ဘင်ဖီကာ ကွင်းလယ်လူ ဂိုက်တန်ကို အက်သလက်တီကိုမက်ဒရစ် ခေါ်ယူ

နီကိုလပ်စ် ဂိုက်တန်(၀ဲ)။ (ဓာတ်ပုံ - ရိုက်တာ)
စပိန်လာလဂီဂါကလပ် အက်သလက်တီကို မက်ဒရစ်အသင်းက ဘင်ဖီကာ ကွင်းလယ်ကစားသမား နီကိုလပ်စ် ဂိုက်တန်ကို ခေါ်ယူဖို့ သဘောတူညီချက် ရသွားပါတယ်။ တီကိုက ကွင်းလယ်လူ ဂိုက်တန်ကို ပေါ်တူဂီကလပ်ကနေ ပေါင် ၁၉ သန်းကျော်နဲ့ ခေါ်ယူလိုက်တာပါ။ မန်ယူကလည်း အသက် ၂၈ နှစ်အရွယ် ဂိုက်တန်ကို ခေါ်ယူဖို့ ချိတ်ဆက်မှုတွေ လုပ်ခဲ့ပါတယ်။ အာဂျင်တီးနားလက်ရွေးစင် ကစားသမားဟာ ကိုပါဖလား ပြိုင်ပွဲအပြီးမှာ တီကိုအသင်းကို သွားရောက်မှာပါ။ သူဟာ ဘင်ဖီကာအသင်းမှာ ကစားတဲ့ ၆ နှစ် သက်တမ်းအတွင်း ပွဲပေါင်း ၂၀၀ ကစားပြီး ၃၂ ဂိုး သွင်းယူပေးထားပါတယ်။ ဘင်ဖီကာနဲ့အတူ ပေါ်တူဂီ အမှတ်ပေးလိဂ် ချန်ပီယံဆုကို ၃ နှစ်ဆက်တိုက် ရရှိထားသလို ယူရိုပါလိဂ်မှာတော့ ၂ ကြိမ် ဒုတိယ ရထားပါတယ်။ ဂိုက်တန်ဟာ အာဂျင်တီးနားကလပ် ဘိုကာဂျူနီယာကနေ ၂၀၁၀ မှာ ဘင်ဖီကာကို ရောက်ရှိလာသူ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up