ထိန်းချုပ်နယ်မြေများတွင် မူးယစ်ဆေးဝါးဖမ်းဆီးမည်ဟု ရှမ်းပြည်တပ်မတော် ကြေညာ
DVB
·
July 4, 2016
မူးယစ်ဆေးဝါး တိုက်ဖျက်ရေးကို အရှိန်မြှင့်ဆောင်ရွက်တော့မယ်လို့ ရှမ်းပြည်နယ် တိုးတက်ရေးပါတီ၊ ရှမ်းပြည်တပ်မတော်က ကြေညာချက်ထုတ်ပြန်လိုက်ပါတယ်။
သူတို့ ထိန်းချုပ်တဲ့နယ်မြေ အသီးသီးမှာ မူးယစ်ဆေးဝါး သုံးစွဲတာ၊ သယ်ဆောင်တာ၊ ရောင်းဝယ်တာ၊ သိုလှောင်တာတွေ တွေ့ရှိခဲ့ရင် ဖမ်းဆီးအရေးယူသွားမယ်လို့ ဇူလိုင် ၁ ရက်နေ့ ရက်စွဲနဲ့ ထုတ်ပြန်တဲ့ ကြေညာချက်မှာ ဖော်ပြပါတယ်။
မြန်မာနိုင်ငံမှာ လက်နက်ကိုင် ပဋိပက္ခတွေကြောင့် မူးယစ်ဆေးဝါး တိုက်ဖျက်ရေး လုပ်ငန်းတွေမှာ အတားအဆီး ဖြစ်နေသလို စီးပွားရေး မူဝါဒကြောင့်လည်း မူးယစ်ကုန်ကူးမှုတွေကို ရှာဖွေဖမ်းဆီးတာမှာ အားနည်းရတယ်လို့ မြန်မာနိုင်ငံရဲတပ်ဖွဲ့က ဆိုပါတယ်။