Live
Home
Lead Story
ယောက်ျားတွေကို ညှို့ယူမယ့် နန်းဝေေ၀ထွန်းရဲ့ ဘ၀ကောက်ကြောင်း
DVB
·
May 6, 2016
သူ့နာမည်က နန်းဝေဝေထွန်း၊ သူဟာ ဆွဲဆောင်မှုအားပြင်းတဲ့ ပုံတွေနဲ့ လူမှုကွန်ရက် စာမျက်နှာမှာ နာမည်ကြီးသူ။ “sexy ရဲ့ အဓိပ္ပာယ်က မာယာပေါ့နော်။ ပုံတိုင်းမှာတော့ အားလုံးကို စွဲဆောင်မှုရှိအောင် ရိုက်တယ်။ ဒါပေမယ့် sexy mood ကျတော့ ငါ ယောက်ျားဘယ်နှစ်ယောက်ကို ညှို့ယူနိုင်လဲဆိုတဲ့ ခံစားမှုပေါ့။ အဲဒီ့ mood သွင်းလိုက်တာပေါ့။ ခပ်ရိုင်းရိုင်းပြောရမယ်ဆိုရင် ငါ ယောက်ျားတွေကို ဘယ်လိုညှို့ယူနိုင်၊ ငါ့ကို ကြွေသွားနိုင်တဲ့ အကြည့်မျိုးပေါ့။ အဲလိုမျိုး အကောင်းဆုံး ကြိုးစားတယ်။ ဒါပေမယ့် နန်း မမီသေးဘူးလို့ ထင်တယ်။” သူဟာ ၂၀၁၃ ခုနှစ်မှာ သွားအလှနဲ့ပတ်သက်ပြီး Miss Dental ဆု ရရှိခဲ့ရာကစလို့ မော်ဒယ်လောကထဲကို စတင် ဝင်ရောက်လာခဲ့သူပါ။ အဲဒီ့နောက် အခြားမယ်ဆုတွေကိုလည်း သူ ရရှိခဲ့ပါတယ်။ “Miss Dental 2013, Second Runner of Miss YET ပြီးတော့ The Best Catwalk ဒီမှာ ဂျီးနက်စ် စကင်းကဲပေါ့နော်။ အဲဒီမှာလည်း ညီမ The Best Catwalk သုံးပွဲ ဆုရရှိခဲ့တယ်ပေါ့နော်။” ပြီးတော့ သူဟာ ၂၀၁၃ ခုနှစ်မှာ ကျင်းပတဲ့ ဆီးဂိမ်းမှာလည်း ဗီယက်နမ်ရဲ့ အလှမယ်အဖြစ် အကျိုးဆောင်ခွင့် ရရှိခဲ့ပါတယ်။ အဲဒီ့နောက်ပိုင်း ဗီယက်နမ်က ကြော်ငြာခေါ်ရိုက်ရာကနေ သူ့ရဲ့ အနုပညာလှုပ်ရှားမှုဟာ တဆစ်ချိုး ပြောင်းလဲသွားခဲ့တယ်လို့ သူမက ပြောပါတယ်။ “ဗီယက်နမ် အချိုရည်အတွက် ကြော်ငြာရိုက်မယ် ဆိုပြီးတော့ အဲဒီမှာ စပြီး ရိုက်လိုက်တဲ့ ဓာတ်ပုံက မထင်မှတ်ဘဲနဲ့ အွန်လိုင်းမှာ ပြန့်သွားတယ်ပေါ့နော်။ အဲဒီမှ စတင်ပြီး သိခဲ့တယ်လို့ ထင်တယ်။” ဒီ့နောက်ပိုင်းမှာတော့မှာ သူ့ရဲ့ ယုံကြည်ချက်တွေကို ပိုပြီးတော့ တွန်းအားဖြစ်စေတဲ့ သူ့မိတ်ဆွေအပေါင်းအသင်းတွေရဲ့ အကြံပေးချက်အရ ကာရိုက်တာနဲ့ ကိုက်ညီပြီး ဆွဲဆောင်မှု အားပြင်းတဲ့ ပုံတွေကို သူ ဇောင်းပေးလို့ ရိုက်ပါတော့တယ်။ “ဒီလိုမျိုးဖော်ပြလိုက်တဲ့ အရာတခုက ညီမသည် ဒီ မြန်မာအမျိုးသမီးတွေ ဘယ်လောက်အထိ ခန္ဓာကိုယ်ထိန်းသိမ်းပါစေ၊ ဘယ်လောက်အထိ လှပပါစေဆိုတဲ့ အရာမျိုးတွေ နံပါတ် ၁ အဲဒီဦးစားပေးရှိမယ်။ နံပါတ် ၂ မြန်မာပြည်က မော်ဒယ် Celebrity ဆိုတာ ခန္ဓာကိုယ် ဘယ်လိုဆော့ရတယ်ဆိုတဲ့ မက်စ်ဆေ့ခ်ျပေးမယ်။ နံပါတ် ၃ သမီးသည် Celebrity၊ Sexy Photo ရိုက်တဲ့အချိန်မှာ လူတွေကို စွဲဆောင်နေရမယ်ဆိုတဲ့၊ အဲဒီအကြည့်တွေ ပါရမယ်ဆိုတဲ့ မက်ဆေ့ခ်ျပေးတယ်၊ အဲဒီ၃ ခုပဲပေးတာ။” ဒီလို သူ့ယုံကြည်မှုနဲ့ ရပ်တည်မှုတွေဟာ တကယ်တော့ မြန်မာ့လူ့အဖွဲ့အစည်းမှာ ရှိနေတဲ့ သူတွေရဲ့ အမြင်နဲ့တော့ ကွဲပြားခြားနားပါတယ်။ ဒါ့ကြောင့်လည်း အသိုင်းအဝိုင်းတချို့ရဲ့ ဖယ်ကျဉ်တာကိုခံရပြီး သူ့နှလုံးသားရေးမှာလည်း အဖုအထစ်တွေနဲ့ ရင်ဆိုင်ခဲ့ရတယ်လို့ နန်းဝေေ၀ထွန်းက ရင်ဖွင့်ပါတယ်။ “ဘဝမှာ ဘယ်သူမှ မရှိတော့လောက်အောင် ဖြစ်သွားတာပေါ့နော်။ အစောကြီးကတည်းကလည်း ဘယ်သူမှ မရှိဘူးပေ့ါ။ တမျိုးလုံးက အစိုးရဝန်ထမ်းတွေကြီး။ အဲ ပြီးခဲ့တဲ့ ရက်ကဆိုရင်လည်း အဒေါ်ဆုံးတယ်ပေါ့နော်။ အဒေါ်ဆုံးတဲ့အချိန်မှာ ညီမ ရက်လည်တဲ့နေ့ကမှ သိရတယ်။ ရက်လည်တဲ့နေ့မှာတော့ ညီမ မသွားချင်တော့တာ အသေအချာပဲ။ ကိုယ့်ကိုယ်ကိုယ် အဲဒီ့ သုံးလေးရက်မှာလေ ထိုင်းမှိုင်းပြီးတော့ ဘာလုပ်ရမှန်းမသိဘူး ဖြစ်သွားတာပေါ့နော်။ အရမ်းဝမ်းနည်းသွားတယ်။ ဘာလို့လဲ၊ အမျိုးတွေနဲ့ မဆက်သွယ်ရတာလည်း များပြီပေါ့နော်။ သူတို့တွေ ဘယ်တော့မှ နားလည်လာမှာလဲ၊ သူတို့နားလည်မယ့်နေ့ကရော ညီမ ဒီကမ္ဘာမြေပေါ်မှာ ရှိဦးမလားပေါ့နော်။” “ညီမချစ်သူဆိုလို့ရှိရင်လည်း သူ့မိဘ အသိုင်းအဝိုင်းတွေပေါ့နော် တခါတလေဆိုရင် သူ့မိဘ အသိုင်းအဝိုင်းနဲ့ သူနဲ့ အဆင်မပြေတာလေးတွေ ရှိတယ်၊ ညီမကြောင့်ပေါ့နော်။ ဒါပေမယ့် ညီမက ညီမချစ်သူကို နားလည်အောင် ရှင်းပြတယ်။ ညီမနေပုံထိုင်ပုံ ညီမကမ္ဘာထဲကို ဝင်လာကြည့်ခဲ့သူမြင်တယ်။ မြင်တော့ သူ့ကို အကောင်းဆုံး ပြောပြထားတဲ့အတွက် သူ နားလည်တယ်။ တကယ်လို့ နားမလည်ဘူးဆိုရင်လည်း ညီမအတွက်က ဝမ်းမနည်းပါဘူး။ ဘာလို့လဲဆိုတော့ လောကမှာက မွေးလည်း တယောက်တည်း၊ သေသွားတော့လည်း တယောက်တည်း။ ကိုယ့်ကိုယ်ကိုယ် အမြဲတမ်း စဉ်းစားထားတဲ့ စဉ်းစားချက်က ငါသည် နေ့စဉ် တိုက်ပွဲဝင်နေတဲ့ အမျိုးသမီးတယောက်လို့ပဲ ဆုံးဖြတ်ထားတယ်။” သူ ယုံယုံကြည်ကြည် လျှောက်နေတဲ့လမ်းပေါ် ဝမ်းနည်းမှုတွေနဲ့ ရင်ဆိုင်ရချိန်မှာ အားပေးနှစ်သိမ့်မယ့်  မိသားစုကလည်း သူ့ကို စွန့်ခွာသွားခဲ့ကြပါပြီ။ “ညီမ ငယ်ဘဝက ပေါင်းတည်မြို့ သပြေကုန်းရွာ။ ငယ်ငယ်တုန်းကတော့ ညီမတို့မိသားစုက ပြီးပြည့်စုံတော့ ပေါင်းတည်မြို့တခွင် မသိတဲ့သူ မရှိဘူး။ ညီမ ၆ တန်းလောက်မှာ ညီမအစ်ကို အမှုတခုနဲ့ ရင်ဆိုင်ရတယ်။ ညီမအစ်ကိုအတွက်နဲ့ ညီမအမေ စိတ်ဒုက္ခရောက်ခဲ့ရတယ်။ ပြီးတော့ ညီမအမေက ကင်ဆာနဲ့ ဆုံးသွားတယ်။ အဆုတ်ကင်ဆာနဲ့ပေါ့ ညီမတို့ တောက်လျှောက် ပိုက်ဆံတွေကုန်တယ်။ ညီမ အဲဒီအချိန်ပေါ့နော် ၈ တန်း၊ ၉ တန်း၊ ၁၀ တန်းမှာ ဒီ ကောက်လှိုင်းတွေ ဘာတွေ သယ်ခဲ့ရဖူးတယ်။ အရမ်းလေးတယ်။ ငယ်ငယ်တည်းက ပြီးပြည့်စုံတဲ့ဘဝထဲ နေခဲ့ရပြီး အဲဒီလိုဘဝမျိုးတွေ ရောက်သွားတဲ့အချိန်မှာ ဖြစ်နိုင်ရင် ယောက်ျားပဲ ယူပစ်လိုက်ရမလားပေါ့။ အဲဒီအရွယ် ကလေးဆိုတော့ မသိခဲ့ဘူး။ ဒါပေမယ့် ညီမ ခံယူချက်ရှိတယ်။ ငါ့အဖေရှိတယ်။ ငါ့ဘဝမှာ ငါ့အဖေဟာ ငါ့ပန်းတိုင်ပဲ၊ ငါချမ်းသာအောင်၊ ငါပညာကြီးတတ်လို့ရှိရင် ငါ့အဖေနဲ့ ငါ ဘဝတခုကို ရပ်တည်မယ်။” သူ ကံမကောင်းခဲ့ပါဘူး။ သူမျှော်လင့်ထားတဲ့ သူ့အဖေဟာလည်း သူ မြန်မာစာ ပထမနှစ်ကျောင်းသူ ဘဝမှာပဲ ဆုံးပါးသွားခဲ့ပါတယ်။ “အဖေဆုံးတယ်။ အဖေဆုံးပြီးတော့ လွန်ခဲ့တဲ့ ၂ နှစ်ကပဲ အစ်ကိုထပ်ဆုံးတယ်။ အဖေဆုံးပြီးတဲ့နောက်ပိုင်းမှာ အမနဲ့ကလည်း နေလို့ကလည်း အဆင်မပြေဘူး။ အမက အိမ်ထောင်ကျသွားတယ်ဆိုတော့ ညီမဘဝမှာ အဆောင်မှာ နေရတယ်။ အဆောင်မှာနေပြီးတော့ပဲ ကိုယ်ကိုယ်တိုင် ကိုယ့်အလုပ်ကိုယ် လုပ်ပြီးတော့ပဲ ဘဝတလျှောက်မှာ အကောင်းဆုံး ဖြတ်သန်းရတာပေါ့။” ဒီလို ဘဝရဲ့ ရိုက်ခတ်မှုတွေကြောင့် သူ ဆယ်တန်းအောင်ပြီးကတည်းက ကိုယ့်ခြေထောက်ပေါ်ကိုယ် ရပ်တည်ခဲ့တာပါ။ အထည်ချုပ်လုပ်ငန်း၊ ကုမ္ပဏီဝန်ထမ်းနဲ့ ဘတ်စ်မယ်တွေလည်း လုပ်ခဲ့ဖူးပါတယ်။ အဲဒီနောက် ကိုယ်ပိုင်အထည်ဆိုင်လေး ဖွင့်နေရာက Miss ပြိုင်ပွဲမှာ ဝင်ပြိုင်ရင်း အခုလို မော်ဒယ်တယောက် ဖြစ်လာခဲ့ပါတယ်။ ညီမက ပထမဦးဆုံးပုံက ကြော်ငြာအတွက် ရိုက်ခဲ့တာ။ အခုနောက်ပိုင်းပုံတွေက ရှိတ်ကာဘာအတွက် ရိုက်ပေးခဲ့တာ။ ကနေဒါအမျိုးသမီးက သူ့ရဲ့ ဘော်ဒီအပ်ပေါ့နော်။ ဒီ စွဲဆောင်မှုရှိတဲ့ ဖိုတိုတွေ ရိုက်တယ်ဆိုတာကလည်း ညီမတို့ သရုပ်ဆောင်တွေ တက်ရမယ့် အတတ်ပညာတခု ဖြစ်တဲ့အတွက် ညီမရိုက်တာ။ မြန်မာပြည်မှာကလည်း Sexy Photo မြင်မှ ဂရုစိုက်မယ်ဆိုတာ အသေအချာပဲ။ အဲဒီတော့ ဒီနည်းကို သုံးလိုက်တာရှင့်။” မော်ဒယ်ဘဝ ရောက်လာပြန်တော့လည်း သူရွေးချယ်တဲ့ လမ်းကြောင်းအတွက် ပတ်ဝန်းကျင်ရဲ့ ထိုးနှက်မှုဒဏ်ကို ခံရပါတယ်။ သူ့ရဲ့ လူမှုကွန်ရက် စာမျက်နှာမှာဆိုရင်လည်း လူအမျိုးမျိုးရဲ့ ဝေဖန်သံ ပုံစံမျိုးစုံကိုပါ ကြုံတွေ့ရတာပါ။ “တော်တော်များများ မော်ဒယ် Celebrity က မကောင်းတာလုပ်စားတယ်လို့ သူတို့အမြင်တွေမှာ ရှိတယ်။ တကယ်လည်း ရှိနေတယ်။ မော်ဒယ်ဆိုလို့ရှိရင် သူတို့က ငွေနဲ့ခေါ်ပြီး တွဲလို့ရတယ်ဆိုတာတွေ အများကြီးရှိတယ်။ တိုက်ရိုက် လာမစော်ကားသရွေ့ကတော့ ညီမ ဘာမှမပြောဘူး။ ဘာဖြစ်လို့ဆိုတော့ Negative လုပ်ထားတယ်။ သူတို့ကိုလည်း  ဂရုမစိုက်ဘူး။ ဒါ ညီမအတွက် အတားအဆီးတွေပဲ။ သူတို့ကို လိုက်ဂရုစိုက်နေမယ်ဆိုရင် ညီမ ပန်းတိုင် ဘယ်တော့မှ ရောက်မှာမဟုတ်ဘူး။” တကယ်တော့ သူ ဒီလို ခန္ဓာကိုယ်အချိုးအဆစ်ကို အသားပေး ရိုက်ပြဖို့အတွက် သူ့အသက် ၁၉ နှစ်လောက်က လေယာဉ်မယ်တယောက်ဖြစ်ဖို့ ကြိုးစားရာက စတင်ခဲ့တာပါ။ “လေယာဉ်မယ်တယောက်ဆိုတာ ခန္ဓာကိုယ်အချိုးအစား လှပရမယ်။ အရပ်ရှည်ရမယ် ဆိုတဲ့အတွက် လေယာဉ်မယ်ဖြစ်ချင်တဲ့အတွက် ဒီကစားနည်းကို စပြီး လေ့ကျင့်ဖြစ်တာပေါ့နော်။ အဲဒီနောက်ပိုင်းမှာ လေယာဉ်မယ် မလုပ်ဖြစ်တဲ့ အချိန်ကျတော့ ဒီလောကထဲ ဝင်လာတဲ့ အခါကျတော့ ကိုယ့်အတွက် အရမ်းအရေးကြီးတဲ့ ညီမတို့က ဒီခန္ဓာကိုယ်က အဓိက။ ကိုယ့်ကိုယ်ကိုယ် ပရောဒတ်တခုလိုပဲလေ၊ အဲဒါကြောင့် ဒီကစားနည်းက မရှိမဖြစ် အရေးပါတဲ့ အရာတခုလို့ ထင်တယ်ရှင့်။” ဒါ့ကြောင့် နေ့စဉ်ဆိုသလို သူ့ချစ်သူနဲ့အတူ တမိုးအောက်မှာ တွဲဆော့လို့ရတဲ့ အားကစားရုံကို မနက် ၆ နာရီမှာ သွားလေ့ရှိပါတယ်။ “နန်း နိုင်ငံခြားကနေ ပြန်ရောက်လာတဲ့အချိန်မှာ နန်းတို့ မြန်မာနိုင်ငံက Celebrity တွေဟာ ပိုက်ဆံရှိမှလို့ ထင်ခဲ့တဲ့အရာတွေက အရမ်းကို မှားတယ်ဆိုတာ ညီမ နားလည်လိုက်တယ်။ ဒီ အားကစားစင်တာဆိုရင် လစဉ်ကြေးမှ တသောင်းခွဲပဲ သွင်းရတယ်။ ပြီးလို့ရှိရင် ကျယ်ဝန်းတဲ့ နေရာလည်းရှိတယ်။ အဲဒါကြောင့်မို့ ညီမ ဒီလိုမျိုး ဆော့ပြတဲ့အတွက် နောက်ထပ် မော်ဒယ်လေးတွေကလည်း ငါဖြစ်ချင်လိုက်တာ၊ ငါတို့မှာ ပိုက်ဆံရှိမှ ဖြစ်မယ်ဆိုတဲ့ အယူအဆမျိုး ပျောက်ပျက်အောင်လို့ တတ်နိုင်သမျှ ညီမ အောက်ခြေကနေ သွားတာများပါတယ်။” အဲဒီလို သူကတော့ သူယုံကြည်တဲ့ အနုပညာလမ်း ဖြောင့်ဖြောင့်လျှောက်လှမ်းနိုင်ဖို့ ငွေရေးကြေးရေး အခက်အခဲတွေကို ကြံ့ကြံ့ခံဖြတ်သန်းရင်း ဘဝကို ခဲခဲယဉ်းယဉ်း ထုဆစ်နေရသူပါ။ “အနုပညာအလုပ်က ဘုရား၊ တရားနဲ့ အရမ်းသက်ဆိုင်တယ်။ မကောင်းတာလုပ်ရင် ချက်ချင်းပြုတ်ကျတယ်။ အဲဒီတော့ ဒီအနုပညာအလုပ်မှာ သူများရဲ့စပွန်ဆာ ယူလိုက်ပြီဆိုရင် ဖြူစင်တဲ့စပွန်ဆာ ဆိုလို့ရှိရင်တော့ ကောင်းပါတယ်။ မဖြူစင်တဲ့စပွန်ဆာ ဆိုလို့ရှိရင်တော့ ဘယ်လောက်အထိပဲ အောင်မြင်အောင်မြင် ငွေကြေးကြောင့် အောင်မြင်လည်း တဒင်္ဂပဲ။ လုံးဝ ရေရည်မအောင်မြင်နိုင်ဘူးလို့ ရဲရဲကြီး အာမခံ ပြောရဲတယ်။” တကယ်တော့ လူတွေက သူ့ကို Sexy Model နန်းဝေဝေထွန်းလို့ပဲ သိကြတာ များပါတယ်။ သူ့ရဲ့ ခိုင်မာတဲ့ စိတ်ဓာတ်တွေနဲ့ ကံကြမ္မာရဲ့ မျက်နှာသာပေးမှုတွေကြောင့် သူ မော်ဒယ်လောကကို ဝင်ရောက်ပြီး သိပ်မကြာခင်မှာပဲ နိုင်ငံတကာမှာ ယှဉ်ပြိုင်မယ့် ရုပ်ရှင်ဇာတ်ကားကြီးတွေမှာ ပါဝင်သရုပ်ဆောင်ခွင့် ရခဲ့ပါတယ်။ အမေရိကန်နိုင်ငံသူ မိုနာ အီး စထရက် ဘားဂါး ထုတ်လုပ်တဲ့ မုဒြာကောလင်း ဆိုတဲ့ ရုပ်ရှင်ဇာတ်ကားကြီးမှာ သူရိုက်ခွင့်ရဖို့အတွက် အွန်လိုင်းမီဒီယာကနေ လျှောက်ခဲ့ပါတယ်။ အဲဒီမှာ ဒုတိယမင်းသမီးနေရာအဖြစ် ရွေးချယ်ခံရပြီး သူ သရုပ်ဆောင်တယောက် ဖြစ်လာခဲ့သလို သူ့ကို မိသားစုဝင်သဖွယ် ကူညီစောင့်ရှောက်ပေးတဲ့ မိုနာနဲ့ပါ ဆုံဆည်းခွင့် ရခဲ့ပါတယ်။ “ပွင့်ပွင့်လင်းလင်းပြောရရင်တော့ သူဟာ ကျမသိတဲ့ အကြိုးစားဆုံးသူတွေထဲက တယောက်ပါပဲ။ ဒီတိုင်းပြည်မှာ ရုပ်ရှင်မင်းသမီးတွေ၊ မော်ဒယ်လ်တွေဖြစ်ဖို့ သူတို့ရဲ့ ပင်ကိုယ်အရည်အချင်း အစစ်အမှန်နဲ့ ဒီလောကထဲဝင်ဖို့ အရမ်းခက်ခဲတယ်။ ကံမကောင်းစွာနဲ့ သူတို့မှာ ငွေကြေးအလုံအလောက် မရှိဘူးဆိုရင် သူတို့ကို ထောက်ပံ့ပေးမယ့်သူကို ရှာကြရတယ်။ သူက အဲဒီလမ်းကြောင်းကို မရွေးဘဲ သူ့ပင်ကိုယ်အရည်အချင်းနဲ့ပဲ မော်ဒယ်တယောက်အနေနဲ့ ဒါမှမဟုတ် သရုပ်ဆောင် ဒါမှမဟုတ် အဆိုတော်အနေနဲ့ ထိုးဖောက်ဖို့ ကြိုးစားနေတာကို ကျမ တကယ်လေးစားမိတယ်။ သူ ဘာပဲလုပ်ဖို့ ကြိုးစားကြိုးစား ကျမကတော့ သူ့ကို ကူညီပေးမှာပါပဲ” လို့ မိုနာက ပြောပါတယ်။ နောက်ပြီး အနုပညာလောကထဲမှာ နေရာတနေရာ ခြေကုပ်ယူဖို့ အဆိုတော်ဖြစ်အောင်လည်း ဦးစောနုရဲ့ အဆိုသင်တန်းကျောင်းမှာ လေ့လာသင်ယူနေတယ်လို့ နန်းဝေေ၀ထွန်းက ပြောပါတယ်။ “ဒီနေ့ ဒီချိန်မှာကတော့ Celebrity ဆိုတာက ညီမတို့ နိုင်ငံတကာတိုးရတဲ့ အချိန်မှာကြတော့ အကုန်တတ်ထားမှ ရမယ်။ မြင်းစီးဆိုလည်း စီးရမှာပဲ၊ ညီမ ကာရိုက်တာက အဆိုတော်ဆို အဆိုတော်ဖြစ်ရမှာ။ အဲဒီတော့ ညီမ ဒီမှာ မင်းသားနဲ့ ညီမ တွဲထွက်လို့ မရလောက်ဘူး။ ဒီနိုင်ငံရဲ့ အခြေအနေအရ။ မညီညွတ်တဲ့အချိန်။ ညီမ အဆိုတော်အနေနဲ့ တယောက်တည်း ထွက်လို့ရှိရင် ညီမ နိုင်ငံခြားမှာ သွားလုပ်လို့ရတယ်။ မင်းသမီးက တကား နှစ်ကားပဲ ရှိတယ်။ ဘယ်လိုမှ လုပ်လို့မရဘူးလေ။ အဲတော့ ညီမ အဆိုတော်နဲ့ အရင်ပေါက်အောင် ကြိုးစားကြည့်မယ်ဆိုပြီး ညီမ ဆုံးဖြတ်လိုက်တာ။” တကယ်တော့ သူ့အိပ်မက်တွေဟာ မြန်မာနိုင်ငံထဲမှာတင်မကဘဲ ဟောလိဝုဒ်အထိပါ ရှိနေတာပါ။ ပြီးတော့ သူအားကျနေတဲ့ ဟောလိဝုဒ်မင်းသမီး အင်ဂျလီနာ ဂျိုလီလိုပဲ ပရဟိတ လုပ်ငန်းတွေကို သူ စိတ်ဝင်တစား လုပ်ကိုင်ချင်နေခဲ့ပါတယ်။ “နိုင်ငံတကာမှာ ရုပ်ရှင်မင်းသမီးတယောက်ဖြစ်ချင်တယ်။ ပွင့်ပွင့်လင်းလင်း ပြောရရင်တော့ ဂျိုလီ။ ဒါ သမီးအကြိုက်ဆုံး မင်းသမီး။ သူဆို တကယ့်ပရဟိတ။ အဲလောက်အထိကို သမီးမှန်းထားတယ်။ ဒါပေမယ့် အဲလောက်တွေပြောရင် သမီး ဟာသ ဖြစ်နေလိမ့်မယ်။ ဒုတိယတခုက အဲလိုမျိုး ဖြစ်မလာခဲ့ဘူး ဆိုရင်တောင်မှ အခု သမီး Celebrity တလျှောက်မှာ သမီးရခဲ့တဲ့ ပိုက်ဆံ၊ သမီးရခဲ့တဲ့ ချွေးနည်းစာလေးတွေ အကုန်လုံး သမီး  ပေါင်းတည်က ကလေးတွေ၊ နယ်မြို့က ကလေးတွေ၊ သံဃာတော်တွေ သမီး အကုန်လုံးကို လှူဒါန်းခဲ့တယ်။ သမီးရဲ့ မွေးဖွားရာ ဇာတိရွာမှာ သမီးနာမည်သည် အဖေနဲ့ အမေအတွက် ဖြစ်ခဲ့ပြီးပြီ။ သမီးမွေးဖွားရာ ပေါင်းတည်မြို့မှာ ဖြစ်ခဲ့ပြီးပြီ။ ပြီးရင် ပဲခူးတိုင်းဖြစ်ရမယ်။ ဖြစ်ပြီး မြန်မာနိုင်ငံမှာ ဖြစ်ရမယ်လို့ အဲဒီလောက်အထိ တွေးတယ်။ မဖြစ်ခဲ့ဘူးဆိုရင်တော့ ညီမရဲ့သမိုင်း ရသလောက်ကိုတော့ ရေးခဲ့မယ်လို့ အဆုံးအထိကို တွေးထားတယ်။” Sexy မော်ဒယ်လို့ လူသိများတဲ့ နန်းဝေဝေထွန်းတယောက် ဟောလိဝုဒ်ဆိုတဲ့ အိပ်မက်လှေကြီးပေါ်မှာ ပဲ့ကိုင်စီးနင်းရင်း မြန်မာ့လူ့အဖွဲ့အစည်းရဲ့ ဝေဖန်မှု လှိုင်းတံပိုးတွေကို အန်တုပြီး သူ့ခရီးသူ ဆက်နေဆဲပါပဲ။ အေးမိစံ ရုပ်သံကြည့်ရှုရန်

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024