ပေါင် သန်း ၁၀၀ ကျော်ဖြင့် ပေါ့ဘာကို အပြီးသတ်ဝယ်ရန် မန်ယူ ကြိုးစား

ဓာတ်ပုံ - ရိုက်တာ
အင်္ဂလန် ပရီးမီးယားလိဂ်က မန်ချက်စတာ ယူနိုက်တက် အသင်းဟာ အီတလီစီးရီးအေကလပ် ဂျူဗင်တပ် ကစားသမား ပေါလ် ပေါ့ဘာကို ပေါင် သန်း ၁၀၀ အသုံးပြုပြီး အပြီးသတ်ဝယ်ယူဖို့ ကြိုးစားနေပါတယ်။ ၀ယ်ယူဖြစ်မယ်ဆိုရင်တော့ ပေါင် ၉၂ သန်းကို အပြောင်းအရွှေ့ကြေးအနေနဲ့ ဂျူဗင်တပ်ကို ပေးရမှာဖြစ်ပြီး အပြီးသတ်စာချုပ်အတွက် ကစားသမားရဲ့ ကိုယ်စားလှယ် မီနိုရိုင်အိုလာကို ပေါင် ၁၈ ဒသမ ၄ သန်း ပေးရမှာ ဖြစ်ပါတယ်။ ဇူလိုင် ၂၀ ရက်မှာတော့ မန်ယူက ဒုတိယအကြိမ် ကမ်းလှမ်းခဲ့ပြီး ပထမအကြိမ် ကမ်းလှမ်းစဉ်က ပေါင် ၈၇ သန်းနဲ့ ကမ်းလှမ်းခဲ့ပေမယ့် ငြင်းပယ်ခဲ့တယ်လို့ ဆိုပါတယ်။ လက်ရှိစာချုပ်ကတော့ ဂျူဗင်တပ်ကတောင်းဆိုတဲ့ မီနိုရိုင်အိုလာအတွက် ပေါင် ၁၈ ဒသမ ၄ သန်းကို မန်ယူက ပေးရေးအပေါ်မှာ မူတည်နေတယ်လို့ ဗြိတိန် ဂါးဒီးယန်းသတင်းက ရေးပါတယ်။ အစောပိုင်းမှာတော့ ဂျူဗင်တပ်က မီနိုရိုင်အိုလာကို ကိုယ်စားလှယ်ကြေး တ၀က်ပေးမယ်လို့ သဘောတူခဲ့ပေမယ့် စာချုပ်အပြီးသတ်ချုပ်ဆိုဖြစ်ခဲ့ရင် အားလုံးကို မန်ယူကပေးဖို့ ဂျူဗီက တောင်းဆိုထားတာ ဖြစ်ပါတယ်။ မန်ယူက ပေါ့ဘာရဲ့ စီးပွားရေးကြော်ငြာနဲ့ ပတ်သက်တဲ့ မူပိုင်ခွင့်ကိုပါ ၀ယ်ယူဖို့ သဘောတူညီခဲ့သလို ပေါ့ဘာကို တပတ်လုပ်ခ ပေါင် ၂ သိန်း ၉ သောင်းနဲ့ တရာသီ ပေါင် ၄ ဒသမ ၂ သန်းပေးဖို့ သဘောတူညီထားပါတယ်။ ဇူလိုင် ၂၀ ရက်မှာလည်း ရီးရဲလ်မက်ဒရစ်က ပေါ့ဘာကို ကြားဖြတ်ဝယ်ယူဖို့ ကြိုးစားခဲ့တယ်ဆိုတဲ့ သတင်းတွေ ထွက်ပေါ်လာပါတယ်။ လက်ရှိမှာတော့ မန်ယူက တရုတ်ကို ရောက်ရှိနေပြီး ဇူလိုင် ၂၂ ရက်မှာ ဂျာမနီ ဘွန်ဒစ်လီဂါကလပ် ဒေါ့မွန်၊ ဇူလိုင် ၂၅ ရက်မှာ မန်ချက်စတာစီးတီး အသင်းတွေနဲ့ ကစားဖို့ ရှိနေပါတယ်။ မန်ယူအသင်းဟာ လက်ရှိ အိုင်ဗရီကို့စ် ကစားသမား အဲရစ်ဘိုင်လီ၊ ပီအက်စ်ဂျီက ဇာလက်တန် အီဗရာဟီမိုဗစ်နဲ့ အာမေးနီးယားအသင်းက ဟဲရစ် အမ်ခီတာယန်တို့ကို ၀ယ်ယူထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up