အစိုးရက မြန်မာနိုင်ငံသားဟောင်းများကို ဗီဇာလွယ်ကူရေးဆောင်ရွက်ပေးမည်
DVB
·
May 26, 2016
နိုင်ငံရေးယုံကြည်ချက်ကြောင့် ပြည်ပနိုင်ငံတွေဆီ ရောက်ရှိနေတဲ့ မြန်မာနိုင်ငံသားဟောင်း တွေ ပြည်ဝင်ခွင့်ဗီဇာ လွယ်ကူစွာရရှိရေးနဲ့ ပြည်နေခွင့်ပိုမိုရရှိရေးကို ဦးစားပေး ဆောင်ရွက်မယ်လို့ နိုင်ငံခြားရေးဝန်ကြီးဌာနက ထုတ်ပြန်ပါတယ်။
မြန်မာနိုင်ငံသားဟောင်းတွေရဲ့ စွမ်းအားအရင်းအမြစ်တွေကို နိုင်ငံတည်ဆောက်ရေးမှာ ပါဝင်လာစေဖို့ဖြစ်တယ်လို့ နိုင်ငံခြားရေးဝန်ကြီးဌာနရဲ့ ရက် ၁၀၀ စီမံချက် ပတ်သက်ပြီး အစိုးရ ပြန်ကြားရေးက ထုတ်ပြန်လိုက်တာပါ။
နိုင်ငံခြားရေးဝန်ကြီးဌာန၊ ပြည်ထောင်စု ဒု-၀န်ကြီး ဦးကျော်တင်က “ပြည်ပရောက် နိုင်ငံသားဟောင်းတွေပေါ့နော် သူတို့တွေမြန်မာနိုင်ငံကိုလာမယ်ဆိုရင် ၂၈ ရက်လောက်ပဲ ခွင့်ပြု တဲ့ social visit (လူမှုရေးအလည်အပတ်) ပေါ့။ အဲဒါထက် ပိုမိုကြာကြာ သုံးလတန်သည်၊ ၆ လတန်သည် တိုးမြှင့်ပြီး ကြာကြာနေခွင့်ရဖို့၊ သူတို့လျှောက်လွှာတွေနဲ့ပတ်သက်ပြီးတော့ ပိုမို လွယ်ကူလျှင်မြန်သွက်လက်စေဖို့ ဖြေလျှော့ပေးမှုတွေ သက်ဆိုင်ရာဝန်ကြီးဌာနနဲ့ ညှိနှိုင်း ဆောင်ရွက်သွားဖို့ လုပ်နေတာတွေ ရှိပါတယ်။”
“ပြည်ပမှာ နိုင်ငံခြားအတွေ့အကြုံတွေရှိတယ်။ အဲလိုနိုင်ငံကနေပြီးတော့ စီးပွားရေးဘက်မှာရော၊ ပညာရေးဘက်မှာရော၊ အဲလိုလူမျိုးတွေ မြန်မာနိုင်ငံကို ဖိတ်ခေါ်ပြီးတော့ ကျနော်တို့အနေနဲ့ နိုင်ငံတော် တည်ဆောက်ရေးထဲမှာ အသုံးပြုနိုင်အောင်လို့ သက်ဆိုင်ရာဝန်ကြီးဌာနဲ့ ညှိနှိုင်း ဆောင်ရွက်သွားမှာဖြစ်ပါတယ်။”
“ရာဇ၀တ်မှုတွေ ကျူးလွန်သွားတာမဟုတ်ဘဲနဲ့ နိုင်ငံရေး ယုံကြည်ချက် သက်သက်နဲ့ဆိုလို့ရှိရင် ပိတ်ပင်ထားတာသက်သက်ဆိုရင် အဲလိုလူတွေ ပြန်လာခွင့်ရအောင် ကျနော်တို့အနေနဲ့ သက်ဆိုင်ရာဝန်ကြီးဌာနတွေနဲ့ညှိနှိုင်းပြီး ရက် ၁၀၀ အတွင်း အဆင်ပြေအောင် ကြိုးပမ်း ဆောင်ရွက်သွားမှာဖြစ်ပါတယ်” လို့ ပြောကြားပါတယ်။
ဒါ့အပြင် ယုံကြည်ချက်ကြောင့် သို့မဟုတ် နိုင်ငံရေးလှုပ်ရှားမှုကြောင့် အမည်မဲစာရင်း (black list) ထည့်သွင်းခံ ထားရသူတွေကို စာရင်းမှထုတ်ပယ်နိုင်ရေး၊ မြန်မာနိုင်ငံဆိုင်ရာ သံရုံးတွေဟာ မိဘအိမ်သဖွယ် ပြည်ပရောက်မြန်မာနိုင်ငံသားတွေ အားကိုးရာ ကြိုးပမ်းဖော်ဆောင်မှုတွေ ကိုလည်း ရက် ၁၀၀ အတွင်း ဦးစားပေးဆောင်ရွက်မယ်လိုို့လည်း ဆိုပါတယ်။
ပြည်ပတွင်လက်ရှိတာဝန် ထမ်းဆောင် နေကြတဲ့ မြန်မာသံအမတ်ကြီးတွေ၊ သံရုံးအကြီးအကဲ တွေကို နေပြည်တော်မှာဖြစ်စေ၊ ပြည်ပမှာဖြစ်စေ မကြာမီ စုပေါင်းခေါ်ယူတွေ့ ဆုံပြီး ပြည်ပရောက် မြန်မာနိုင်ငံသားတွေရဲ့ တရားဝင်အကျိုးစီးပွားတွေ ကာကွယ်ပေးဖို့၊ အစိုးရသစ်ရဲ့ ပြောင်းလဲလာတဲ့ မူဝါဒတွေအသိပေး ပြောကြားဖို့နဲ့ အမြင်ချင်းဖလှယ်ဖို့ ဆောင်ရွက်သွားမယ်လို့ဆိုပါတယ်။
ပြည်ပမှာ နိုင်ငံသားတွေ အလုပ်လုပ်ရာမှာ သက်ဆိုင်ရာအိမ်ရှင် နိုင်ငံတွေရဲ့ ဥပဒေစည်းမျဉ်း တွေ၊ နိုင်ငံတကာ စည်းမျဉ်းစည်းကမ်းတွေနဲ့အညီ ရသင့်ရထိုက်တဲ့ အခွင့်အရေးတွေ၊ အကာအကွယ်တွေ ရရှိအောင် အစွမ်းကုန် ကြိုးပမ်းဆောင်ရွက်ပေးသွားမယ်လို့ဆိုပါတယ်။
နိုင်ငံတကာဆက်ဆံရေးမှာ ချစ်ကြည်ရေးခရီးစဉ်တွေသွားရောက်ရေး၊ သံတမန်တိုးချဲ့ရေး၊ နိုင်ငံခြားသံတမန်တွေ နိုင်ငံတကာအဖွဲ့အစည်တွေ ပြည်တွင်းခရီးသွားလာ၊ ပြည်ဝင်ဗီဇာ၊ ပြည်နေခွင့်တွေ လွယ်ကူစေရေး၊ အစိုးရဝန်ထမ်းများနှင့် ဝန်ကြီးဌာနများအတွက် နိုင်ငံခြားရေးရာ မူဝါဒကော်မတီရဲ့ လုပ်ထုံးလုပ်နည်းတွေ ဖြေလျော့ပေးရေးတွေကိုလည်း အကောင်အထည် ဖော်သွား မယ်လို့ ထုတ်ပြန်ပါတယ်။
ဒါ့အပြင် နိုင်ငံတကာမျက်နှာစာမှာ မြန်မာနိုင်ငံရဲ့ ဂုဏ်သိက္ခာနဲ့ နိုင်ငံတကာပုံရိပ် ပြန်လည် ကောင်းမွန်လာရေးကို နိုင်ငံခြားရေးဝန်ကြီးဌာန အနေနဲ့ အဓိကအလေးပေး ဆောင်ရွက်သွား မယ်လို့လည်းဆိုပါတယ်။