ပဲခူးမြို့မှာ ဇွန် ၂၉ ရက်နေ့ မနက် ၁၀ နာရီကျော်အချိန်က မီးရထားသံလမ်းပေါ် လမ်းလျှောက်သူ အမျိုးသားတဦး ရထားကြိတ် သေဆုံးခဲ့တယ်လို့ ပဲခူးမြို့ အမှတ် ၂ နယ်မြေ ရဲစခန်းက ပြောပါတယ်။ ပဲခူးမြို့ ကျွန်းသာယာရပ်ကွက် နယ်မြေ ၁၅၊ မီးရထားကြေးနန်းမိုင်တိုင်အမှတ် (၄၅/၂၀) နဲ့ (၄၅/၂၁) အကြား ရန်ကုန်-မန္တလေး အဆန်ရထားလမ်းပေါ်မှာ အသက် ၄၀ အရွယ် အမျိုးသားတဦး ရထားကြိတ်သေဆုံးခဲ့တာပါ။ အမျိုးသားတဦး ရထားကြိတ်သေဆုံးနေတယ်ဆိုပြီး ပဲခူးမြို့ ကျွန်းသာယာရပ်ကွက်က ဆယ်အိမ်မှူး ဦးစိုးဝင်းက အမှတ် ၂ နယ်မြေရဲစခန်းကို ဖုန်းနဲ့ ဆက်သွယ်အကြောင်းကြားတဲ့ အတွက် စခန်းမှူး ရဲအုပ်စိန်လွင်၊ တာဝန်မှူး ဒုရဲအုပ် နိုင်ဝင်းနဲ့ နယ်ထိန်းခေါင်းဆောင် ဒုရဲအုပ် အောင်နိုင်ဝင်းတို့ သွားရောက်စစ်ဆေးခဲ့ပါတယ်။ သေဆုံးသူဟာ ကျွန်းသာယာရပ်ကွက် နယ်မြေ ၁၅ ဘိုတဲကုန်း ၃ လမ်းနေ ကိုနိုင်စိုးဖြစ်ပြီး သူဟာ ဘာအလုပ်မှမလုပ်ဘဲ အရက်အလွန်အကျွံသောက်တက်သူတဦးဖြစ်ပြီး ရပ်ကွက်အတွင်း နေရာအနှံ့ သွားလာတက်သူဖြစ်တယ်လို့ အမှတ် ၂ ရဲစခန်းက ပြောပါတယ်။ အခုဖြစ်စဉ်မှာ အရက်အလွန်အကျွံ သောက်စားထားပုံရပြီး ရထားသံလမ်းအတိုင်း လမ်းလျှောက် သွားစဉ် ရန်ကုန် - မန္တလေး အဆန်ရထား ခရီးသည်တင် အမြန်ရထား ရထားအမှတ် (၃၁)၊ စက်ခေါင်းအမှတ် DF- 1200-06 လာတဲ့အချိန် တိုက်မိသွားတာလို့ ဆိုပါတယ်။ အဲဒီနောက်မှာတော့ အလောင်းကိုဆေးရုံပို့ဆောင်ပြီး ကိုနိုင်စိုး သေဆုံးရခြင်းမှာ ဓမ္မတာအတိုင်း သေဆုံးတာ ဟုတ်/မဟုတ် စစ်ဆေးပေးဖို့ ဒုရဲအုပ်နိုင်ဝင်းက တရားလို ပြုလုပ်တိုင်တန်းခဲ့လို့ အမှတ် ၂ နယ်မြေရဲစခန်းက သေမှုသေခင်းအမှတ်စဉ် (၁၇/၂၀၁၆) နဲ့အမှုဖွင့်ကာ ရဲအုပ်စိန်လွင်က ဆက်လက်စစ်ဆေးနေတယ်လို့ သိရပါတယ်။ သတင်း - အောင်စိုးမိုး(ပဲခူး)