကနေ ထိုင်းနိုင်ငံ ဖူးခက်ကို သွားမယ့် ဂျက်စတား လေကြောင်းလိုင်းက လေယာဉ်ပေါ်မှာ ရန်ပွဲဖြစ်ပွားအပြီး ဘာလီကျွန်းမှာ အရေးပေါ် ဆင်းသက်ခဲ့ရပါတယ်။ အဲဒီ လေယာဉ်ပေါ်မှာ မူးယစ်ပြီး ရန်ဖြစ်တယ်လို့ စွပ်စွဲခံရတဲ့ သြစတြေးလျ နိုင်ငံသား ၆ ဦးကို အင်ဒိုနီးရှား အစိုးရက မူရင်းနိုင်ငံကို ဇူလိုင် ၂၂ ရက်နေ့ညနေပိုင်းမှာ ပြန်ပို့ခဲ့ပါတယ်။ ခရီးသည် ၃ ဦးကို မွန်းလွဲပိုင်းက လေကြောင်းလိုင်းရဲ့ လုံခြုံရေး အရာရှိတွေနဲ့ လေဆိပ် မန်နေဂျာချုပ်တို့ ကိုယ်တိုင် ခြံရံပြီး မဲလ်ဘုန်းမြို့ဆီ ပြန်ပို့ခဲ့ပါတယ်။ ညနေနှောင်းပိုင်းမှာတော့ ကျန်တဲ့ ၃ ဦးကို ပြန်ပို့ခဲ့တယ်လို့ ဆိုပါတယ်။ လေယာဉ်ကတော့ ဒီမတော်တဆမှု အပြီး မူလစီစဉ်ထားတာထက်  ၂ နာရီ နောက်ကျပြီး ထိုင်းနိုင်ငံ ဖူးခက် လေဆိပ်ကို ဆင်းသက်နိုင်ခဲ့တယ်လို့ ဒေသခံ မီဒီယာတွေက အစီရင်ခံပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up