မြန်မာသမ္မတဦးထင်ကျော်ကို လာအိုသမ္မတက ဂုဏ်ပြုတပ်ဖွဲ့ဖြင့် ကြိုဆို (ဓာတ်ပုံ)
DVB
·
May 6, 2016
မြန်မာသမ္မတဦးထင်ကျော်၊ နိုင်ငံတော်အတိုင်ပင်ခံ ဒေါ်အောင်ဆန်းစုကြည်နဲ့ အစိုးရအဖွဲ့ဝင်တွေကို လာအိုသမ္မတက ဒီနေ့ မနက်ပိုင်းမှာ ဂုဏ်ပြုတပ်ဖွဲ့နဲ့ ကြိုဆိုခဲ့ပါတယ်။
အစိုးရသစ်ရဲ့ ပထမဆုံး နိုင်ငံခြားခရီးစဉ်အဖြစ် သမ္မတဦးထင်ကျော်၊ ဇနီး ဒေါ်စုစုလွင်နဲ့ နိုင်ငံတော်အတိုင်ပင်ခံပုဂ္ဂိုလ်နှင့် နိုင်ငံခြားရေးဝန်ကြီး ဒေါ်အောင်ဆန်းစုကြည်တို့ဟာ ဒီနေ့မနက် ၇ နာရီက လာအိုနိုင်ငံကို နေပြည်တော်ကနေ ထွက်ခွာသွားတာဖြစ်ပါတယ်။
မြန်မာအမျိုးသားလေကြောင်းလိုင်း ဘိုးအင်း ၇၃၇-၈၀၀ လေယာဉ်နဲ့ နေပြည်တော် အပြည်ပြည်ဆိုင်ရာလေဆိပ်ကနေ ထွက်ခွာသွားတာဖြစ်ပြီး အခုခရီးစဉ်မှာ နိုင်ငံတော်သမ္မတနဲ့အတူ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ပြန်ကြားရေးဝန်ကြီးဌာန ပြည်ထောင်စုဝန်ကြီး ဒေါက်တာဖေမြင့်လည်း လိုက်ပါသွားပါတယ်။
လက်ရှိ အာဆီယံအလှည့်ကျ ဥက္ကဋ္ဌ တာဝန်ယူထားတဲ့ လာအိုနိုင်ငံသမ္မတ မစ္စတာဘွန်ညံဗိုရာချစ်ရဲ့ ဖိတ်ကြားချက်အရ တရက်တာခရီး သွားရောက်တာဖြစ်ပြီး ညနေပိုင်းလောက်မှာ နေပြည်တော်ကို ပြန်လည်ရောက်ရှိလာဖို့ ရှိနေပါတယ်။
ဓာတ်ပုံ - Vietiane Times
