မလေးရှားသွားရန် ပွဲစားက အခကြေးငွေယူပြီး တောထဲပစ်ထားခံရသူ မြန်မာ ၈ ဦး ဖမ်းဆီးခံရ

ဓာတ်ပုံ - thairath.co.th
ထိုင်းတောင်ပိုင်း ဆုန်ခလာခရိုင်ရှိ တောအုပ်ထဲမှာ မလေးရှားသွားဖို့ ပွဲစားက အခကြေးငွေယူပြီး လာပစ်ထားတဲ့ မြန်မာနိုင်ငံသား ၈ ဦးကို ထိုင်းအာဏာပိုင်တွေက ဖမ်းဆီးလိုက်တယ်လို့ ထိုင်းရတ်သတင်းမှာ ဖော်ပြပါတယ်။ မလေးရှားနယ်စပ်နဲ့ ၁ ကီလိုသာကွာဝေးတဲ့ ဆဒေါဝ်းမြို့နယ် ဆမ်နတ်ခမ်ကျေးရွာ အုပ်စုထဲမှာ အထုတ်အပိုးတွေနဲ့ လူတစ်စု ပုန်းအောင်းနေကြောင်း ရာဘာခြစ်အလုပ်သမား တွေက လာရောက်အကြောင်းကြားတဲ့အတွက် ကျေးရွာအုပ်ချုပ်ရေးမှူး၊ နယ်မြေခံစစ်တပ်၊ နယ်ခြားစောင့်ရဲတပ်ဖွဲ့တွေနဲ့အတူ သွားရောက်စစ်ဆေးရာမှာ ထိုင်းနိုင်ငံတွင်း တရားမ၀င် ၀င်ရောက်လာတဲ့ မြန်မာ ၈ ဦးကို ဖမ်းဆီးခဲ့တာလို့ လက်ထောက်မြို့နယ်မှူး နိုင်းနဖွန်း ဖာဟုမန်တိုက သတင်းထောက်တွေကို ပြောပါတယ်။ အဆိုပါ ၈ ဦးမှာ အမျိုးသား ၆ ဦးနဲ့ အမျိုးသမီး ၂ ဦးတို့ဖြစ်ကြပြီး ကန်ချနဘူရီခရိုင် ဘုရားသုံးဆူဘက်ကနေ ပွဲစားနဲ့တဆင့် ၀င်ရောက်လာကြကာ ပွဲခအဖြစ် တဦးကို ဘတ် ၁၂၀၀၀ (တသောင်းနှစ်ေထာင်) ပေးခဲ့ရပြီး မလေးရှားကို ရောက်ရင် နောက်ထပ် ဘတ် ၅ ထောင်ပေးရမှာလို့ ဆိုပါတယ်။ သူတို့ဟာ အဲဒီနေရာကို မေလ ၂ ရက်နေ့ ညနေပိုင်းက ရောက်လာကြပြီး မလေးရှား ဆက်ပို့မယ့် ပွဲစားကိုစောင့်နေကြောင်း၊ ဒါပေမယ့် ပွဲစားက ပေါ်မလာဘဲ ခုလိုအဖမ်းခံရတာလို့  စကားပြန်မှတဆင့် တာဝန်ရှိသူတွေကို ပြောခဲ့ပါတယ်။ အဲဒီနေရာဟာ မလေးရှားနယ်စပ်နဲ့  သိပ်မဝေးတော့ပေမယ့်လည်း မလေးရှားအစိုးရက နယ်ခြားစည်းရိုးကို အခိုင်အမာကာရံထားတဲ့အပြင် မလေးရှားစစ်သားတွေနဲ့  ၂၄ နာရီ လုံခြုံရေး အစောင့်ချထားတဲ့အတွက် ၀င်ရောက်ဖို့ လုံးဝမလွယ်ကူကြောင်း၊ ပွဲစားက ငွေယူပြီး သူတို့ကို လာပစ်ထားတာဖြစ်နိုင်ကြောင်း ဒုမြို့နယ်မှူးက သုံးသပ်ပြောဆိုပါတယ်။ တရားမ၀င် ၀င်ရောက်လာသူ မြန်မာနိုင်ငံသား ၈ ဦးကို ဆဒေါဝ်းမြို့နယ်ရဲစခန်းသို့ ခေါ်ဆောင်ခဲ့ပြီး လ၀ကဥပဒေအရ အရေးယူပြီးရင် မိခင်နိုင်ငံပြန်ပို့မယ်လို့  မြို့နယ်အာဏာပိုင်က ပြော သွားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up