ငါးရံ့တကောင်ရဲ့ရင်ဖွင့်သံ ဆောင်းပါးအမှု ဒုတိယအကြိမ်စစ်ဆေး
DVB
·
June 7, 2016
တနင်္သာရီတိုင်းအခြေစိုက် ဂျာနယ်ဖြစ်တဲ့ တနင်္သာရီဂျာနယ်ပါ ငါးရံ့တကောင်ရဲ့ ရင်ဖွင့်သံ ဆောင်းပါးရေးသားသူကို ပုဒ်မ ၅၀၀ အသရေဖျက်မှုနဲ့ တရားစွဲဆိုထားတဲ့အမှုကို ဇွန်လ ၇ ရက်နေ့က တနင်္သာရီတိုင်း ရေဖြူမြို့နယ်တရားရုံးမှာ စတင်ကြားနာ စစ်ဆေးပါတယ်။
တရားစွဲဆိုထားတဲ့ တရားလိုဖြစ်သူ Delco သတ္တုတူးဖော်ရေး ကုမ္ပဏီက လူမှုစီးပွား ပြည်သူ့ဆက်ဆံရေးတာဝန်ခံ ဦးဝင်းဦးကို မြို့နယ်တရားသူကြီးရှေ့မှာ နှစ်ဖက်ရှေ့နေတွေ စတင်စစ်ဆေးနေတာပါ။
တရားစွဲဆိုခံရသူ တရားပြိုင် ဆောင်းပါးရှင် ဦးအောင်လွင် (ကံပေါက်သား) မှ တရားခွင်ကို လာရောက်ကြားနာခဲ့ရပါတယ်။ မြို့နယ် တရားသူကြီး ဦးထွန်းကျော်က အဆိုပါအမှုကို ကြားနာ စီရင်ဆုံးဖြတ်မှာဖြစ်ပါတယ်။
အသရေဖျက်မှုနဲ့ စွဲဆိုခံထားရတဲ့ ငါးရံ့တကောင်ရဲ့ ရင်ဖွင့်သံဆောင်းပါကို မေလ ၉ ရက်နေ့က အပတ်စဉ်ထုတ် တနင်္သာရီ ဂျာနယ်မှာဖော်ပြခဲ့တာပါ။
မေလ ၁၇ ရက်နေ့အရောက်မှာတော့ Delco သတ္တုတူးဖော် ရေး ကုမ္ပဏီက တရားလိုက မြို့နယ်တရားရုံးမှာ ဦးတိုက် တရားစွဲဆိုခဲ့ပါတယ်။ပထမရုံးချိန်းကိုတော့ မေလ ၂၄ ရက်နေ့က ကြားနာခဲ့ပြီး ဇွန်လ ၇ ရက်နေ့မှာတော့ ဒုတိယရုံးချိန်းအနေနဲ့စစ်ဆေးနေတာပါ။
သတင်းနှင့်ဓာတ်ပုံ - ကျော်စိုး
မေလ ၁၇ ရက်နေ့အရောက်မှာတော့ Delco သတ္တုတူးဖော် ရေး ကုမ္ပဏီက တရားလိုက မြို့နယ်တရားရုံးမှာ ဦးတိုက် တရားစွဲဆိုခဲ့ပါတယ်။ပထမရုံးချိန်းကိုတော့ မေလ ၂၄ ရက်နေ့က ကြားနာခဲ့ပြီး ဇွန်လ ၇ ရက်နေ့မှာတော့ ဒုတိယရုံးချိန်းအနေနဲ့စစ်ဆေးနေတာပါ။
သတင်းနှင့်ဓာတ်ပုံ - ကျော်စိုး
