ဇွန်လ ၁၄ ရက်နေ့က ကျင်းပတဲ့ လူ့အခွင့်အရေးနဲ့ လူ့ဂုဏ်သိက္ခာ နိုင်ငံတကာ ရုပ်ရှင်ပြပွဲမှာ Twilight over Burma ဆိုတဲ့ ကျနော်တို့ဗမာပြည်ရဲ့ သမိုင်းနောက်ခံ ရုပ်ရှင်ကားတကားကို ပြသခွင့် ပိတ်ပင်ခဲ့ပါတယ်။ ကျနော်တို့ ယေဘုယျနားလည်ထားတာတော့ ၂၀၁၂ ကတည်းက ဗမာပြည်မှာ Pre Censorship ပေါ့၊ မရှိတော့ဘူးလို့ နားလည်ထားပေမယ့် တကယ်တမ်းကျတော့ ဒီရုပ်ရှင်ကားကို ရုပ်ရှင်စိစစ်ရေးအဖွဲ့ကနေပြီးတော့ အထူးသဖြင့်တော့ တပ်မတော်ရဲ့ ဂုဏ်သိက္ခာကို ညှိုးနွမ်းတယ်၊ နောက်တခုက အမျိုးသားရင်ကြားစေ့ရေးကို ထိခိုက်တယ်ဆိုတဲ့ ဆုံးဖြတ်ချက်နဲ့ ပြသခွင့် ပိတ်ပင်ခဲ့ပါတယ်။ အဲတော့ ဗမာပြည်မှာ တကယ်တမ်း ဆင်ဆာရှစ် ရှိနေသေးလားဆိုတဲ့ ကိစ္စကို ဆွေးနွေးမှာပါ။ ဒီတပတ် ဆွေးနွေးမယ့်သူတွေကတော့ 7 Day ဂျာနယ် အယ်ဒီတာ ကိုသီဟနဲ့ ဧရာဝတီ သတင်းဌာန အယ်ဒီတာ သာလွန်ဇောင်းထက်တို့ ဖြစ်ပါတယ်။ ဦးတိုးဇော်လတ် (ဒီဗွီဘီ) "ကိုသီဟရေ အများသိတဲ့အတိုင်းပဲပေါ့နော်။ ဒီ Twilight over Burma ဆိုတာ တချိန်တုန်းက စော်ဘွားစ၀်ကြာဆိုင်ရဲ့ နောက်ကြောင်းနဲ့ ရိုက်ထားတယ်။ ပြီးတော့ ဖြစ်ခဲ့တာက ၁၉၆၄ လောက်က ဖြစ်ခဲ့တာပါ။ ဒီဇာတ်လမ်းကိုလည်း စာအုပ်တွေ ဘာသာပြန်ခွင့်တော့ ပေးထားတယ်။ ဒါပေမယ့် နိုင်ငံတကာ လူ့အခွင့်အရေး ရုပ်ရှင်ပွဲတော်မှာ ပိတ်လိုက်တယ်။ အဲဒါနဲ့ပတ်သက်လို့ တကျော့ပြန်ပြီး အများစိုးရိမ်တဲ့ ဆင်ဆာရှစ်ဘုတ် (Censorship Board)၊ ဗမာပြည်မှာ ရှိနေသေးလား။ ရှိနေရင် ဘယ်သူက တာဝန်ခံတာလဲ။  အဲဒါလေးကို စပြီး ဆွေးနွေးပေးပါဦးခင်ဗျ။" ကိုသီဟ (အယ်ဒီတာ၊ 7 Day ဂျာနယ်) “ဟုတ်ကဲ့ ကျနော်တို့ အဲဒီသတင်း ကြားလိုက်တဲ့အချိန်၊ လူ့အခွင့်အရေး လူ့ဂုဏ်သိက္ခာ ရုပ်ရှင်ပွဲတော်မှာ Twilight over Burma ရိုက်ထားတဲ့ကားကို ပြမယ်ဆိုတော့ ကျနော်တို့ အားသည်ဖြစ်စေ၊ မအားသည်ဖြစ်စေ ဒီကားကို ကြည့်ချင်တဲ့စိတ်ကလည်း ရှိတယ်။ ဘာလို့လဲဆိုတော့ ဒီစာအုပ်နဲ့ ကျနော်တို့ကလည်း ရင်းနှီးခဲ့တယ်။ ဆရာမောင်သန်းဆွေ ဘာသာပြန်တဲ့ စာအုပ်ကိုရော၊ ဆရာနိုင်ဦး ဘာသာပြန်ခဲ့တဲ့ စာအုပ်ကိုရော နှစ်အုပ်လုံး ကျနော်ဖတ်ထားကြည့်တဲ့ အခါကျတော့ တော်တော်စိတ်ဝင်စားဖို့ကောင်းတဲ့ သမိုင်းနောက်ခံဇာတ်လမ်း။ ပြီးတော့ အာဏာရှင်တယောက်ကနေပြီးတော့မှ တိုင်းရင်းသားခေါင်းဆောင်တွေ အပေါ်မှာ ဖိနှိပ်ခဲ့တဲ့၊ အနိုင်ကျင့်ခဲ့တဲ့ နောက်ခံရာဇ၀င်၊ ဆိုတော့ တော်တော်စိတ်ဝင်စားဖို့ ကောင်းပါတယ်။ ပြီးတော့ သူတို့မိသားစုလေးရဲ့ ကွဲကွာသွားတဲ့ဟာကလည်း အရမ်းကို စိတ်မကောင်းဖြစ်စရာကောင်းတဲ့ အခြေအနေဆိုတော့ အကုန်လုံးက စိတ်ဝင်စားနေတဲ့ အချိန်မှာပဲ ဒုန်းဆိုပြီးတော့မှ ဆင်ဆာက ခွင့်မပြုဘူး။ ပြလို့မရဘူးဆိုတဲ့ဟာ ဖြစ်တဲ့အခါကျတော့ ကျနော်တို့ နားလည်ထားတာ ရုပ်ရှင်ဆင်ဆာကတော့ ရှိနေသေးတယ်။ ဒါပေမယ့် အများကြီး ဖြေလျှော့ထားတယ်လို့ ကျနော်တို့ နားလည်တယ်။ သူတို့မှာ ဆင်ဆာမူ ၉ ချက် ရှိတယ်လို့တော့ ပြောတယ်။ ဒါပေမယ့် ကျနော်တို့ ဒီဟာတော့ အသေးစိတ်တော့ မသိဘူးပေါ့ဗျာ။ အခုပြောတဲ့အခါကျတော့ ဒီကားကို မပြရခြင်းနဲ့ ပတ်သက်လို့ အမြဲတမ်းအတွင်းဝန် ဦးတင့်ဆွေ ပြောတာကတော့ ဒီ ဆင်ဆာမူ ၉ ချက်မှာ ၃ ချက်လောက် သွားငြိနေတယ်ပေါ့။ တပ်မတော်ရဲ့ ပုံရိပ်ကိုလည်း ထိခိုက်စေတယ်၊ ၂၁ ရာစု ပင်လုံအတွက်လည်း သွားပြီးတော့ ထိခိုက်စေနိုင်တယ်၊ အမျိုးသားရင်ကြားစေ့ရေးကိုလည်း ထိခိုက်စေနိုင်တယ် ဆိုတဲ့ အကြောင်းပြချက်တွေနဲ့ သူတို့က ဒီကားကို ပြသခွင့်ကို ပိတ်လိုက်တယ်။ တကယ်တမ်း ဒီဇာတ်ကားကိုပြရင် တကယ်ကော တိုင်းရင်းသားစည်းလုံးညီညွတ်ရေး ထိခိုက်နိုင်မလား။ ဒါ ကျနော်တို့ အများကြီး စဉ်းစားစရာ ရှိပါတယ်ခင်ဗျ။” ဦးတိုးဇော်လတ် (ဒီဗွီဘီ) "ဟုတ်ကဲ့ခင်ဗျ။ ဒီဇာတ်ကားကို တကယ်လက်တွေ့မှာတော့ ပိတ်လိုက်တယ်ပေါ့။ ခုနပြောတဲ့ အဓိက အကြောင်းသုံးချက်နဲ့ပေါ့နော်။ အဲဒါ တကယ်တမ်း ကျနော်တို့ ဒီ Print တို့၊ Broadcast မှာတော့ ဘာမှ Law မထွက်သေးဘူးပေါ့နော်။ ပရင့်မှာတော့ ဆင်ဆာဖြုတ်ပေမယ့် ရုပ်ရှင်မှာတော့ ကျန်နေသေးတယ်။ နောက်ပြီးတော့လည်း အနုပညာသမားတွေက လွတ်လပ်စွာ တွေးခေါ်မှု မရှိရင် လွတ်လပ်စွာ ဖန်တီးခွင့် မရှိဘူးဆိုတဲ့ဟာကို ပြောတယ်ပေါ့နော်။ အဲတော့ အစိုးရသစ်လက်ထက် ဒီရုပ်ရှင်ပွဲတော်ဆိုတာ ဒေါ်အောင်ဆန်းစုကြည် ပထမအကြိမ်တုန်းက သူကိုယ်တိုင် ပါခဲ့တဲ့ဟာ။ အဲဒါနဲ့ပတ်သက်လို့ ဒီ ဆင်ဆာရှစ် တကယ်ရှိနေခြင်းအားဖြင့် ဗမာပြည်ရဲ့ မီဒီယာလောကရော၊ ရုပ်ရှင်လောကရော ဘယ်လိုထိခိုက်နိုင်လဲ၊ ဘာတွေဖြစ်နိုင်လဲ နည်းနည်းလေး ဖြည့်စွက်ပြီးတော့ ဆွေးနွေးပေးပါဦးခင်ဗျ။" သာလွန်ဇောင်းထက် (အယ်ဒီတာ၊ ဧရာဝတီသတင်းဌာန) “ဒီ Twilight over Burma ကားလေးကို ကျနော်တို့က ပြန်ကြည့်ရင် မိသားစုတစု၊ သီပေါစော်ဘွားနဲ့ နိုင်ငံခြားသူတယောက်နဲ့ ရပြီးတော့ သူ့ရဲ့ဇာတ်အိမ်လေးကို ပြန်ကြည့်ရင်တော့ နိုင်ငံရေးအမြင်နဲ့ သူတို့ ဘာကြောင့်ကြည့်သလဲပေါ့။ တကယ်တမ်း ဒီဇာတ်ကားရဲ့ သဘောတရားလေးကို ပြန်ကြည့်ရင် အာဏာရှင်တယောက် လက်အောက်မှာ မိသားစုတစု ဘ၀ပျက်ခဲ့တဲ့ ဇာတ်လမ်းလေး တခုပဲပေါ့၊ အနုပညာအမြင်နဲ့ကြည့်ရင် အင်မတန်မှလည်း သိမ်မွေ့တယ်ပေါ့။ ဒါကို နိုင်ငံရေးအမြင်နဲ့ ကြည့်ပြီးတော့ မပြနဲ့ဆိုတော့ အများကြီး ထိခိုက်တာပေါ့နော်။ အဓိကကတော့ နိုင်ငံရဲ့ အနုပညာကဏ္ဍပေါ့နော်။ အခုတလျှောက်လုံး အော်နေကြတာပေါ့နော်။ နိုင်ငံမှာ အနုပညာ၊ ရုပ်ရှင်တွေရဲ့ အဆင့်အတန်း နိမ့်ကျတယ်၊ ယဉ်ကျေးမှုအရ တဖြည်းဖြည်းနဲ့ နိမ့်ကျလာတယ်ဆိုပြီးတော့ အော်နေကြတာတွေ ရှိတယ်။ တကယ်တော့ အဲဒီလိုမျိုး နိမ့်ကျတဲ့ အကြောင်းအရင်းက ပြန်ကြည့်ရင် နိုင်ငံရေးနဲ့ ယဉ်ကျေးမှုနဲ့ အနုပညာနဲ့ကို တလျှောက်လုံး ရောထွေးပြီးတော့ ဆင်ဆာစနစ်တွေ လုပ်လာတယ်။ အနုပညာကို အနုပညာလို မမြင်ဘဲနဲ့၊ ရုပ်ရှင်ကို ရုပ်ရှင်လို မမြင်ဘဲနဲ့ နိုင်ငံရေးအမြင်တွေ၊ နိုင်ငံရေး အတွေးအခေါ်တွေ၊ တဘက်သတ်တွေးတဲ့ အမြင်တွေကြောင့်မို့ ဒီလိုမျိုး ပိတ်ပင်တာတွေ ဖြစ်လာတာပေါ့။ ဆင်ဆာတွေ ထိတာပေါ့။ အဲတော့ ပြန်ပြီးကြည့်ရင်တော့ ဒေါ်အောင်ဆန်းစုကြည်အစိုးရ တက်ပင်တက်ငြားသော်လည်း အခုချိန်ထိ ဒီယန္တရားမှာ နိုင်ငံရေးရယ်၊ ရုပ်ရှင်ရယ်၊ အနုပညာရယ်၊ ပြန်ကြားရေးဝန်ကြီးဌာနဆိုတာ နိုင်ငံရဲ့ အနုပညာနဲ့၊ ယဉ်ကျေးမှုနဲ့ ပတ်သက်တဲ့ ကဏ္ဍပေါ့နော်။ သူတို့မှာ အဲလို အတွေးအခေါ်မျိုး မရှိသေးဘူး။ အခုချိန်ထိ တဘက်သတ်အမြင်၊ တဘက်သတ်စိတ်ကူး၊ တဘက်သတ် အတွေးတွေနဲ့ပဲ ယန္တရားကို လည်ပတ်နေတုန်းဆိုတာတော့ ထင်ရှားပါတယ်။” ဦးတိုးဇော်လတ် (ဒီဗွီဘီ) "အခုတော်တော်များများလည်း ဝေဖန်ကြတယ်။ ခွပ်ဒေါင်းခေါင်းနဲ့ ခြင်္သေ့ကိုယ်နဲ့ လုပ်နေတယ်ပေါ့။ အဲတော့ ခေါင်းကတော့ အန်အယ်လ်ဒီဦးဆောင်တဲ့ အစိုးရ၊ အောက်က ယန္တရားကတော့ အရင်တုန်းက ကျန်ခဲ့တဲ့ ဗျူရိုကရေစီယန္တရား၊ အရင်ပုံစံအတိုင်း ရှိနေသေးတယ်ပေါ့နော်။ နောက်ထပ်တခု ကိုသီဟပြောသလိုမျိုး၊ တကယ်ကော အမျိုးသားရင်ကြားစေ့ရေးကို တကယ်ထိခိုက်နိုင်လားပေါ့။ ဟိုအရင်တုန်းက ဗမာပြည်မှာ ဆင်ဆာရှစ်တွေ၊ ဆင်ဆာတွေလုပ်ခဲ့တာ အဓိက တိုင်းရင်းသားစည်းလုံးညီညွတ်မှု ပြိုကွဲမှာစိုးလို့။ အဲတော့ နောက်နောင်ကော ဒီလိုမျိုး လာပြီးတော့ ရှေ့လျှောက် ၂၁ ပင်လုံ၊ ဒါမှမဟုတ် တိုင်းရင်းသားစည်းလုံးညီညွတ်ရေးကို ပြိုကွဲမှာ ဆိုပြီးတော့ နောက်ထပ်များ ချုပ်ကိုင်မှုတွေ ဖြစ်လာနိုင်လား၊ စိုးရိမ်စရာရှိလား၊ အဲဒါလေးကို ဖြည့်စွက်ပြောပေးပါဦး။" ကိုသီဟ (အယ်ဒီတာ၊ 7 Day ဂျာနယ်) “တိုင်းရင်းသားစည်းလုံးညီညွတ်ရေး ပြိုကွဲမှာစိုးလို့ဆိုတဲ့ အကြောင်းပြချက်ကတော့ ကျနော်တို့ ဦးနေ၀င်း အာဏာရှင်၊ ဦးသန်းရွှေ အာဏာရှင်ခေတ်ကတည်းက ကြားခဲ့တဲ့စကား။ အဲဒီစကားကို ကျနော်တို့ ဒီမိုကရေစီအစိုးရလို့ခေါ်တဲ့ လူထုတင်လိုက်တဲ့ ဒီချုပ်အစိုးရ လက်ထက်မှာလည်း တိုင်းရင်းသားစည်းလုံးညီညွတ်ရေးကို ထိခိုက်မှာစိုးလို့ဆိုတဲ့ အကြောင်းပြချက်ကို အမျိုးသားရင်ကြားစေ့ရေးဆိုပြီး ပြောင်းသွားတယ်ပေါ့နော်။ ဆိုတော့ နောက်တခေါက် ထပ်ကြားလာရပြန်ပြီ။ အိုခေ ဒါဆို တိုင်းရင်းသားစည်းလုံးညီညွတ်ရေးကို ဘယ်အချက်တွေက ထိခိုက်မှာလဲ။ ဘယ်အချက်တွေက မထိခိုက်နိုင်ဘူးလဲ။ ဒီဇာတ်ကားသည် မိသားစုတစုရဲ့ အာဏာရှင်တယောက်ရဲ့ သူ့ရဲ့အတ္တ၊ သူ့ရဲ့မနာလိုမှုရဲ့ သူ့ရဲ့အတ္တစွဲတွေကြောင့် ပြိုကွဲသွားတဲ့ မိသားစုတစုရဲ့ အကြောင်းလေးကို ပုံဖော်ထားတဲ့ဇာတ်လမ်း၊ အဲဒါကိုကြည့်ရုံနဲ့ တိုင်းရင်းသားစည်းလုံးညီညွတ်ရေးကို သွားပြီး ထိခိုက်နိုင်တယ်လို့ ယူဆတယ်ဆိုရင် တိုင်းရင်းသားတွေကပဲ အဲဒီလောက်ထိ ကလေးဆန်နေလားလို့၊ တိုင်းရင်းသားတွေရဲ့ ရင့်ကျက်မှုကို သူတို့ လျှော့တွက်တယ်လို့ ကျနော်တို့ ယူဆလို့ရတယ်။ ဘာလို့လဲဆိုတော့ သီပေါစော်ဘွား စ၀်ကြာဆိုင်ရဲ့ အမျိုးအရင်းပေါ့နော်။ ဦးခွန်ထွန်းဦးဆိုရင် အက်စ်အန်အယ်လ်ဒီ ဥက္ကဋ္ဌ၊ သူကိုယ်တိုင်က ပြောခဲ့တဲ့စကား ရှိတယ်လေ။ ဇာတ်လမ်းက အမှန်အတိုင်း ရေးထားတာပဲတဲ့။ ရိုက်ကူးတယ်၊ ပြသတယ်၊ ခံရတဲ့သူက အခုထိ သေလား ရှင်လား မသိဘူး။ သူ့သားသမီးတွေလည်း ငယ်ငယ်ကတည်းက သူတို့အဖေကို ၅ နှစ်၊ ၇ နှစ်လောက် အရွယ်ကတည်းက မတွေ့တော့ဘူး။ စည်းလုံးညီညွတ်ရေးကို ပျက်ပြားစေတယ်ဆိုတာ ယုတ္တိမရှိဘူးတဲ့။ ဆိုတော့ ဒီကားရိုက်လိုက်လို့ ဒါလေးပြရုံနဲ့ တိုင်းရင်းသား စည်းလုံးညီညွတ်ရေးကို ပျက်ပြားတယ် ဆိုတာကတော့ ယုတ္တိမရှိဘူးလို့ ကျနော်ကတော့ ပြောလိုတယ်ဆိုပြီး ဦးခွန်ထွန်းဦး ကိုယ်တိုင်ကလည်း ဒါကိုပြောထားတာ။ ဒါ တိုင်းရင်းသားခေါင်းဆောင်တယောက်ဆိုလည်း ဟုတ်တယ်။ ရှမ်းတိုင်းရင်းသားတယောက်၊ မိသားစုနဲ့လည်း ထဲထဲဝင်ဝင် ပတ်သက်ထားတဲ့ အမျိုးအရင်းက ဒီစကားပြောတယ်။ ကျန်တဲ့ တိုင်းရင်းသားတွေမေးရင်လည်း သူတို့ ဒီလိုပဲပြောလိမ့်မယ်လို့ ကျနော်တို့ ဒီလိုပဲ ယုံကြည်တယ်။ ဘာကြောင့်လဲဆိုတော့ သူတို့ရဲ့ နိုင်ငံရေးအမြင်၊ နိုင်ငံရေးအသိသည် ဒီဇာတ်ကားတကားကြောင့်တော့ ပျက်ပြယ်သွားမှာတော့ မဟုတ်ပါဘူး။” ဦးတိုးဇော်လတ် (ဒီဗွီဘီ) "ဟုတ်ကဲ့ခင်ဗျာ။ ကျနော် တပ်မတော်နဲ့ ပတ်သက်လို့ ပြောချင်ပါတယ်။ တကယ်တမ်းကျတော့ ဒီဟာဖြစ်ခဲ့တာ အရင်အာဏာရှင် ဦးနေ၀င်းလက်ထက်ပေါ့နော်။ ၆၂ အာဏာသိမ်းတယ်၊ ဖြစ်ခဲ့တာ ၆၄ လောက်က။ အဲဒါကို အခုထက်ထိ တပ်မတော်ရဲ့ ဂုဏ်သိက္ခာ ညှိုးနွမ်းစေမယ်၊ အဲဒီကြားထဲမှာ တပ်မတော် Generation လည်း သုံးလေးခုလောက် ပြောင်းလာပြီပေါ့ဗျာ။ ၈၈ ကနေ ၂၀၁၀၊ ၂၀၁၀ ကနေ ၂၀၁၅၊ တကယ်တမ်းကျတော့ တပ်မတော် ဂုဏ်သိက္ခာကို ကာကွယ်ရင်း ကာကွယ်ရင်းနဲ့ လူတွေက ပိုပြီး ထိခိုက်နစ်နာသွားသလားလို့၊ အဲဒါနဲ့ပတ်သက်လို့ကော ဒါကို ဆင်ဆာလုပ်တဲ့အပေါ်မှာ တပ်မတော်နဲ့ ပတ်သက်လာရင် ဘယ်လိုမျိုး သဘောထားရှိလဲ၊ တပ်မတော်ဘက်ကကော ဘယ်လိုမျိုး အထိမခံ ဖြစ်နေတာလား၊ ဒါမှမဟုတ် ပိုပြီး ဆိုးသွားတာလား၊ အဲဒါလေးကို နည်နည်းဖြည့်စွက်ပြီး ဆွေးနွေးပေးပါဦးခင်ဗျ။" သာလွန်ဇောင်းထက် (အယ်ဒီတာ၊ ဧရာဝတီသတင်းဌာန) “အဓိက ဒေါ်အောင်ဆန်းစုကြည် အစိုးရနဲ့ တပ်မတော်နဲ့ ဆက်ဆံရေးပေါ့နော်။ တပ်မတော်နဲ့ ဆက်ဆံရေးမှာ တပ်မတော်ကို တိုင်းရင်းသားတွေဘက်က အမြဲတမ်း ပြောခဲ့တဲ့စကားရှိတယ်။ ဘာလဲဆိုတော့ ဒေါ်အောင်ဆန်းစုကြည် အစိုးရဟာ တပ်မတော်နဲ့ အဆင်ပြေဖို့ ဦးစားပေး လုပ်ရင်းလုပ်ရင်းနဲ့ တိုင်းရင်းသားတွေနဲ့ ဝေးကွာလိမ့်မယ်ဆိုပြီးတော့ ၂၀၁၅ မတိုင်ခင်ကတည်းက တိုင်းရင်းသားခေါင်းဆောင်တွေ ပြောခဲ့တဲ့စကား ရှိတယ်။ အဲတော့ အခု ဒီကားဆိုရင်လည်း သာမန် ရုပ်ရှင်ကားလေး တခုပေါ့နော်။ ဒီ သာမန်ရုပ်ရှင်ကားလေးတခုမှာ ဗိုလ်ချုပ်နေ၀င်းကနေပြီးတော့ အတ္တကို အခြေခံပြီးတော့ သီပေါစော်ဘွားကို ထိန်းသိမ်းလိုက်ပြီးတော့ သတ်ပစ်လိုက်တာလား၊ ဘယ်လိုဖြစ်သွားလဲပေါ့၊ အခုချိန်ထိ ဘာမှ ရေရေရာရာ မသိရဘူးပေါ့နော်။ ဒီလိုဇာတ်ကားလေး တခုကိုတောင်မှ သမိုင်းမှန် တင်ပြနိုင်ဖို့ ခက်ခဲတယ်ဆိုရင် ၁၉၆၂ ကနေပြီးတော့ ၁၉၈၈ စစ်တပ်အာဏာသိမ်းပြီးတော့ ၂၀၁၀ ထိ တောက်လျှောက်အုပ်ချုပ်လာတဲ့ စစ်အာဏာရှင်လက်အောက်မှာ သမိုင်းအမှန်ကို ဘယ်လိုရေးမလဲပေါ့နော်။ သာမန်ရုပ်ရှင်ကားလေး တကားတောင်မှ ဒီလိုဖြစ်နေရင် ၁၉၆၂ ကနေပြီးတော့ ၂၀၁၀ ထိ နှစ်ပေါင်း ၅၀ ကြာခဲ့တဲ့ ဇာတ်လမ်းကတော့ သမိုင်းအမှန် ဘယ်လိုဖြစ်မှာလဲပေါ့နော်။ ဒါ အားလုံးကလည်း စိတ်ဝင်စားတယ်။ ဒီလိုပဲ တပ်မတော်ကို ကောင်းပါတယ်ချည်းပဲ ကျနော်တို့က ပြောရမလားပေါ့နော်။ အဲဒါကတော့ မေးခွန်းထုတ်စရာပေါ့။” ဦးတိုးဇော်လတ် (ဒီဗွီဘီ) "နောက်တခုကတော့ တာဝန်ခံမှုပေါ့။ ဒုတိယအမြဲတမ်းအတွင်းဝန် ဦးမျိုးမြင့်မောင်က ပြောပါတယ်။ ဒီဟာ ပြန်ကြားရေးကလုပ်တာ မဟုတ်ဘူး။ Film Censor Board က လုပ်တာပေါ့။ အဲလိုပဲ ဦးရဲထွဋ် ပြန်ကြားရေးဝန်ကြီးဟောင်းက ရေးပါတယ်။ တကယ်တော့ ပြန်ကြားရေးဝန်ကြီး လက်ရှိ ဒေါက်တာဖေမြင့်ပေါ့၊ သူကသာ အဓိက ဆုံးဖြတ်ရတာပေါ့နော်။ အဲတော့ တကယ်တမ်းကျတော့လည်း ပြန်ကြားရေးကလုပ်တာ မဟုတ်ဘူး။ ဖလင်က လုပ်တာမဟုတ်ဘူး။ အဲဒါနဲ့ ပတ်သက်လို့ကော တကယ်တမ်း အခုလိုမျိုး အငြင်းပွားမှု ဖြစ်လာတဲ့ အခါမှာကျတော့ တကယ်တာဝန်ခံမှုက ဘယ်သူရှိသလဲ။ နောက်တခုက တကယ်တမ်းပဲ လျော့လျော့ရဲရဲနဲ့ ဘယ်သူတာဝန်ခံတဲ့ အုပ်ချုပ်ရေးယန္တရား တော်တော်လေးကို တည်လို့မရဘူး ဖြစ်နေလား။ အဲဒါနဲ့ပတ်သက်လို့ ဘယ်သူက တကယ်တမ်း တာဝန်ရှိတယ်၊ တာဝန်ခံမှာလဲ၊ နောက်နောင် ထပ်ဖြစ်လာရင်တော့ ဘယ်သူက ဒီဟာကို ဦးတည်ဖြေရှင်းပေးမှာလဲ၊ အဲဒါနဲ့ပတ်သက်လို့ကော နည်းနည်းဖြည့်စွက် ဆွေးနွေးပေးပါဦး။" ကိုသီဟ (အယ်ဒီတာ၊ 7 Day ဂျာနယ်) “ဘယ်လိုဖြစ်သွားလဲဆိုတော့ ကျနော်တို့ အဲလို ပြောကြကြေးဆို ဒါ ဒုတိယအမြဲတမ်းအတွင်းဝန် ဦးမျိုးမြင့်မောင်က ဆင်ဆာဘုတ်က ဆုံးဖြတ်လိုက်တာ၊ ၀န်ကြီးဌာနက ဆုံးဖြတ်တာ မဟုတ်ဘူးဆိုတော့ ကျနော်တို့ ဆင်ဆာဘုတ်ကို ပြန်ကြည့်ရအောင်။ ဆင်ဆာဘုတ်မှာ ကျနော်တို့ ဘယ်သူတွေပါလဲ၊ ဆင်ဆာဘုတ်ရဲ့ ဒု-ဥက္ကဋ္ဌသည် ပြန်ကြားရေးနဲ့ ပြည်သူ့ဆက်ဆံရေးဦးစီးဌာနက ဒုတိယညွှန်ကြားရေးမှူးချုပ်၊ ၀န်ကြီးဌာနကနေ High Ranking Level Officer က ဆင်ဆာဘုတ်မှာ ဒု-ဥက္ကဋ္ဌ ဖြစ်နေတယ်။ ပြီးတော့ ဆင်ဆာဘုတ်သည် Independent Body ဟုတ်မဟုတ်၊ ဆင်ဆာဘုတ်က ဒါကို ဆုံးဖြတ်ပြီးတော့မှ ဒီလိုလုပ်လိုက်တာပါဆို။ ဆင်ဆာဘုတ်က လုံးဝ Independent Body ဖြစ်နေလား။ တချက်သွားပြန်ကြည့်လို့ရတယ်။ ပြန်ကြားရေးဝန်ကြီးဌာနရဲ့ လောင်းရိပ်အောက်မှာ လုံးဝမရှိဘူးလား။ အဲဒါ ဦးမျိုးမြင့်မောင်တို့ ဖြေပေးဖို့လိုတယ်။ ဆင်ဆာဘုတ်သည် အရမ်းလွတ်လပ်ပြီးတော့ သူ့ဘာသူ Independent Body ဖြစ်ပါတယ်ဆိုရင် ဒီဟာကို ကျနော်တို့ လက်ခံနိုင်တယ်။ ဆင်ဆာဘုတ်သည် Semi Government ဖြစ်နေတာလား။ ပြန်ကြားရေးဝန်ကြီးဌာနရဲ့ လောင်းရိပ်အောက်မှာ  ရှိနေတယ်ဆိုရင် ငါကထိုးတာမဟုတ်ဘူး၊ ငါ့လက်ကထိုးလိုက်တာဆိုတဲ့ စကားလိုပဲ အရမ်းရယ်စရာကောင်းတဲ့ အကြောင်းပြချက်ကြီး ဖြစ်နေတယ်။” သာလွန်ဇောင်းထက် (အယ်ဒီတာ၊ ဧရာဝတီသတင်းဌာန) “ကျနော် အဲဒါနဲ့ပတ်သက်ပြီးတော့ နည်းနည်းပြောချင်သေးတယ်။ သူက အခုချိန်မှာပေါ့ ကိုတိုးဇော်လတ်ပြောသလို ဘယ်သူမှ တာဝန်ခံပြီးတော့မှ မပြောကြဘူးပေါ့နော်။ ဟိုလူ့လွှဲချ၊ ဒီလူ့လွှဲချ လုပ်ကြတယ်ပေါ့။ ဆိုတော့ ဒါပေမယ့် နိုင်ငံတကာအနေနဲ့ ကြည့်ရင်ကော၊ လိုကယ်အနေနဲ့ ကြည့်ရင်ကော၊ တိုင်းရင်းသားအမြင်နဲ့ ကြည့်ရင်ကော ဒီအချိန်မှာ အုပ်ချုပ်နေတဲ့အစိုးရက ဒေါ်အောင်ဆန်းစုကြည် ဦးဆောင်တဲ့ အန်အယ်လ်ဒီအစိုးရ။ အဲတော့ သူတို့လက်ထက်မှာ သူတို့ အာဏာရယူထားတဲ့အချိန်မှာ ဖြစ်တဲ့အတွက်ကြောင့်မို့ အစိုးရ ပထမဆုံး ရက်တရာအတွင်းမှာ သူတို့နာမည်ပျက်စေတဲ့ သူတို့ရဲ့ဂုဏ်သိက္ခာကို ထိခိုက်စေတဲ့ သမိုင်းအမည်းစက်တခုတော့ စပြီးဖြစ်သွားပြီပေါ့။ အဲဒီတော့ ဘယ်သူ့မှာတာဝန်ရှိတယ်ဆိုတာ အချင်းချင်းငြင်းကြပေမယ့် တကယ်တမ်း တာဝန်ရှိတာကတော့ ဒေါ်အောင်ဆန်းစုကြည်ဦးဆောင်တဲ့ အန်အယ်လ်ဒီအစိုးရလက်ထက် ရက်တရာအတွင်းမှာ ဖြစ်ပျက်ခဲ့တယ်ဆိုတာတော့ သမိုင်းမှတ်တမ်းတွင်သွားပါပြီ။” ဦးတိုးဇော်လတ် (ဒီဗွီဘီ) "ဘာပဲပြောပြော ဒါ အစိုးရသစ် ပြောင်းလဲချိန်တန်ပြီဆိုပြီး တက်လာတဲ့ အစိုးရသစ်၊ နောက်တခုကလည်း ကျနော်တို့ အန်အယ်လ်ဒီ ရွေးကောက်ပွဲ ကြေညာစာတမ်း ၁၃ ချက်မှာလည်း ကျနော်တို့ မီဒီယာရဲ့ အခန်းကဏ္ဍကို အသိအမှတ်ပြုထားတာ ရှိတယ်။ ဒီမှာတော့ ဒီဆင်ဆာရှစ်တခုကြောင့် ဒီဟာရဲ့ဟာကိုလည်း နည်းနည်းတော့ ပြောစရာဖြစ်သွားတာပေါ့နော်။ နောက်တခုကလည်း ကျနော်တို့ အမျိုးသားရင်ကြားစေ့ရေးနဲ့ ပတ်သက်လို့ ကိုသာလွန်ပြောတယ်၊ အမျိုးသားရင်ကြားစေ့ဖို့ဆိုတာ တချို့နိုင်ငံတွေမှာ ရင်ကြားစေ့ရေးကော်မတီလို့တောင် မခေါ်ပါဘူး။ သမိုင်းအမှန် ပေါ်ပေါက်ရေး ကော်မတီပေါ့။ သမိုင်းအမှန်ပေါ်ပေါက်ဖို့က မီဒီယာအခန်းကဏ္ဍ လိုတယ်။ စောစောကလိုမျိုး ရုပ်ရှင်ကဏ္ဍ၊ အနုပညာကဏ္ဍ ဘက်ပေါင်းစုံပေါ့နော်။ တကယ်လွတ်လပ်နေဖို့ လိုတယ်။ Independent နဲ့ မှန်မှန်ကန်ကန် တင်ပြနိုင်ဖို့ အဲဒီအတွက်ပေါ့၊ ကျနော်တို့ ဗမာပြည်မှာကော တကယ်တမ်း သမိုင်းတွေကတော့ တယောက်တမျိုးပေါ့ဗျာ။ တပ်မတော်ကလုပ်တဲ့ သမိုင်းရှိတယ်၊ ပြည်ထောင်စုအစိုးရလုပ်တဲ့ သမိုင်းရှိတယ်။ လူမျိုးစုတွေက တင်တဲ့သမိုင်းတွေ ရှိတယ်။ သမိုင်းတွေက တခုနဲ့တခုကတော့ အပြိုင်အဆိုင်ဖြစ်နေတဲ့ သမိုင်းတွေပေါ့။ တကယ်တမ်း အဲဒါတွေ မရှိဘဲနဲ့ကော၊ တကယ်တမ်း မီဒီယာလွတ်လပ်ခွင့် မရှိဘဲနဲ့ သမိုင်းအမှန်တွေ ပေါ်ပေါက်နိုင်ပါ့မလား၊ ရင်ကြားစေ့ရေးကို ဦးတည်နိုင်ပါ့မလား။ အဲဒါလေးကိုလည်း ဖြည့်စွက်ပြီး ပြောပေးပါဦးခင်ဗျ။" ကိုသီဟ (အယ်ဒီတာ၊ 7 Day ဂျာနယ်) “တခုပေါ့ ကိုသာလွန်ပြောခဲ့တဲ့ စကားလေးတခုကို ကျနော်သဘောကျပါတယ်။ ဒီဇာတ်ကားလေး ပြဖို့တောင် အဲလောက်ဖြစ်နေရင် ကျနော်တို့ သမိုင်းအမှန်ကို ဘယ်လိုသိရမလဲ။ ကျနော်တို့ငယ်ငယ်တုန်းက သင်ခဲ့ရသလို ဦးနေ၀င်း အိမ်စောင့်အစိုးရ လက်ထက်မှာက ရန်ကုန်မြို့တော်ကြီးကို သန့်ရှင်းအောင်၊ သာယာအောင်၊ လှပအောင် လုပ်ပေးခဲ့တယ်။ သာကေတ၊ သုဝဏ္ဏ၊ သင်္ဃန်းကျွန်း၊ မြောက်ဥက္ကလာ၊ တောင်ဥက္ကလာဆိုတဲ့ မြို့သစ်တွေတိုးချဲ့ပြီး ကျူးကျော်တွေကို အဆင်ပြေအောင် လုပ်ပေးခဲ့တယ်။ အရမ်းကိုကောင်းခဲ့တဲ့ အိမ်စောင့်အစိုးရကြီး၊ ပြီးတော့မှ တိုင်းရင်းသားတွေရဲ့ ဖက်ဒရယ်မူတွေ တောင်းဆိုလို့ စစ်တပ်က မလွှဲမရှောင်သာဘဲနဲ့ အာဏာသိမ်းခဲ့ရတယ်။ အဲဒါတွေကို ကျနော်တို့က ဒီမိုကရေစီအစိုးရ လက်ထက်မှာ နောက်လာမယ့် ကလေးတွေက အဲဒါတွေကို ပြန်ကျက်နေရဦးမှာလား၊ ဦးနေ၀င်း တကယ်မလုပ်ခဲ့ဘူးလား၊ ရှမ်းစော်ဘွားတွေကို သူ မဖမ်းခဲ့ဘူးလား။ စ၀်ရွှေသိုက် ထောင်ထဲမှာ သေခဲ့ရတယ်။ စ၀်ကြာဆိုင် သေသလား ရှင်သလား ဘယ်မှာသေသွားမှန်းတောင် မသိလိုက်တဲ့ အဖြစ်တွေ။ တခြားတခြားသော စော်ဘွားတွေ၊ အနေတတ်တဲ့ စော်ဘွားတွေကတော့ ပြန်လွတ်လာတယ်။ ကိုယ့်အိမ်မှာ အေးအေးဆေးဆေးသေသွားတယ်။ တချို့တွေ အဲလို အများကြီးပဲဖြစ်ခဲ့တယ် ဆိုတာတွေက ဒါ ကျနော်တို့ သမိုင်းအမှန်ပဲ။ ဘယ်သူမှ မလီဆယ်ထားဘူး။ ဘယ်သူမှ မဖြစ်ဘဲနဲ့ ဖြစ်တယ်လို့ မပြောထားဘူး။ သူတို့ တကယ်ခံခဲ့ရတဲ့ မိသားစုတွေ ရှိနေပါသေးတယ်။ မေးကြည့်လို့လည်း ရတယ်။ အဲဒါကိုတောင်မှ အခုလိုဖြစ်နေတဲ့အခါကျတော့ ဒါကို ကျနော်တို့ ဖော်ပြခွင့်မရှိဘူးလား။ မီဒီယာကကော ရုပ်ရှင်ဆိုတာလည်း မီဒီယာတမျိုးပဲလေ။ အဲဒါကို ကျနော်တို့ ပြသခွင့်မရှိဘူးလား။ ကျနော်တို့ ကြည့်ခွင့်မရှိဘူးလား။ ကျနော်တို့ ဒါကို ပြည်သူက သိခွင့်မရှိဘူးလား။ စာဖတ်တဲ့အသိုင်းအ၀ိုင်းနဲ့ စာဖတ်တဲ့အတန်းအစား တခုကတော့ စ၀်ကြာဆိုင်ရဲ့ ဘ၀နောက်ကြောင်းကို သိတယ်ဆိုပေမယ့် တချို့ စာမဖတ်ဘူးလို့တော့ ကျနော်မဆိုလိုဘူး၊ နည်းနည်း ဒီစာအုပ်တွေနဲ့ အလှမ်းဝေးတဲ့ မိသားစုတွေသည် သီပေါစော်ဘွားဆိုတာ ဘာမှန်းတောင် မသိဘူး။ သီပေါမင်းနဲ့တောင် မှားချင်မှားနေနိုင်တဲ့ အခြေအနေမှာ ဒါလေးတခုကို ပြခြင်းအားဖြင့် အော် ဒါ အာဏာရှင်စနစ်ရဲ့ အမွေဆိုးတခုပါလား ဆိုတာလေး သိလိုက်ရင်ကို ရပြီ။ ဒါကို ဖော်ပြခွင့်မရှိတဲ့အတွက် ကျနော်တို့ကတော့ နောက်ပိုင်းသမိုင်းမှာ နည်းနည်းလေး အရမ်းကြီး ပုံကြီးချဲ့ကား ပြောတယ်လို့ ယူဆမယ်ဆိုရင်လည်း ယူဆလို့တော့ ရပါတယ်။ ဒါပေမယ့် ဒါက အစပိုင်းလိုဖြစ်နေတော့ စိတ်ထဲမှာတော့ နည်းနည်းရင်လေးတာပေါ့ဗျာ။”