ရန်ကုန်မြို့ထဲမှာ ယာဉ်ကြောရှုပ်ထွေးမှုပြဿ နာတွေကို ဖြေရှင်းနိုင်ဖို့နဲ့ ယာဉ်အန္တရာယ် ဖြစ်ပွားမှုတွေကို လျှော့ချနိုင်ဖို့ရည်ရွယ်ပြီး ယာဉ်စည်းကမ်းလမ်းစည်းကမ်း ထိန်းသိမ်းရေးလုပ်ငန်းတွေကို ရက် ၁၀၀ စီမံကိန်းတွေ ချမှတ်ပြီး လုပ်ဆောင်နေပါတယ်။ ယာဉ်ကြောရှုပ်ထွေးတဲ့နေရာတွေမှာ ယာဉ်ထိန်းရဲအင်အားတွေ တိုးမြှင့်ချထားတဲ့ အပြင် အမျိုးသမီးယာဉ်ထိန်းရဲမေတွေပါ နေရာအနှံ့ယာဉ်ကြောရှင်းလင်းမှုတွေ လုပ်ဆောင်နေကြတာပါ။ ယာဉ်ကြောရှုပ်ထွေးမှုတွေကို လျှော့ချနိုင်ဖို့အတွက် ၂ လမ်းသွားတွေကို အခု ၁ လမ်းမောင်း စနစ်တွေ စတင်ပြုလုပ်နေပြီ ဖြစ်ပါတယ်။ အနော်ရထာလမ်းနဲ့ မဟာဗန္ဓုလလမ်းကြား ရွှေတိဂုံဘုရားလမ်းကိုလည်း ယာဉ်ကြောကြပ်တည်း မှုတွေ လျှော့ချနိုင်ဖို့ရည်ရွယ်ပြီး တလမ်းမောင်းစနစ်ပြုလုပ်နေတယ်လို့ ရန်ကုန်တိုင်းဒေသကြီး အမှတ် ၂ ယာဉ်ထိန်းရဲတပ်ဖွဲ့ခွဲမှူးရုံးက ပြောပါတယ်။